Mateo 2
2
Bufi daolewä bä lä waloqueno wei tä a̦
1Judea tä ulifi jamö, Lomateli bänö Elode a bada lä lämabono wejei däjä, Belena jamö Jesús a oshe cublaliyoma. A oshe cublaliyono wei ja, motoca a lä faö wei jamö bä lä bälöono wei, ai bä bufi daolewä waloqueyoluma. Tä nia lä cublou wei tä daö showadaobeje, shidicali bä shino mödimaje. Jelusale jamö ö̦jö bä fa yafilionö, abinaja bä cuma.
2—Judio bä nija a Bada läobä a oshe nofi da wawäblalui, ¿wedi jamö bei a? Shidicali a ja, yama a mayo dalalema, motoca a lä faimaö wei jamö. Ö̦jö nija yamacö möfe bolanö, yama a wa̦fa Bada doblao tabä yamacö juma —bä cuma.
3Ö̦jö bä a̦ fa ji̦lilänö, bada tä Elode lä cui, a bufi shifilimou showadaoma. Jelusaleteli bluca bä ma cui, bä bufi ca̦i shifilimoa mö fedulayoma.
4Elode a lä cuinö täbä bada yododoblamaö showadalayoma. Nofi bäyäalewä blowäjäwä bä ma cui, Moisesi tä a̦ ja täbä lä damaö wejei bä ma cui, ö̦jö bä fa co̦camomalönö, bä wa̦lii cadidioma. Abinaja a cuma.
—Yai Bada tänö a shömabä a lä yaileno wei a lä cui, ¿wedi jamö bei a oshe nia jo̦wa li cubloma? —a cuma.
5Abinaja a nowa taö mö feduomaje.
—Judea tä ulifi jamö, a oshe nia jo̦wa wawäbloma, Belenateli bä shabonobö jamö. Inaja Yai Bada a wa̦no wäyälewä ai a cuu balöo showaoma. Abinaja tä a̦ cuu.
6Judawä ebä ulifibö jamö, Belenateli wamacö lä bälöle, wamacö nofi yai tabobeje wamacö. Judawä ai ebä bada cublawä bäwä ma cui, iba Isaeli ebä nija a Bada nia yai lä läo wei, cafä Belenateli wamacö nija ya nia wawäblamaö.
’Einaja tä a̦ cuu —Elode a nowa tamaje.
7Ö̦jö däjä, Elode a lä cuinö, bufi daolewä bä nacaa co̦a fa ja̦tolänö, shidicali a wa̦lima.
—¿Wedi tä dodijiwä däjä, bei e li shidicali wawäblaliyoma? —a cuma.
Ö̦jö bä a̦ fa ji̦lilänö, a ijilu lä badaö wei etä dalalema. 8Ö̦jö däjä, Belena jamö bä shömalanö, abinaja a jole cuma.
—Belena jamö bä aa da showadaalu. Ijilu wama a fa dayäblalönö, wama a dalalei yalo wamale yömölaa mö yabaa co̦liyo. ¿Ö̦jö tawä? Wamale yömölalei ja, camiyänö ya ca̦i möö nomöjöobä. Ö̦jö nija ya möfe bolanö, camiyänö ya wa̦fa Bada ca̦i doblao taö mö feduobä —a jole cuma.
9Bufi daolewä bänö bada a wa̦ fa ji̦liläjenö, bä alayoma. Motoca a lä faö wei jamö a shidicali jaba lä möno wejei a lä cui, a balöaö co̦ofälöma. Ijilu a ca̦i lä cuböono wei a yafi fedubö jamö, a yanöcöbalejelayoma. 10¿Ö̦jö tawä? Shidicali a lä dalaleno wejei däjä, ¡bejedi lä bä bufi yai doblalou fe balojooma!
11Ö̦jamö bä fa co̦blalunö, Maríanö bä ijilubö e ca̦i cuobä jamö, a ijilu dalalemaje. A fa dalalöjenö, mashita jamö bä möfe fa boolalunö, a wa̦fa Bada doblao tamaje. Ö̦jö däjä, bä ca̦i madofibö lä juno wejei, bä fa wawämalalöjenö, a dobämaje. Olo bä ma cui ja, täbä wa̦queshi ni cle̦deli lä u̦cucamamou wei täbä ma cui ja, fii defibä shuu nö lä cle̦deli wei defibä ca̦i shuu ma cui ja, ö̦jö täbä bluca ja, a dobämaje.
12Bada tä Elode nijamö bä jayuaö co̦ofälöö mlaobä, majali tänö bä fa wasölönö, shomi yo jamö bä co̦a yacläa co̦layofälöma.
