Éxodo 28

Nofi bäyäalewä bä yaiobä tä a̦

1Abinaja Jeobaa a cuma, Moisesi nija.

—Bei. A̦iyofä Aaloni a lä cui, cafä nija wa nia nacamaö, bä ijilubö ebä Nadaba a ca̦i, Abiu a ca̦i, Eleasala a ca̦i, Idamala a ca̦i. Isaeli ebä nija ö̦jö ya bä yaiaö waiquia lä cule. Camiyä nija bä ojodamou ja, täbä nofi nia bäyäbouje.

2’A̦iyofä Aaloni a didiobä, ö̦jö camishi wa ebä nia diyäblamaö —a cuma—. Ebä nia yaio. A nö bada ö̦jöböamobä, liyäjäwä fe balojowä ebä nia camishi cuo. 3Bä bufi lä dao wei bä nija wa wa̦ nia faö, bä dodijabä ya bä lä bayelibole bä nija. Ö̦jö bä nija Aaloni camishi wa ebä nia diyäblamaö, wa yaiamabä. Camiyä nija a ojodamou ja, Isaeli ebä nofi nia bäyäbou.

4’¿Ö̦jö tawä? —a cuma—. A̦iyofä Aaloni a ma cui, bei ijilubö ebä ma cui, abinaja bä camishibö cuwä bä nia taöje. Labe bä ja bä lucäö balöobä bä nia diyäblaöje. Bä nia liyäjäblaöje. Camishi ai bä labajami feyacabobeje bä nia ca̦i taö mö feduoje. Bei bäshäcu ja bä o̦cabobeje, bä ca̦i showawä. Nofi bäyäalewä bä nö bada ö̦jöböamobä, bä nia lä jalebou wejei bä ca̦i. Ö̦jö bä ja, täca wai lä cule bä sudiobä, bä nia ca̦i wai taöje. Bä yojobobeje bä ca̦i acadafu showawä. Nofi bäyäalewä bä lä cui, iba yano jamö bä läo däjä, camishi ö̦jö bä ja bä nia didio. Cama bä didiobä, ebä nia yaio.

5’Ö̦jö camishi ebä nia lä diyäblaö wejei bä lä cui, bä camishi liyäjäblabeje bä nia dobäöje —a cuma—. Olo bä ma cui ja, shi de̦lelewä ubä ma cui ja, ushi wacäjäwä ubä ma cui ja, wacä ubä ma cui ja, bä nia dobäöje. Shuducaje au ubä lä dodijidai ubä ca̦i ja.

Currently Selected:

Éxodo 28: GUU

Highlight

Copy

Compare