Mika 5
5
Betelehemu wa kamuzi kamana mwaku iwe wakapapikangamo mtaski
1Sono mwazingirizgika ndi linga urwani watijarizga;
ŵapuma ndi nthonga pa dakama la fumu yaku Yisraele.
2Kweni iwe, Betelehemu Efrata, wamweniwe we mumana
kuŵa mukati mu mafumu ghaku Yuda,
mwaku iwe mukawiyanga kutuwa kwaku ine wakuusa,
mu Yisraele, mweniyo chandilu chake nchakali ukongwa,
chituwa ku mazuŵa ghamwaka.
3Viyo wakaŵajowonga mpaka yize nyengu kuti yo we pafupi kubara wabare;
penipo ndipo ŵakujako ŵa ŵabali ŵake
ŵakawerenga ku ŵanthu ŵaku Yisraele.
4Ndipo wakamanga ndi kuliska mskambu wake, ndi nthazi za Ambuya,
ndi kuzirwa kwa zina la Ambuya Chiuta wake.
Ndipo ŵakajanga mu kufwasa chifukwa iyo
wakaŵanga mukuru mpaka ku vigoti vya charu chapasi.
5Ndipo ichi chikaŵanga chimangu,
po ŵaAsiriya ŵatuza mu charu chidundi kukanda pa dongo lidu,
kuti timuyuskiye ŵaliska ŵankhonde ndi ŵaŵi,
ndi ŵakaronga ŵankhonde ndi ŵatatu.
6Iwo ŵakausanga charu cha Asiriya ndi lipanga ndi charu
chaku Nimirodi ndi lipanga lakukhwetuwa;
ndipo ŵakatitaskanga ku ŵaAsiriya po ŵatuza mu charu chidu
ndi kukanda mu mphaka zidu.
7Viyo wakujako waku Yakobe wakaŵanga mukati mu ŵanthu ŵanandi
nge ndi dungwi lakutuwa kwa Ambuya,
nge ndi vuwa pa uteka, kuti yiziulikiya munthu cha,
pamwenga kulindizga ŵana ŵa ŵanthu.
8Ŵakujako ŵaku Yakobe ŵakawanga mukati mu mitundu,
mukati mu ŵanthu ŵanandi,
nge ndi nkharamu mukati mu mskambu wa nyama za mu dondo,
nge ndi nkharamu yamupupuka mukati mu mskambu wa mberere,
yeniyo pa yiporotamo,
yikanda pasi ndi yiparuwa tumanatumana,
ndipo palivi yo waziŵa kutaska.
9Janja linu likatumphuliskikiyanga pazimphindikwa zinu
ndipo ŵarwani ŵinu wose ŵakadumulikanga.
10Ndipo mu zuŵa lo, atiti Ambuya, nkhadumuwanga ŵakavalo mukati mwako,
ndipo nkhabwanganduwanga magareta ghako;
11nkhadumuwanga misumba ya charu chako,
ndi kuwiskiya pasi malinga ghako ghose.
12Nkhamaranga ŵaukwi wose mujanja lako,
ndipo kuti ukaŵanga so nawo cha ŵaukwi;
13ndi nkhapasuwanga vikozgo vyako,
ndi mizati yako kutuwa mukati mwako,
ndipo kuti ukalambiyanga so cha milimu ya manja ghako.
14Ndipo nkhazuwangamo Ashera#5.14 Ashera: wenga chiuta munthukazi wa ŵaKanani. mwaku imwe,
ndi kupasuwa misumba yinu.
15Ndipo ndi ukari ndi kandundu ndiwezgiyenge nduzga pa mitundu yo yengavi kuvwiya.
Currently Selected:
Mika 5: TongaMw
Highlight
Copy
Compare
Share
Want to have your highlights saved across all your devices? Sign up or sign in
Bible Society of Malawi
Mika 5
5
Betelehemu wa kamuzi kamana mwaku iwe wakapapikangamo mtaski
1Sono mwazingirizgika ndi linga urwani watijarizga;
ŵapuma ndi nthonga pa dakama la fumu yaku Yisraele.
2Kweni iwe, Betelehemu Efrata, wamweniwe we mumana
kuŵa mukati mu mafumu ghaku Yuda,
mwaku iwe mukawiyanga kutuwa kwaku ine wakuusa,
mu Yisraele, mweniyo chandilu chake nchakali ukongwa,
chituwa ku mazuŵa ghamwaka.
3Viyo wakaŵajowonga mpaka yize nyengu kuti yo we pafupi kubara wabare;
penipo ndipo ŵakujako ŵa ŵabali ŵake
ŵakawerenga ku ŵanthu ŵaku Yisraele.
4Ndipo wakamanga ndi kuliska mskambu wake, ndi nthazi za Ambuya,
ndi kuzirwa kwa zina la Ambuya Chiuta wake.
Ndipo ŵakajanga mu kufwasa chifukwa iyo
wakaŵanga mukuru mpaka ku vigoti vya charu chapasi.
5Ndipo ichi chikaŵanga chimangu,
po ŵaAsiriya ŵatuza mu charu chidundi kukanda pa dongo lidu,
kuti timuyuskiye ŵaliska ŵankhonde ndi ŵaŵi,
ndi ŵakaronga ŵankhonde ndi ŵatatu.
6Iwo ŵakausanga charu cha Asiriya ndi lipanga ndi charu
chaku Nimirodi ndi lipanga lakukhwetuwa;
ndipo ŵakatitaskanga ku ŵaAsiriya po ŵatuza mu charu chidu
ndi kukanda mu mphaka zidu.
7Viyo wakujako waku Yakobe wakaŵanga mukati mu ŵanthu ŵanandi
nge ndi dungwi lakutuwa kwa Ambuya,
nge ndi vuwa pa uteka, kuti yiziulikiya munthu cha,
pamwenga kulindizga ŵana ŵa ŵanthu.
8Ŵakujako ŵaku Yakobe ŵakawanga mukati mu mitundu,
mukati mu ŵanthu ŵanandi,
nge ndi nkharamu mukati mu mskambu wa nyama za mu dondo,
nge ndi nkharamu yamupupuka mukati mu mskambu wa mberere,
yeniyo pa yiporotamo,
yikanda pasi ndi yiparuwa tumanatumana,
ndipo palivi yo waziŵa kutaska.
9Janja linu likatumphuliskikiyanga pazimphindikwa zinu
ndipo ŵarwani ŵinu wose ŵakadumulikanga.
10Ndipo mu zuŵa lo, atiti Ambuya, nkhadumuwanga ŵakavalo mukati mwako,
ndipo nkhabwanganduwanga magareta ghako;
11nkhadumuwanga misumba ya charu chako,
ndi kuwiskiya pasi malinga ghako ghose.
12Nkhamaranga ŵaukwi wose mujanja lako,
ndipo kuti ukaŵanga so nawo cha ŵaukwi;
13ndi nkhapasuwanga vikozgo vyako,
ndi mizati yako kutuwa mukati mwako,
ndipo kuti ukalambiyanga so cha milimu ya manja ghako.
14Ndipo nkhazuwangamo Ashera#5.14 Ashera: wenga chiuta munthukazi wa ŵaKanani. mwaku imwe,
ndi kupasuwa misumba yinu.
15Ndipo ndi ukari ndi kandundu ndiwezgiyenge nduzga pa mitundu yo yengavi kuvwiya.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bible Society of Malawi