Ejido jamö ijilu a ca̦i lä
docubölayofälöno wei tä a̦
13Ö̦jö bufi daolewä bä co̦layono wei ja, Yai Bada tänö a̦jele e shömöa jälema. José nija a majali fa wawälönö, abinaja e majali cuyoluma.
—A da jocäblalu. Ejido jamö suwäböfä sho, ijilu wafä a ca̦i docufälöbä. Bäfä nacaö showao mlao däjä, ö̦jamö lä wamacö yanöcöo cudio balöobä. Bada tä Elode lä cuinö, fei däjä ijilu a nia jädäaö, a nia fa shänö —e majali cuma.
14Ö̦jö tä mö didi showawä ja, a la̦a fa showadaalunö, Ejido jamö bä suwäbö e sho, ijilu a ca̦i docua fe jalua showalayofälöma. 15Bada tä Elode a nomaö showao mlao däjä, ö̦jamö lä bä cudio balöoma. ¿Ö̦jö tawä? Yai Bada a wa̦no wäyälewä nija, Bada a lä cuno wei tä a̦ bejedi cublobä, ö̦jö tä li cublaliyoma. Abinaja tä a̦ cuu.
Ejido jamö, Ijiluyä a faö co̦ofälöbä, ya nacalema.
Einaja tä a̦ cuu.
Elodenö ijilu bä bluca lä shämalaleno wei tä a̦
16¿Ö̦jö tawä? Bufi daolewä bänö bada tä Elode a mölamalemaje yalo, a nö bada wa̦lowä jushudou fe balojoa jälayoma. A nö wa̦lowä jushudou fa dodijilonö, Belenateli bä shabonobö jamö ma cui, ö̦jamö bä bälöa fe lä fa̦yoono wei bä nijamö ma cui, ijilu wa̦lo bä bluca shäa showadaamalalema, lasha bolacabö a famaö showaa lä mlajei bä lä cui. Bufi daolewä bä wa̦lii malä waiquiono wei. “Ei tä lä cui däjä, inaja ijilu a bada cua waiquile dao”, a bufi cuma yalo, ö̦jö bä nabä bluca shömöquema. Ijilu bä bluca shäbeje jamö, bada a nia yai lä läo wei a ca̦i ijilu shämou coyocoo showadaobä. 17Ijilu bä bluca lä shämaleno wei tänö, Yai Bada a wa̦no wäyälewä Jelemia a lä cuno wei tä a̦ bejedi cublaliyoma. Abinaja tä a̦ cuu.
18Lamaa tä ulifi jamö, bä a̦ nö dedeblaloma. Bä ö̦cöma. Bä a̦ nacli ji̦lioma. Laquela nodiwä ebä suwä lä cuinö, bä ijilubö ebä nomöa bomaje. Ebä cuonomi waiquiwä cudeenö, bä bufi nia lojodomabou lä co̦ono wejei bä nija bä noshi umlaoma.
Einaja tä a̦ cuu.
Ejido jamö Jesús a co̦o ca̦i
mö lä yabaaimano wei tä a̦
19Ö̦jö ma cui, bada tä Elode a nomalayono wei ja, Ejido jamö Bada tänö a̦jele e shömöa fa co̦lunö, José nija a majali wawäa co̦malema. Abinaja e majali cuma.
20—A da jocäblalu. Isaeli ebä ulifibö jamö suwäböfä sho, ijilufä wafä a ca̦i co̦jamöö co̦obä. Ijilu a shäö bufi lä doblaono wejei bä lä cui, bä nomaa waiquilaliyoma —e majali cuma.
21Ö̦jö däjä, José a fa jocäblalunö, Isaeli ebä ulifibö jamö, bä suwäbö sho, bä ijilubö a ca̦i co̦a co̦layofälöma. 22Ö̦jö ma cui, Judea jamö, Elode bä ijilubö Aquelao e a̦ bada läo juo fa ji̦lilänö, ö̦jamö José a juu quilima. Ö̦jö däjä a majali wasömamou fa co̦onö, Calilea jamö bä aa yacläa majölayofälöma. 23Nasale tä a̦fa shabono lä jilaö wejei jamö, bä yai bälöaliyoma.
Inaja Yai Bada tänö bä taamama, cama a wa̦no wäyälewä bä lä cuno wei tä a̦ bejedi cublobä. Yai Bada tänö a shömabä a lä yaileno wei a lä cui, ö̦jö a wa̦fa wäyämamou ja abinaja tä a̦ cuu.
Nasaleteli a wa̦fa nia jilabouje.
Einaja tä a̦ cuu.
