Aiseya 4
4
1Baha yua ra waitna nani ba maura pali kabia,
bamna mairin 7 waitna kumi tâwan unsabi kabia,
witin nani waitna ra wibia:
“Yang nani pati pliki pimna,
yang nani sin silp kwala pliki dimamna,
sakuna baman man aisas
yang nani, man mayam nani,
swiri lâka wina yang nani ai sâks.”
Naika Jerusalem ba lilia kabia
2Baha yua ra
Dawan mita daukbia dus nani ba kli urhwaia
Israel luhpia nani pruras swak takan kabia nani ba
prana mayunra kaia dukiara;
tasbaya wina mâ nani dâkbia ba
baha witin nani yamni kulkanka
ai kulkanka lâka ba bribia.
3Ya kau raya Saion ra takaskan
kabia ba Jerusalem ra sin pruras kau raya kabia
uplika nani ba
baha nani sut bâra iwi kabia,
baha nani nina ba naku mâki kabia:
“Dawan mita holi daukan witin ai uplika nani.”
4Dawan ba ai karnika ni lâka daukbia bara
Saion luhpia nani tâski ra ba sut sikbi sâkbia.
Jerusalem ba klin daukbia,
witin nani kaiki lâ sahwan ba wina.
5Bara Dawan naku daukbia,
Saion ilka aiska ba purara
witin nani bahara asla taki nani ba purara sin,
Dawan ba daukbia kakna ra kasbrika tihmu tara kum,
tihmia ra pauta lakni ingnika ba
bara pauta buki klauhanka ba wal.
Baha sut purkika ra Dawan prana ba bâra kabia,
6pura prakaika kum baku kabia,
dista yabaia dukiara,
kakna ra lapta karna mapara kan sunaia,
kan kahbaika kabia,
skwal tara bara lî karna auhi ba mapara.#Imp St 13.21; 24.16.
Currently Selected:
Aiseya 4: MSKTU
Highlight
Share
Compare
Copy
Want to have your highlights saved across all your devices? Sign up or sign in
© 2010 Bible Society in Nicaragua
