Maŵerengedu 26
26
ŴaYisraele ŵaŵerengeka
1Pavuli pa nthenda ya chideru Ambuya angurongoro ndi Mosese ndi Eleazara mwana waku Aroni mzukuru, 2“Muŵerenge wumba wose wa ŵaYisraele, kutuwa paŵa virimika machumi ghaŵi ndi kuruska po, mu nyumba za auskeu wose wo mbakwenere kuruta ku nkhondo mu Yisraele.” 3Ndipo Mosese ndi Eleazara mzukuru ŵangurongoro nawo mu madambo gha Moabu pafupi ndi Yordane pa Yeriko, kuti, 4“Ŵerengani ŵanthu kutuliya pa ŵavirimika machumi ghaŵi ndi kuruska po,” ulaka nge ndimo Ambuya angulanguliya Mosese. ŴaYisraele wo wangu tuwa mu Egipiti, ŵenga: 5Rubene, mwana wa umwali waku Yisraele; ŵana ŵanthurumi ŵaku Rubene, ndiwo Hanoki, mwaku mweniyo ndimu mukutuwa mbumba ya ŵaHanoki, mwaku Palu, ndimo mukutuwa mbumba ya ŵaPalu; 6mwaku Hezroni ndimu mukutuwa mbumba ya ŵaHezroni; mwaku Karmi, ndimu mukutuwa mbumba ya ŵaKarmi. 7Izi ndi mbumba za ŵina Rubene; ndipo unandi wawo wenga, vikwi machumi ghanayi ndi vitatu, machumi pe chumi ghankhonde ndi ghaŵi pachanya machumi ghatatu (43,730). 8Ndipo ŵana ŵaku Palu: Eliyabu. 9Ŵana ŵaku Eliyabu: Namele, Datani, ndi Abiramu. Yaŵa ndi Datani ndi Abiramu ŵangusankhika mu pingu, wo ungumikana ndi Mosese ndi Aroni mu liŵanja laku Kora, po ŵangususkana ndi Ambuya, 10ndipo charu chingujura mlomo wake chinguŵameza pamoza ndi Kora, linguti lafwa liŵanja liya, po moto ungocha ŵanthurumi machumi pe chumi ghaŵi, pachanya machumi ghankhonde (250); ndipo iwo ŵanguŵa chenjezgu. 11Nanga kwenga viyo, ŵana, ŵaku Kora kuti ŵangufwa cha.
12Ŵana ŵaku Simeoni kwakulingana ndi mbumba zawo; mwaku Nemuele, ndimu mukutuwa mbumba ya ŵaNemuele; mwaku Jamini, ndimu mukutuwa mbumba ya ŵaYamini; mwaku Yakini, ndimu mukutuwa mbumba ya ŵaYakini; 13mwaku Zera, ndimu mukutuwa mbumba ya ŵaZera mwaku Shaulu, ndimu mukutuwa mbumba ya ŵaShaulu. 14Izi ndi mbumba za ŵina Simeoni, unandi wawo vikwi machumi ghaŵi ndi viŵi pachanya machumi pe chumi, ghaŵi (22,200).
15Ŵana ŵaku Gadi kwakuyana ndi mbumba zawo; mwaku Zefoni ndimu mukutuwa mbumba ya ŵaZefoni; mwaku Hagi mukutuwa ŵaHagi, mwaku Shuni, mukutuwa ŵaShuni; 16mwaku Ozini, mukutuwa ŵaOzini; mwaku Eri, mukutuwa ŵaEri; 17mwaku Arodo, mukutuwa ŵaArodo; mwaku Areli mukutuwa ŵaAreli. 18Izi ndi mbumba za ŵana ŵaku Gadi, unandi wawo, vikwi machumi ghanayi, pachanya machumi pe chumi ghankhonde (40,500).
19Ŵana ŵaku Yuda ŵenga Eri ndi Onani; ndipo Eri, ndi Onani ŵangufwiya mu Kanani. 20Ŵana ŵaku Yuda mu mbumba zawo ŵenga mwaku Sheba, ndimu mukutuwa ŵaShela; mwaku Pereze, ndimu mukutuwa ŵaPereze; mwaku Zera, ndimu mukutuwa ŵaZera. 21Ndipo ŵana ŵaku Pereze ŵenga mwaku Hezroni, ndimu mukutuwa ŵaHezroni; mwaku Hamulu, ndimu mukutuwa ŵaHamulu. 22Izi ndi mbumba zaku Yuda unandi wawo, vikwi machumi ghankhonde ndi ghaŵi ndi vinkhonde ndi chimoza pachanya machumi pe chumi ghankhonde (76,500).
