Aiseya 34
34
Gâd kupia baiwanka Edom purara
1Nisan nani sut, man nani lamara bal, sturi na wals;
man nani sut asla taki sturi na wals.
Tasba walbia, baha bilara bâra ba sin.
2Kan Dawan ba nisan nani sut mapara lawisa,
ai lawanka ba war aiklaklabra nani ailalka ba mapara lawisa,
pât ban kaia ra ba ra sauhki tikaia ra lulkan sa.
3Bara witin nani ai pruanka nani ba lulki swin kabia,
bara ai wîna tara nani ba bisbaya bukbia;
bara il nani bâk
witin nani ai tâlia ba awala baku aubi kabia.
4Bara kasbrika purara slilma nani ba sut sin plapi kabia,
sim wauhtaya karbi baku karbia;
bara ai lampka nani sut ba ingnika daskbia apia,
wain kiwka wina wahia lâwan nani kauhi ba baku,
kwah damni dusa wina wahia kauhi ba baku sin.#Par M 6.13-14.
5Âu, kaiks Dawan sordka ba kasbrika purara bal param takisa
bara Edom#Ais 63.1-6; Jir 49.7-22; Isi 25.12-14; 35.1-15; Em 1.11-12; Oba 1-14; Mal 1.2-5. purara bal kauhaisa,
pruaia pâtka ra lakan uplika nani ba.
6Dawan sordka ba, tala bara batanka nani ni aibanhbia,
sîp bara guts wainhka nani sakripais daukaia ikan baku;
Dawan Bosrá ra sakripais nani daukaia brisa,
bara upla ailal ikbia Edom tasbaya ra.
7Witin nani bîp wail nani ikan baku kabia,
bîp wainhka tara nani bara bîp wainhka sirpi nani pruan baku;
bara witin nani ai tasbaya ba tala man buswan kabia,
bara tasba yuyaka ba bîp batanka man takbia.
8Baha Dawan mita pana munaia yua ba aimakbia,
Saion tâwan aisaia manka alkan.
9Tingnika nani laya ba târ klaswan baku takbia,
ai tasbaya yuyaka ba sulpa baku,
bara ai tasbaya ba târ lapta slilwi baku kabia.
10Tihmia ra, kakna ra sin baha dasbia apia.
Ban kaia ra ai kiasmika ba uli kabia.#Par M 14.11; 19.3.
Kiamka kum wina ban kiamka wala nani sut piua ra baku lulki swin kabia,
upla kumi sin kli bahak lui wabia apia ban kaia ra.
11Kaku, sikiski taya kiaikira nani ba, witin ai dawanka takbia,
iskri bara kuskuspiram nani witin ra iwbia,
bîla man swin kabia kuntrika tasbaya ba.
12Witin nani kli king bribia apia
ai tilara wihta aimakaia,
wihta nani ba sut lap tiwbia.
13Kingka watla nani ra kiaya pâwbia,
wahia kiaikira dusa nani sin pâwbia
ai kan kahbaika pliska nani ra;
bara yul wail nani iwaika watla kabia,
bara daiwan pâlras tara nani luhpia watla latka kabia.
14Pûs wail nani yakal tara nani wal ai yula kahbi kabia,
guts wail nani sin ai walka nani ra pana pana wini kabia.
Bahara pirit saura ba iwi kabia,
tihmia ra sirang iki ba ai watla sâkbia
bara ris briaia sip kabia.
15Bahara iskri ai watla mâkbia,
ai mahbra nani âpbia, ai luhpia nani baikbia,
baha nani ai tnawa nani munhtara asla daukbia.
Usus sâtka nani kumi bani ai wainhkika bara mairka nani sin
bahara asla takbia ai maya nani wal.
16Dawan wauhkataya ra pliki kaiks,
bara aisi kaiks witin nani kumi nina mâkras swi luan sa sapa;
kumi sin ai maya briras ba âpu sa;
kan witin ai bîla aisin, adar yan;
bara baha nani sut ba ai spiritka ni asla daukbia.
17Bara witin baha nani kumi bani tasbaya yan,
Dawan mita daiwan bani takaskaia pliska ba daukan,
baha nani ai tasbaya ba ban kaia ra baku bri kabia, kiamka wina kiamka nani sut ra,
witin nani bahara iwbia.
Currently Selected:
Aiseya 34: MSKTU
Highlight
Share
Compare
Copy
Want to have your highlights saved across all your devices? Sign up or sign in
© 2010 Bible Society in Nicaragua
