Lawana Nani 3
3
LAWANA 3
Dawan wina hilpka makabi ba pura sunra
Debit ai luhpia Absalón wina plapi kan taim ai pura sunan.#2 Sa 15.13-17.22.
1Dawan,
waihli nani ba uya takan sa,
manis nani ba, yang maipara buan sa.
2¡Manis nani yang daihra aisi banhwi ba:
“Gâd, witin ba swaki sâkbia apia!”#3.2 Hibru ulbanka ra bîla kum pura prakan sa sela. sela ba dîa sapa uya param apia sa. Sakuna lukisa miusik puli, puhbi, pura sunra dauki bara wirâ takaski kaia; upla bîla baikra ba sin wirâ laki kaia tukinka kum ulbi kan. Tânka pali ba ulban ba ra kaiks.
3Sakuna, Dawan, man,
yang kaini kahbaika sma,
man sika yang praina sma,
man sika yang kupi kli bukisma ba.
4Yang bîli baikra karna ni Dawan ra hilp makabi winri,
bara witin bâk sakan ilka ba wina ai aisan.
5Yang mahka aitniki bara yapisni,
bara sin kli buisni,
Dawan tâi baikisa bamna.#Law 4.8; S L 3.24.
6Upla tausin nani
tnaiya kir ai kutbi bri ba,
maipara aiklabaia dukiara,
yang baha nani sibrinka briras sna.
7¡Dawan, bus!
¡Swaki ai sâks, yang Gâdki!
Yang waihli nani ba mawan kat man prukma;
¡watawikira nani napa nani man krikma!
8Dawan, man sika swaki sakisma ba;
bamna yamnikam, uplikam nani ra yas.
Currently Selected:
Lawana Nani 3: MSKTU
Highlight
Copy
Compare
Share
Want to have your highlights saved across all your devices? Sign up or sign in
© 2010 Bible Society in Nicaragua