23Ŵana ŵaku Isakara kwakulingana ndi mbumba zawo: mwaku Tola, ndimu mukutuwa ŵaTola, mwaku Puva ndimu mukutuwa ŵaPuva; 24mwaku Jasu, ndimu mukutuwa waJasu; mwaku Shimirono ndimu mukutuwa waShimirono. 25Izi ndi mbumba zaku Isakara kwakuyana ndi unandi wawo, vikwi machumi ghankhonde ndi limoza ndi vinayi pachanya machumi pe chumi ghatatu (50,580). 26Ŵana ŵaku Zebuluni, mu mbumba zawo; mwaku Serede, ndimu mukutuwa ŵaSerede; mwaku Eloni, ndimu mukutuwa ŵaEloni, mwaku Jahalele, ndimu nukutuwa ŵaJahalele. 27Izi ndi mbumba za ŵaZebuluni, unandi wawo, vikwi machumi ghankhonde ndi limoza, pachanya machumi pe chumi ghankhonde (60,500).
28Ŵana ŵaku Yosefe mu mbumba zawo: Manase ndi Efraimu. 29Ŵana waku Manase mwaku Makiri, ndimu mukutuwa ŵaMakiri, ndipo Makiri ndiyo wenga wiske waku Gileada; kwaku Gileada, ndimu mukutuwa ŵaGileada. 30Yaŵa ndiwo ŵana ŵaku Gileada: mwaku Yezere ndimu mutuwa ŵaYezere; mwaku Heleke, ndimu mukutuwa ŵaHeleke; 31ndi mwaku Asariele, ndimu mukutuwa ŵaAsariele; mwaku Shekemu ndimu mukutuwa ŵaShekemu; 32mwaku Shemida, ndimu mukutuwa ŵaShemida; ndipo mwaku Hefere, ndimu mukutuwa ŵaHefere. 33Kweni Zolofehada mwana waku Hefere wengavi ŵana ŵanthurumi, wenga ndi ŵanthukazi pe, mazina ghawo ghenga yagha! Mahala, Nowa, Hogola, Milka ndi Tirza. 34Izi ndi mbumba zaku Manase; unandi wawo wenga vikwi machumi ghankhonde ndi viŵi; pachanya machumi pe chumi ghankhonde ndi ghaŵi (52,700).
35Yaŵa mbana ŵaku Efraimu mu mbumba zawo: mwaku Shutela, ndimu mukutuwa ŵaShutela; mwaku Bekere, ndimu mukutuwa ŵaBekere; mwaku Tahana ndimu mukutuwa ŵaTahana. 36Ndipo yaŵa mbana ŵaku Shutela: mwaku Erana, ndimu mukutuwa ŵaErana. 37Izi ndi mbumba za ŵana ŵaku Efraimu, unandi wawo, vikwi machumi ghatatu ndi viŵi, pachanya machumi pe chumi ghankhonde (32,500). Yaŵa mbana, ŵaku Yosefe mu mbumba zawo.
38Ŵana ŵaku Benjamini mu mbumba zawo: mwaku Bela, ndimu mukutuwa ŵaBela; mwaku Ashebele, ndimu mukutuwa ŵaAshabele; mwaku Ahiramu, ndimu mukutuwa ŵaAhiramu; 39mwaku Shefufamu, ndimu mukutuwa ŵaShefufamu; mwaku Hufamu, ndimo mukutuwa waHufamu. 40Ŵana ŵaku Bela ŵenga Ardi ndi Namani: mwaku Ardi, ndimu mukutuwa ŵaArdi; mwaku Namani, ndimu mukutuwa ŵaNamani. 41Yaŵa mbana ŵaku Benjamini mu mbumba zawo; unandi wawo wenga vikwi machumi ghanayi ndi vinkhonde pachanya machumi pe chumi ghankhonde ndi limoza (45,600).
42Yaŵa mbana ŵaku Dani, mu mbumba zawo: mwaku Shuhamu, ndimu mungutuwa ŵaShuhamu: Izi ndi mbumba zaku Dani kwakulingana ndi mbumba zawo. 43Mbumba zose za ŵaShuhamu, unandi wawo wenga vikwi machumi ghankhonde ndi limoza ndi vinayi pachanya machumi pe chumi ghanayi (64,400).
