1 Pita TÂ BÎLA NANI
TÂ BÎLA NANI
Naha wauhkataya na, baku sin wala nani ulban bâra ba sut, kristian nani ai tasbaya wina kangban, yakabrira tauki kan nani ba ra ulban sa Asia Sirpi tasbaya yahbra tani ra (1.1,2), witin nani ba rausauhkan bara pât wahwi kan ai kasak lukan ba tâwan. Âiulbra ba maisa nihki bara tâ baikaia trai munisa, baha dukiara kupia kraukisa, nahki Gâd bui witin nani ra swaki sakan ba bara raya kaia bîla kaikanka sin yan ba (1.3-12). Baha ba Jisas pruan bara kli raiti wina buan ba mita sika. Bara witin kli balaia win ba pramiska ba mita sika bîla kaikanka ba bâra sa. Nanara witin nani pât wahwi ba lika, Dawan ra kasak luki ba tâwan sa; baha pâtka nani tilara, witin nani Kraist ra ai rayaka yaban, bara Gâd uplika nani takan ba natka kat iwi kaia sa (1.13—2.10).
Jisas daukan ba nina blikaia, witin nani kaikaia sa diara yamni dauki tâwan pât wahwaia ba kanra yamni sa diara saura dauki pât wahwaia ba wal, kristian nani baku, kasak lâka kat pât wahwaia sa. Witin bui alba nani ra, dawanka nani ra bara marit takan nani ra kupia kraukisa, latwan kaikan lâka manis bri kaia ba (2.11—4.19). Kraist sertska tâ bri almukka nani ra sin aisi ulban sa, wahma tiara nani ra sin kupia kraukisa naha pâtka nani wahwi na lubia, ningkara Gâd bui witin nani ra ai yamnika manis yabia, bara sin yamni daukbia (sapta 5).
Currently Selected:
1 Pita TÂ BÎLA NANI: MSKTU
Highlight
Share
Copy
Want to have your highlights saved across all your devices? Sign up or sign in
© 2010 Bible Society in Nicaragua