Maŵerengedu 28
28
Mpasku wakocha wambura kurekezga
(Chituwa 29.38-46)
1Ambuya angunena ndi Mosese, 2“Walanguliye ŵaYisraele, uŵanene kuti, ‘Muphwerenge kupereka kwangu pa nyengo yake yakutemeka, mpasku wangu, kurgha kwa mipasku yangu yapa moto, fungu lamampha.’
3“Ndipo ukambe nawo, kuti, Uwu ndi mpasku wapa moto wo mukaperekanga ku Ambuya; ŵana ŵaŵi ŵa mberere ŵa umoyo ŵa chirimika chimoza ŵambura kalema, zuŵa ndi zuŵa, nge ndi mpasku wambura kumara. 4Kamberere kamoza muperekenge ku mlenji ndi kanyake ku mazulo; 5ndi chigaŵa chimoza cha vigaŵa vya mweso wa ufwa wamampha, wakusazgika ndi chigaŵa chimoza cha vigaŵa vinayi vya mafuta ghakwenga. 6Uwu ndi mpasku wakocha wambura kurekezga, wo ungupaturika pa phiri la Sinai kuŵa fungu lamampha, mpasku wapa moto ku Ambuya. 7Mpasku wake wa kumwa ukaŵanga chigaŵa chimoza cha vigaŵa vinayi vya mafuta pa kamberere kamoza; ndipo uchite kuti vinyo wanthazi wadirike ku Ambuya mu malo ghakupaturika, uŵenge mpasku wa kumwa. 8Kamberere kanyake mukaperekanga ku mazulo nge ndi mpasku wa ufwa waku mlenji; ndipo nge ndi mpasku wake wakumwa, mukaperekenge nge ndi mpasku wapa moto, fungu lamampha lakukondweska ku Ambuya.
Mpasku wakocha wapa zuŵa la Sabata
9“Pa zuŵa la sabata ŵana ŵa mberere ŵaŵi ŵa umoyo wa chirimika chimoza ŵambura kalema, vigaŵa viŵi vya vigaŵa chumi vya ufwa wamampha kuŵa mpasku wa ufwa, wakusazgika ndi mafuta, ndi mpasku wake wakumwa: 10uwu ndi mpasku wakocha wa sabata ndi sabata, pamoza ndi mpasku wakocha wambura kurekezga ndi mpasku wake wakumwa.
11“Pakwamba kwa myezi, mukaperekanga mipasku yinu yakocha ku Ambuya: nkhuzi ziŵi zimana zimana, bira yumoza, ŵana ŵamberere ŵankhonde ndi ŵaŵi ŵa chirimika chimoza wambura kalema; 12ndipo so vigaŵa vitatu vya vigaŵa chumi vya mweso wa ufwa wamampha kuŵa mpasku wa ufwa, wakusazgika ndi mafuta; pa nkhuzi yimoza; ndi vigaŵa viŵi vya vigaŵa chumi vya ufwa wamampha kuŵa mpasku wa ufwa, wakusazgika ndi mafuta, pa bira yumoza; 13ndi chigaŵa chimoza cha viaŵa chumi cha ufwa wamampha wausazgika ndi mafuta nge ndi mpasku wa ufwa pa kamberere kamoza; kuŵa mpasku wakocha wa fungu lamampha, mpasku wapa moto ku Ambuya. 14Mipasku yawo ya kumwa yikaŵanga nusu wa mweso wa vinyo pa nkhuzi yimoza, chigaŵa chimoza cha vigaŵa vya mweso pa bira yumoza; uwu ndi mpasku wakocha wapa mwezi ndi mwezi chirimika chose. 15Ndipo so mwana wambuzi yumoza munthurumi kuŵa mpasku wapa ulakwi ku Ambuya; kakaperekekanga pamoza ndi mpasku wakocha wambura kurekezga ndi mpasku wake wakumwa.
Mpasku wapa viphikiru vyakutondoreka
(ŴaLevi 23.1-44)
16“Pa zuŵa la chumi ndi ghanayi la mwezi wakudanga ndi dghera la phaska la Ambuya. 17Ndipo pa zuŵa la chumi ndi ghankhonde la mwezi uwu ndi dghera; mukarghanga chiŵande chambura mtupu mazuŵa ghankhonde ndi ghaŵi. 18Pa zuŵa la kudanga pakaŵanga ungano wakupaturika: mureke kuchita nchitu ya mazuŵa ghose, 19kweni mupereke mpasku wapa moto, mpasku wakocha ku Ambuya: nkhuzi ziŵi zimana zimana, bira yumoza, ŵana ŵa mberere ŵankhonde ndi ŵaŵi ŵa umoyo wa chirimika chimoza; muwone kuti zilivi kalema; 20ndipo so mpasku wawo wa ufwa wamampha wakusazgika ndi mafuta; vigaŵa vitatu vya vigaŵa chumi vya mweso mukaperekanga pa nkhuzi yimoza, ndi vigaŵa viŵi vya vigaŵa chumi pa bira; 21chigaŵa chimoza cha vigaŵa chumi mukaperekanga pa mwana wa mberere yumoza ndi yumoza; 22ndipo so mwana wa mbuzi yumoza munthurumi waŵenge wa mpasku wapa ulakwi, kumuchitiyani mphepeska. 23Mukaperekanga ivi pamoza ndi mpasku wakocha wa mlenji, wo ndi mpasku wakocha warutaruta. 24Mu nthowa yeniyi ndimu mukaperekiyanga zuŵa ndi zuŵa, pa mazuŵa ghankhonde ndi ghaŵi, kurgha kwa mpasku wapa moto, fungu lakondweska ku Ambuya; mukaperekanga pamoza ndi mpasku wakocha wambura kurekezga ndi mpasku wake wakumwa. 25Ndipo pa zuŵa la chinkhonde ndi chiŵi mukaŵanga ndi unganu wakupaturika; mungachitanga nchitu ya mazuŵa ghose cha.
26“Pa zuŵa la vipasi vyakudanga, po mupereka mpasku wa ufwa wa mbeu yifya ku Ambuya pa madghera ghinu gha masabata, mukaŵanga ndi unganu wakupaturika; mungachitanga nchitu ya mazuŵa ghose cha. 27Kweni perekani mpasku wakocha wa fungu lakukondweska ku Ambuya: nkhuzi ziŵi zimana zimana; bira yumoza, ŵana ŵa mberere ŵankhonde ndi ŵaŵi ŵa chirimika chimoza; 28ndipo so mpasku wawo wa ufwa wamampha wakusazgika ndi mafuta, vigaŵa vitatu vya vigaŵa chumi vya mweso pa nkhuzi yimoza, vigaŵa viŵi vigaŵa chumi pa bira, 29chiŵa chimoza cha vigaŵa chumi pa yumoza ya ŵana ŵa mberere ŵankhonde ndi ŵaŵi; 30ndi kambuzi kamoza, kuŵa ka mphepeska paku imwe. 31Pamoza ndi mpasku wakocha wambura kurekezga ndi mpasku wake wa ufwa, muviperekenge ndi mpasku wawo kumwa. Kweni muwone kuti vyambura kalema.”
Currently Selected:
Maŵerengedu 28: TongaMw
Highlight
Copy
Compare
Share
Want to have your highlights saved across all your devices? Sign up or sign in
Bible Society of Malawi
