Sins Lâka TÂ BÎLA NANI
TÂ BÎLA NANI
Naha wauhkataya ba sins lâka bîla nani wahbi sakan, nina mâkan sa “Sins lâka bîla wauhkataya ba”, sins lâka bîla nani kum ba blasi piua ra kasak yus muni kan smalkaia dukiara. Sins lâka smalkanka ba, apia kaka sins lâka bîla ba lâ wihtka aisinka kum piu sut ra tânka klutka ra sa, wan âuya tiwaia apia mata, smalkanka kum kum yabisa, apia kaka kupia kraukanka yabisa wapni lâka ra iwi kaia. Naha wauhkataya na lâ wihtka aisinka ba pliki wahbanka sa. Sins lâka bîla ba witin bâk smalki ba, dîa yawan nakra ni kaiki lan taki aula ba daukuya sa, sakuna Gâd lâka sinska tihuka brisa, ban kra tasba dukiara aisisa talia sa.
Witin wan wiaia pali sinska lukra ba, bara wauhkataya ba sins lâka aihwa pali ba tâ krikisa, Gâd ra kulkaia bara bîla wali daukaia. Kan, sins lâka bîla kum ba, diara wina aihwa pali ba Gâd lâka sa, ban kra tâ bîla ba Gâd dukiara piu sut aisaras kabia kra.
Lâ wihtka aisanka ailal ba lâ kat kaia dukiara kau aisisa, wan daukanka pain kaia bara lukanka kumi. Wala nani ba nahki wan taika nani wal iwaia lâka aisisa, nahki wan walka nani wal diara atkaia natka bara nahki wal iwaia lâka ba. Lâ yamni nani tilara kau bri kaia wan wi ba, yawan klauna ai wîna alki takaski lan kaia, bawan lâka bri kaia, wan kupia alki takaski lan kaia, umpira nani ra tânka bri lan kaia, wan uplika aihwa ra kasak lâka ra pain kaia, bara wan tâ uplika bara wan gabamintka mapara wan daukanka pain kaia. Upla sut mita nina mâkisa “Salaman sinska lâka bîla ba”, sakuna naha pali dukiara aisi ba sapta 10—29, bara sapta 30 ra Agur aisin bîla nani, 31.1-9 Lemuel yaptika aisin bîla ba.
Pas sapta 9 ba sins lâka bîla ra mayunanka kum yabisa, smalkanka kum kum ra bal takisa Gâd sinska lâka bîla ba, witin wal bara witin bâk tasba aiska ba paskan.
Smalkanka 31.10-31, ulban sa bara maya kasak kum ra mayunisa, wark tatakra pali bara diara sut ra sip pali ba.
Currently Selected:
Sins Lâka TÂ BÎLA NANI: MSKTU
Highlight
Share
Copy
Want to have your highlights saved across all your devices? Sign up or sign in
© 2010 Bible Society in Nicaragua