Currently Selected:
Mateo 2: GUU
Highlight
Share
Copy
Want to have your highlights saved across all your devices? Sign up or sign in
©2012, All Rights Reserved
Mateo 2
2
Bufi daolewä bä lä waloqueno wei tä a̦
1Judea tä ulifi jamö, Lomateli bänö Elode a bada lä lämabono wejei däjä, Belena jamö Jesús a oshe cublaliyoma. A oshe cublaliyono wei ja, motoca a lä faö wei jamö bä lä bälöono wei, ai bä bufi daolewä waloqueyoluma. Tä nia lä cublou wei tä daö showadaobeje, shidicali bä shino mödimaje. Jelusale jamö ö̦jö bä fa yafilionö, abinaja bä cuma.
2—Judio bä nija a Bada läobä a oshe nofi da wawäblalui, ¿wedi jamö bei a? Shidicali a ja, yama a mayo dalalema, motoca a lä faimaö wei jamö. Ö̦jö nija yamacö möfe bolanö, yama a wa̦fa Bada doblao tabä yamacö juma —bä cuma.
3Ö̦jö bä a̦ fa ji̦lilänö, bada tä Elode lä cui, a bufi shifilimou showadaoma. Jelusaleteli bluca bä ma cui, bä bufi ca̦i shifilimoa mö fedulayoma.
4Elode a lä cuinö täbä bada yododoblamaö showadalayoma. Nofi bäyäalewä blowäjäwä bä ma cui, Moisesi tä a̦ ja täbä lä damaö wejei bä ma cui, ö̦jö bä fa co̦camomalönö, bä wa̦lii cadidioma. Abinaja a cuma.
—Yai Bada tänö a shömabä a lä yaileno wei a lä cui, ¿wedi jamö bei a oshe nia jo̦wa li cubloma? —a cuma.
5Abinaja a nowa taö mö feduomaje.
—Judea tä ulifi jamö, a oshe nia jo̦wa wawäbloma, Belenateli bä shabonobö jamö. Inaja Yai Bada a wa̦no wäyälewä ai a cuu balöo showaoma. Abinaja tä a̦ cuu.
6Judawä ebä ulifibö jamö, Belenateli wamacö lä bälöle, wamacö nofi yai tabobeje wamacö. Judawä ai ebä bada cublawä bäwä ma cui, iba Isaeli ebä nija a Bada nia yai lä läo wei, cafä Belenateli wamacö nija ya nia wawäblamaö.
’Einaja tä a̦ cuu —Elode a nowa tamaje.
7Ö̦jö däjä, Elode a lä cuinö, bufi daolewä bä nacaa co̦a fa ja̦tolänö, shidicali a wa̦lima.
—¿Wedi tä dodijiwä däjä, bei e li shidicali wawäblaliyoma? —a cuma.
Ö̦jö bä a̦ fa ji̦lilänö, a ijilu lä badaö wei etä dalalema. 8Ö̦jö däjä, Belena jamö bä shömalanö, abinaja a jole cuma.
—Belena jamö bä aa da showadaalu. Ijilu wama a fa dayäblalönö, wama a dalalei yalo wamale yömölaa mö yabaa co̦liyo. ¿Ö̦jö tawä? Wamale yömölalei ja, camiyänö ya ca̦i möö nomöjöobä. Ö̦jö nija ya möfe bolanö, camiyänö ya wa̦fa Bada ca̦i doblao taö mö feduobä —a jole cuma.
9Bufi daolewä bänö bada a wa̦ fa ji̦liläjenö, bä alayoma. Motoca a lä faö wei jamö a shidicali jaba lä möno wejei a lä cui, a balöaö co̦ofälöma. Ijilu a ca̦i lä cuböono wei a yafi fedubö jamö, a yanöcöbalejelayoma. 10¿Ö̦jö tawä? Shidicali a lä dalaleno wejei däjä, ¡bejedi lä bä bufi yai doblalou fe balojooma!
11Ö̦jamö bä fa co̦blalunö, Maríanö bä ijilubö e ca̦i cuobä jamö, a ijilu dalalemaje. A fa dalalöjenö, mashita jamö bä möfe fa boolalunö, a wa̦fa Bada doblao tamaje. Ö̦jö däjä, bä ca̦i madofibö lä juno wejei, bä fa wawämalalöjenö, a dobämaje. Olo bä ma cui ja, täbä wa̦queshi ni cle̦deli lä u̦cucamamou wei täbä ma cui ja, fii defibä shuu nö lä cle̦deli wei defibä ca̦i shuu ma cui ja, ö̦jö täbä bluca ja, a dobämaje.
12Bada tä Elode nijamö bä jayuaö co̦ofälöö mlaobä, majali tänö bä fa wasölönö, shomi yo jamö bä co̦a yacläa co̦layofälöma.
