2 Korint TÂ BÎLA NANI
TÂ BÎLA NANI
Apastil Pal naha wauhkataya nani ulban ba tilara naha kau pain latan aisisa, witin pali ai tânka dukiara.
Korint sertska ba, Pal ra ban lal klauhan yabi kan, bara nanara sturka nani aisi ba, trit awa kum ra aipamaia baku sa. Sertska uplika nani tila ba wina, kum mita warbanka daukan, Pal ra bahki kulkaia mata, upla nani sinska warban aihka lukaia, bara ai apastilka lâka ba, bara karnika sin âpu yan takan. Bara naha mapara, witin karna aisi kan bara baku sin bîla karna nani sin wi kan. Sakuna tani wala ra kaikram bara naha wauhkataya na, apastil latwanka lâka marikisa, Korint uplika nani dukiara. Ai spiritka ridi sa, kli ai uplika takaia bara ai warkka ra baha sut tilara Korint uplika mita sin witin ra latwan kaikisa.
Baha tâ bîla nani ai natka kat mariki ba (1.1-11); Pal ba Korint sertska wal ai aslika ba tânka aisisa, bara smalki wisa ai mapara buan ba tânka; sakuna lilia takisa lâ karna mangkan ba ai ulbanka ra, bara baha mita ai kupia lukra ba lakaia bara baha mita witin ai kupia lakaia bara kli Dawan wal ai uplika takaia (1.12—7.16). Ban ai blahwanka nani tilara, ai uplika wala nani ra lukisa; bara Pal winanka kum daukisa, Judia sertska ra hilpka yabaia (sapta 8,9). Ningkara Pal baha nani ra marikisa, witin apastil ba tânka bara karnika sin bri ba, upla kulki mita apastil apia, kunin aisisa win, bara wisa witin ba apastil kasakkira sa bara trai kaiki kan Korint kasak lalukrika latwanka nani, bîla wawalra nani tilara dingkaia (10.1—13.10). Ulbanka mahka praki ba prahni pali sa, sakuna latwan lâka ra (13.11-14).
Currently Selected:
2 Korint TÂ BÎLA NANI: MSKTU
Highlight
Share
Copy
Want to have your highlights saved across all your devices? Sign up or sign in
© 2010 Bible Society in Nicaragua