44Ŵana ŵaku Ashere mu mbumba zawo: mwaku Imina, ndimu mukutuwa ŵaImina; mwaku Ishivi, ndimu mkutuwa ŵaIshivi; mwaku Beria, ndimu mukutuwa ŵaBeria. 45Mu ŵana ŵaku Beria; mwaku Hebere, ndi mu mukutuwa ŵaHebere; mwaku Malkiele, ndimu mukutuwa ŵaMalkiele. 46Ndipo zina la mwana munthukazi waku Ashere lenga Sera. 47Izi ndi mbumba za ŵana ŵaku Ashere, unandi wawo wenga vikwi machumi ghankhonde ndi vitatu, pachanya machumi pe chumi ghanayi (53,400).
48Ŵana ŵaku Naftali mu mbumba zawo; mwaku Yazele ndimu mukutuwa ŵaYazele; mwaku Guni, ndimo mukutuwa ŵaGuni; 49mwaku Yezeri, ndimu mukutuwa ŵaYezeri; mwaku Shilemu, ndimu ŵakutuwa ŵaShilemu. 50Izi ndi mbumba zaku Naftali kuyana ndi mbumba zawo: unandi wawo wenga vikwi machumi ghanayi ndi vinkhonde, pachanya machumi pe chumi ghanayi (45,400). 51Unandi wa ŵaYisraele, wenga vikwi machumi pe chumi ghankhonde ndi limoza ndi chimoza, pachanya machumi pe chumi ghankhonde ndi ghaŵi ndi machumi ghatatu (601,730).
52Ndipo Ambuya angunena ndi Mosese: 53“Charu chikagaŵikanga kwakuyana nge nchihara kwakulingana ndi unandi wa mazina. 54Mu fuko lo mbanandi ukaŵapaskanga chihara chikuru, ndipo mu fuko lo mbamana ukaŵapaskanga chihara chimana; fuko le lose likapaskikanga chihara kwakuyana ndi unandi wake. 55Kweni charu chikagaŵikanga ndi mphenduzga; kwakuyana ndi mazina gha mafuko gha auskeu ŵakachiharanga. 56Kwakulingana ndi mphenduzga ndimu chigaŵikiyenge chihara chawo pakati pa ŵana ndi ŵamana.”
57Yaŵa mbina Levi mo ŵanguŵerengeke mu mbumba zawo: mwaku Gershoni, ndimu mungutuwa ŵaGershoni; mwaku Kohati, ndimu mungutuwa ŵaKohati, mwaku Merari, ndimu mungutuwa ŵaMerari. 58Izi ndi mbumba zaku Levi: mbumba za ŵaLibina mbumba za ŵaHebroni, mbumba za ŵaMahata, mbumba za ŵaMushi, mbumba za ŵaKohati, Kohati wenga wiske waku Amramu. 59Muwoli waku Amramu wenga Yakobede mwana waku Levi, yo wangupapikiya mu Egipiti; wangumupapiya Amramu, Aroni ndi Mosese ndi Miriamu mzichi wawo. 60Ndipo Aroni wangupapa Nadabu, Abihu, Eleazara ndi Itmara. 61Kweni Nadabu ndi Abihu ŵangufwa pakupereka moto wambura kupaturika pa maso pa Ambuya. 62Unandi wawo wenga vikwi machumi ghaŵi ndi vitatu (23,000) munthurumi yose wa msinkhu wa mwezi umoza ndi kuruska po, pakuti kuti ŵanguŵerengeka pamoza ndi ŵaYisraele cha, chifukwa ŵengavi kupaskika chihara mukati mu ŵaYisraele.
63Yaŵa ndiwo ŵanguŵerengeka ndi Mosese ndi Eleazara mzukuru yo wanguŵerenga ŵaYisraele mu madambo gha Moabu pafupi ndi Yordane pa Yeriko. 64Ndipo mukati mwaku yaŵa mwengavi yumoza yo wanguŵerengeka ndi Mosese ndi Aroni mzukuru, wo wanguwerenga ŵaYisraele mu bozwa la Sinai. 65Chifukwa Ambuya angukamba vya paku iwo kuti, “Wakafwiyanga mu bozwa.” Pengavi yumoza waku wo wangujapo kweni Kalebe pe mwana waku Yefune ndi Yoswa mwana waku Nuni.
Currently Selected:
Maŵerengedu 26: TongaMw
Highlight
Copy
Compare
Share
Want to have your highlights saved across all your devices? Sign up or sign in
Bible Society of Malawi
