Lawana Nani 14
14
LAWANA 14 (13)
Upla nani taniska, ai saurka lâka nani
Aiwani nani tâ bri ba wina. Debit lawana.
(Lawana 53)
1Pûlkira ba lukisa, Gâd âpu:
witin nani sut warha takan;
witin nani diara saura nani daukan;
¡kumi sin âpu sa yamni ba daukaia!#Law 10.4,11; 73.11.
2Dawan kasbrika pura wina upla nani ra kaikisa,
baha nani tilara diara tânka bri ba kum kaikaia,
upla kum Gâd plikisa sapa.
3Sakuna witin nani sut yabal saura ra man wan,
witin nani sin sut aikuki baku warha takan.
¡Yamni dauki ba kumi sin âpu!
¡Âpu, kumi sin âpu!#Ro 3.10-12.
4¡Wark saura dadaukra nani ba,
kumi sin diara tânka briras!
Witin nani bui yang upliki nani ba pi banhwisa,
upla plun pi ba baku,
witin nani bui Dawan ra ai pura sunras.
5Bamna witin nani sibrin tara taki tatatwi kabia,
kan Gâd ba witin ai bîla wali nani ba tilara sa.
6Witin nani mita upla umpira nani brin dauki pliki ba,
lawaska kikisa;
sakuna Dawan bui witin nani kan kahbisa.
7¡Ay, Saion ilka wina
Israel luhpia nani hilpka lâka ba balbia kaka!
Dawan bui ai uplika nani ba
pri sakaia lâka daukbia ba ra,
Jekob kiamka nani ai âuyapah kabia,
Israel sut sin lilia kabia.
Currently Selected:
Lawana Nani 14: MSKTU
Highlight
Share
Compare
Copy
Want to have your highlights saved across all your devices? Sign up or sign in
© 2010 Bible Society in Nicaragua
