Aiseya 18
18
Etiopía mapara dahra aisin ba
1Saura kabia baha tasbaya wina,
daiwan lupia nani tnawa binka dauki ba,
Etiopía#Sof 2.12. awalka nani baila wala ra bâra ba;
2baha wina Nilo awala bâk
kuntri lengstarka nani blikisa,
yauhrus dusa ni duri tara nani paski
lî bâk impakisa.
Bîla twatwilkra nani,
man nani isti was,
tawan kum upla yakura taya lipni nani bara
ani anira nisan wala nani mita sîa ba
karnakira, prautkira nani ba
tasbaya ra awala man kir bâra iwisa.
3Man nani sut, tasba aiska ra iwisma ba,
tasbayam ra iwisma ba sin.
Il nani purara sain nani bukbia ba ra, man nani kaikma,
trumpit puhbia ba ra, man nani walma.
4Dawan bui ai win:
“Pliski ba wina
trabil âpu kira kaiki kamna sin,
mani piua ra lapta ingni pali taki baku,
diwas laya kasbrika bitni pali piua ra buski ba baku, sâp kamna.
5Mâ krikaia kainara,
mâ pain nani tilwan ba ra,
tangnika nani ba kauhan,
mâ nani ba sukwisa,
tnawa lupia nani ba dauhbisa,
skiru ni klaki
tnawa nani ba sin sakisa.
6Bara baha sut ba unta ra lulki swin kabia,
tnawira nani pata kabia,
bara daiwan wail nani ba pata swibia;
tnawira nani ba, lapta piua ra
ai pata piaia awarka bahara bribia,
daiwan wail nani bâra ba,
kauhla piua ra ai pata piaia awarka bahara bribia.”
7Baha piua ra
karnika sut bri ba Dawanka ra,
prisantka nani brih balbia,
baha uplika nani yakura taya lipni nani,
ani anira nisan wala nani mita sîa ba
karnakira prautkira nani ba wina,
ai tasbaya ra awala nani kir bâra iwi ba,
prisantka nani ba Saion ilka ra brih balbia,
karnika sut bri ba Dawanka ra
baha ra ai pura suni ba ra.
Currently Selected:
Aiseya 18: MSKTU
Highlight
Share
Compare
Copy
Want to have your highlights saved across all your devices? Sign up or sign in
© 2010 Bible Society in Nicaragua
