Lawana Nani 101
101
LAWANA 101 (100)
King pramis daukisa Dawan ra
Debit lawana.
1Latwan lâka bara kasakka lâka tânka aisin ai daukisa;
Dawan, lawana aiwani maikan ai daukisa;
2wapni wapi nani aikuki iwaia brin ai daukisa.
¿Ahkia yang ra balma?
Yang wapanki ba tâski âpu kabia
king iwaika watla pali ba ra sin;
3sip kaikanki ba, mangki brimna apia,
baha nani tanis tiwaia yabalka ra tauki ba ra.
Misbara kaikisna baha nani Gâd lâka briras watauki ba,
¡swirka witin nani laimara sin balbia apia!
4Lukanki saura ba wina ilihwi takamni:
¡saura kumi sin daukaia brin ai daukras!
5Baha nani ba bîla prakaia daukamni
yukuwan ra ai lamara iwi uplika nani ninara aisi ba;
witin nani ba tara sa luki ba,
ai mawan snungki aisi ba,
¡baha nani mapara sip kupi alki takaskras sni!
6Naikra nani ba, upla kasak nani ra kaiki kabia,
yang wal asla iwi kaia ba dukiara
yang warkki baman dauki kaia
baha nani ai rayaka wapni iwi nani ba.
7Upla yamni munan pana saura muni ba waitla ra iwbia apia;
¡upla kuninkira kumi sin maiwanra kabia apia!
8Yua bani ra, yang bui upla saurakira nani sut kuntri ra ba âpu daukamni;
¡Dawan tawanka ba wina saura dadaukra nani ba âpu daukamni!
Currently Selected:
Lawana Nani 101: MSKTU
Highlight
Share
Compare
Copy
Want to have your highlights saved across all your devices? Sign up or sign in
© 2010 Bible Society in Nicaragua