Ejido jamö ijilu a ca̦i lä
docubölayofälöno wei tä a̦
13Ö̦jö bufi daolewä bä co̦layono wei ja, Yai Bada tänö a̦jele e shömöa jälema. José nija a majali fa wawälönö, abinaja e majali cuyoluma.
—A da jocäblalu. Ejido jamö suwäböfä sho, ijilu wafä a ca̦i docufälöbä. Bäfä nacaö showao mlao däjä, ö̦jamö lä wamacö yanöcöo cudio balöobä. Bada tä Elode lä cuinö, fei däjä ijilu a nia jädäaö, a nia fa shänö —e majali cuma.
14Ö̦jö tä mö didi showawä ja, a la̦a fa showadaalunö, Ejido jamö bä suwäbö e sho, ijilu a ca̦i docua fe jalua showalayofälöma. 15Bada tä Elode a nomaö showao mlao däjä, ö̦jamö lä bä cudio balöoma. ¿Ö̦jö tawä? Yai Bada a wa̦no wäyälewä nija, Bada a lä cuno wei tä a̦ bejedi cublobä, ö̦jö tä li cublaliyoma. Abinaja tä a̦ cuu.
Ejido jamö, Ijiluyä a faö co̦ofälöbä, ya nacalema.
Einaja tä a̦ cuu.
Elodenö ijilu bä bluca lä shämalaleno wei tä a̦
16¿Ö̦jö tawä? Bufi daolewä bänö bada tä Elode a mölamalemaje yalo, a nö bada wa̦lowä jushudou fe balojoa jälayoma. A nö wa̦lowä jushudou fa dodijilonö, Belenateli bä shabonobö jamö ma cui, ö̦jamö bä bälöa fe lä fa̦yoono wei bä nijamö ma cui, ijilu wa̦lo bä bluca shäa showadaamalalema, lasha bolacabö a famaö showaa lä mlajei bä lä cui. Bufi daolewä bä wa̦lii malä waiquiono wei. “Ei tä lä cui däjä, inaja ijilu a bada cua waiquile dao”, a bufi cuma yalo, ö̦jö bä nabä bluca shömöquema. Ijilu bä bluca shäbeje jamö, bada a nia yai lä läo wei a ca̦i ijilu shämou coyocoo showadaobä. 17Ijilu bä bluca lä shämaleno wei tänö, Yai Bada a wa̦no wäyälewä Jelemia a lä cuno wei tä a̦ bejedi cublaliyoma. Abinaja tä a̦ cuu.
18Lamaa tä ulifi jamö, bä a̦ nö dedeblaloma. Bä ö̦cöma. Bä a̦ nacli ji̦lioma. Laquela nodiwä ebä suwä lä cuinö, bä ijilubö ebä nomöa bomaje. Ebä cuonomi waiquiwä cudeenö, bä bufi nia lojodomabou lä co̦ono wejei bä nija bä noshi umlaoma.
Einaja tä a̦ cuu.
Ejido jamö Jesús a co̦o ca̦i
mö lä yabaaimano wei tä a̦
19Ö̦jö ma cui, bada tä Elode a nomalayono wei ja, Ejido jamö Bada tänö a̦jele e shömöa fa co̦lunö, José nija a majali wawäa co̦malema. Abinaja e majali cuma.
20—A da jocäblalu. Isaeli ebä ulifibö jamö suwäböfä sho, ijilufä wafä a ca̦i co̦jamöö co̦obä. Ijilu a shäö bufi lä doblaono wejei bä lä cui, bä nomaa waiquilaliyoma —e majali cuma.
21Ö̦jö däjä, José a fa jocäblalunö, Isaeli ebä ulifibö jamö, bä suwäbö sho, bä ijilubö a ca̦i co̦a co̦layofälöma. 22Ö̦jö ma cui, Judea jamö, Elode bä ijilubö Aquelao e a̦ bada läo juo fa ji̦lilänö, ö̦jamö José a juu quilima. Ö̦jö däjä a majali wasömamou fa co̦onö, Calilea jamö bä aa yacläa majölayofälöma. 23Nasale tä a̦fa shabono lä jilaö wejei jamö, bä yai bälöaliyoma.
Inaja Yai Bada tänö bä taamama, cama a wa̦no wäyälewä bä lä cuno wei tä a̦ bejedi cublobä. Yai Bada tänö a shömabä a lä yaileno wei a lä cui, ö̦jö a wa̦fa wäyämamou ja abinaja tä a̦ cuu.
Nasaleteli a wa̦fa nia jilabouje.
Einaja tä a̦ cuu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©2012, All Rights Reserved