Chivumbuzi 20
20
Virimika chikwi chimoza (1,000)
1Ndinguwona mungelo wasika kutuwa kuchanya, wakuŵa ndi mjuriru wa chizenje cho, ndi unyoru ukuru mu janja lake. 2Ndipo wanguko nchalinda yo, njoka yo yamwaka, yo ndi Diabolo ndi Satana; ndipo wangumumanga virimika chikwi, 3wangumpong'a mu chizenje cho, ndi wanguchijara ndi kuchizighiriya pachanya pake, mwakuti wareke kurandizga so mitundu, mpaka vyamara virimika chikwi: pavuli pake watenere kuti wafwatulike nyengo yimanavi.
4Ndipo ndinguwona vitengu-vyaufumu, ndipo ŵakuja paku vyo, mbeniwo kwaku iwo kungupaskika kweruzga. Ndipo so ndinguwona ŵazimu ŵaku wo ŵangudumulika mutu chifukwa cha chisimisimi chaku Yesu, ndi chifukwa cha mazu ghaku Chiuta, ndi ŵeniwo wose ŵengavi kuchilambiya chikoku, chingana nchikozgu chake, ndi ŵengavi kuronde lisimbu lake pa mphumi zawo nanga mpha janja lawo. Ndipo ŵanguŵa ŵamoyo, ŵanguusa pamoza ndi Kristu virimika chikwi. 5Ŵakujapo ŵa ŵakufwa ŵengavi kuŵa ŵamoyo mpaka vingumara virimika vyo chikwi. Chenichi nchiyuka chachimoza. 6Ngwamwaŵi ndi ngwakupaturika yo we ndi chigaŵa mu chiyuka chachimoza cho: paku ŵeniwo nyifwa yachiŵi kuti yikaŵanga ndi mtufu cha; kweni ŵakaŵanga ŵazukuru ŵaku Chiuta ndi ŵaku Kristu, ndipo ŵakausanga pamoza nayo virimika chikwi.
Kupundika kwaku Satana
7Kweni penipo vyamara virimika vyo chikwi, Satana wazamfwatulika ku kumangika kwake, 8ndipo watuliyenge kuyirandizga mitundu yo yamu nyondo zose zinayi za charu, Gogi ndi Magogi, kuyiunganiskiya ku nkhondo; unandi waku wo we uli ndi mchenga wapa nyanja. 9Ndipo wangukwera mu usani wa charu, wanguzingirizga ugoŵi wa ŵakupaturika wo, ndi msumba wakwanjiwa wo: kweni moto ungusikakutuwa kuchanya, ndipo unguŵargha. 10Ndipo diabolo yo, mweniyo wangurandizga, wangupong'eka mu nyanja ya moto ndi fukunyira kweniko kwe chikoku cho ndi mchimimtesi yo; ndipo wakavwanga urwirwi msana ndi usiku muyaya ndi muyaya.
Cheruzgu chakumariya
11Ndinguwona chitengu-chaufumu chikuru ndi chituŵa, ndi mweniyo wajanga paku cho, ku chisku chaku mweniyo vinguthaŵako pasi ndi kuchanya; ndipo kuti malo ghangusanirikiya ivyo so cha. 12Ndinguŵawona ŵakufwa, ŵara ndi ŵamana, ŵamanga paurongo pa chitengu-chaufumu cho; ndipo mabuke ghangujurika: ndipo lingujurika buku linyake so, lenilo ndi buku la umoyo. Ndipo ŵakufwa ŵangweruzgikiya paku vyenivyo vingulembeka mu mabuku gho, kwakulingana ndi nchitu zawo. 13Ndipo nyanja yingufunchizga ŵakufwa ŵamwake; ndipo Nyifwa ndi Hadesi vingupereka ŵakufwa ŵamwaku wo: ndipo ŵangweruzgika, munthu yose, kwakulingana ndi nchitu yake. 14Ndipo nyifwa ndi Hadesi vingupong'eka mu nyanja ya moto. Yeniyi ndi nyifwa yachiŵi, nyanja yo ya moto. 15Ndipo asani munthu wengavi kusanirika kulembeka mu buku lo la umoyo, wangupong'eka mu nyanja ya moto.
