2 Pita TÂ BÎLA NANI
TÂ BÎLA NANI
Naha wauhkataya na, Pita kli ulban sa kasak lalukra aiska ra. Baha piua nani ra, serts nani tilara kunin smalki smasmalkrika nani ba ailal watauki kan ba mapara; kan baha nani smalkanka wina, saurka ailal bal taki kan kristian lâka wapanka ra.
Âiulbra ba kristian kasak luki nani ra tâ baikanka daukisa, baku sin smalkanka nani baha nani Dawan ra ai nakra ni kaikan wina brin ba ra sin. Kunin smalkanka tila wina kau aisi kan dauki ba lika, Kraist kli balaia ba kunin sa, kau piua ba luisa bara luisa, sakuna witin kli balras sa.
Âiulbra ba, tâ krikisa kau pali ba, kristian rayaka tânka dukiara: kasak lukaia, nahki wataukaia, tânka briaia, wan wîna alki takaskaia lâka, kupia alki takaskaia lâka, Gâd ra mayunaia lâka, pain luki kulkaia lâka bara latwan kaikaia tânka ba sin (sapta 1).
Ningkara kunin smasmalkra nani ra dahra sakisa (sapta 2), bara prakisa Dawan kli balaia ba dukiara aisisa, tânka klir munisa, wihka takaski talia ba lika, Gâd ba upla sut ra sans yabaia want sa, witin ra tawbia bara saurka ba swibia dukiara (sapta 3).
Currently Selected:
2 Pita TÂ BÎLA NANI: MSKTU
Highlight
Share
Copy
Want to have your highlights saved across all your devices? Sign up or sign in
© 2010 Bible Society in Nicaragua