Lawana Nani 111
111
LAWANA 111 (110)
Dawan daukan ba luki mayunisa
1¡Dawan ba mayunan kabia!
Dawan ra mayunamni kupi aiska kira,
upla wapnikira asla takanka ra,
bara tawan aiska asla takanka ra sin.
2Dawan mihta warkka nani ba tara sa,
ya baha latwan kaiki, tânka ba pliki kaikisa.
3Witin mihta warkka ba painkira ingwisa;
bara witin ai kasakka lâka ba ban kaia ra bâra sa.
4Man warkkam aihka daukram ba,
sip wan âuya tiwras.
Dawan ba ai warkka aihkakira nani daukan ba;
sip wan âuya tiwaia apia daukan.
Dawan ba kupia swapni upla ra umpira kaikisa.
5Witin ra kulki nani ra plun piaia yabisa,
wal lâ daukan ba witin kau luki kabia ban kaia ra.
6Witin daukanka nani karnika ba, ai uplika nani ra param marikan.
Witin nani ra yaban, idan ra yabaia kan ba.
7Witin dîa dauki ba kasak sa,
bara rait pali sa sin;
sip sa kasak lukaia ai lâka bîla nani ra,
8Kan ban bapi buisa ban kaia ra,
kasak lâka kat daukan sa, bara wapni lâka kat sa.
9Ai uplika nani ra pri lâka yan,
bara wal lâ daukan ba ban kaia ra bapi swin.
Gâd ba holi sa bara sibrinkira sa sin.
10Sins lâka kau tara briaia ba lika, Dawan ra pain kulkaia lâka ba;#Job 28.28; S L 1.7; 9.10.
witin ra kulkanka yabi nani ba,
lâ wapni daukanka brisa.
¡Dawan ra mayunra ba ban kaia ra ban kabia!
Currently Selected:
Lawana Nani 111: MSKTU
Highlight
Share
Compare
Copy
Want to have your highlights saved across all your devices? Sign up or sign in
© 2010 Bible Society in Nicaragua