Currently Selected:
Chivumbuzi 20: TongaMw
Highlight
Copy
Compare
Share
Want to have your highlights saved across all your devices? Sign up or sign in
Bible Society of Malawi
Chivumbuzi 20
20
Virimika chikwi chimoza (1,000)
1Ndinguwona mungelo wasika kutuwa kuchanya, wakuŵa ndi mjuriru wa chizenje cho, ndi unyoru ukuru mu janja lake. 2Ndipo wanguko nchalinda yo, njoka yo yamwaka, yo ndi Diabolo ndi Satana; ndipo wangumumanga virimika chikwi, 3wangumpong'a mu chizenje cho, ndi wanguchijara ndi kuchizighiriya pachanya pake, mwakuti wareke kurandizga so mitundu, mpaka vyamara virimika chikwi: pavuli pake watenere kuti wafwatulike nyengo yimanavi.
4Ndipo ndinguwona vitengu-vyaufumu, ndipo ŵakuja paku vyo, mbeniwo kwaku iwo kungupaskika kweruzga. Ndipo so ndinguwona ŵazimu ŵaku wo ŵangudumulika mutu chifukwa cha chisimisimi chaku Yesu, ndi chifukwa cha mazu ghaku Chiuta, ndi ŵeniwo wose ŵengavi kuchilambiya chikoku, chingana nchikozgu chake, ndi ŵengavi kuronde lisimbu lake pa mphumi zawo nanga mpha janja lawo. Ndipo ŵanguŵa ŵamoyo, ŵanguusa pamoza ndi Kristu virimika chikwi. 5Ŵakujapo ŵa ŵakufwa ŵengavi kuŵa ŵamoyo mpaka vingumara virimika vyo chikwi. Chenichi nchiyuka chachimoza. 6Ngwamwaŵi ndi ngwakupaturika yo we ndi chigaŵa mu chiyuka chachimoza cho: paku ŵeniwo nyifwa yachiŵi kuti yikaŵanga ndi mtufu cha; kweni ŵakaŵanga ŵazukuru ŵaku Chiuta ndi ŵaku Kristu, ndipo ŵakausanga pamoza nayo virimika chikwi.
Kupundika kwaku Satana
7Kweni penipo vyamara virimika vyo chikwi, Satana wazamfwatulika ku kumangika kwake, 8ndipo watuliyenge kuyirandizga mitundu yo yamu nyondo zose zinayi za charu, Gogi ndi Magogi, kuyiunganiskiya ku nkhondo; unandi waku wo we uli ndi mchenga wapa nyanja. 9Ndipo wangukwera mu usani wa charu, wanguzingirizga ugoŵi wa ŵakupaturika wo, ndi msumba wakwanjiwa wo: kweni moto ungusikakutuwa kuchanya, ndipo unguŵargha. 10Ndipo diabolo yo, mweniyo wangurandizga, wangupong'eka mu nyanja ya moto ndi fukunyira kweniko kwe chikoku cho ndi mchimimtesi yo; ndipo wakavwanga urwirwi msana ndi usiku muyaya ndi muyaya.
Cheruzgu chakumariya
11Ndinguwona chitengu-chaufumu chikuru ndi chituŵa, ndi mweniyo wajanga paku cho, ku chisku chaku mweniyo vinguthaŵako pasi ndi kuchanya; ndipo kuti malo ghangusanirikiya ivyo so cha. 12Ndinguŵawona ŵakufwa, ŵara ndi ŵamana, ŵamanga paurongo pa chitengu-chaufumu cho; ndipo mabuke ghangujurika: ndipo lingujurika buku linyake so, lenilo ndi buku la umoyo. Ndipo ŵakufwa ŵangweruzgikiya paku vyenivyo vingulembeka mu mabuku gho, kwakulingana ndi nchitu zawo. 13Ndipo nyanja yingufunchizga ŵakufwa ŵamwake; ndipo Nyifwa ndi Hadesi vingupereka ŵakufwa ŵamwaku wo: ndipo ŵangweruzgika, munthu yose, kwakulingana ndi nchitu yake. 14Ndipo nyifwa ndi Hadesi vingupong'eka mu nyanja ya moto. Yeniyi ndi nyifwa yachiŵi, nyanja yo ya moto. 15Ndipo asani munthu wengavi kusanirika kulembeka mu buku lo la umoyo, wangupong'eka mu nyanja ya moto.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bible Society of Malawi