Mika 1
1
Ŵeruzgi waku Yisraele ndi Yuda ŵasuskika
1Mazu gha Ambuya gho ghanguza kwaku Mika waku Moresete mu mazuŵa ghaku Yotamu, Ahazi, ndi Hezekiya, ŵakaronga ŵaku Yuda; ndivyo wanguwona kunena vya Samaria ndi Yerusalemu.
2Vwani imwe mwa ŵanthu mose;
tegherezga wa charu ndi vyose vyo vye mwenimo;
rekani Ambuya Chiuta waŵenge kaboni wakususka imwe,
Ambuya mu kasopi wawo wakupaturika.
3Pakuti, Ambuya atuwa mu malo ghawo,
ndipo akasikanga ndi kudyaka pa malo gha
pachanya gha charu chapasi.
4Ndipo mapiri ghakasongonokanga pasi pake,
ndi madambo ghakaparukanga,
nge ndi phura pafupi pa mo to,
ndi nge ndi maji gho ghadika pa malo gha kusendemuka.
5Ivi vyose vyaŵako chifukwa cha ulakwi waku Yakobe
ndi mauheni gha nyumba yaku Yisraele.
Kumbi ulakwi waku Yakobe ngune?
Kumbi kuti ndi Samaria cha?
Ndipo ulakwi wa nyumba yaku Yuda ngune?
Kumbi kuti ndi Yerusalemu cha?
6Chifukwa ichi ndisanduskenge Samaria ndundu ya mu munda,
malo ghakulimamo munda wa mphereska.
Ndipo nkhapong'anga mya ya nyumba zake mu dambo,
ndikubanuwa viŵanja vyake.
7Vikozgo vyake vyose vikatekenyekanga,
mphoto zake zose zochekenge ndi moto,
ndi ndipasuwenge ŵangoza ŵake wose.
Chifukwa wanguwunjika kutuliya mu mphoto ya munthukazi mureŵi,
ndi ku munthukazi mureŵi vikawerenga.
8Chifukwa ichi ndiliyenge ndikutenje;
nkharutanga wakuzuwika ndi wankhuli,
nkhatenjenga nge mbakambwe,
ndi kuliya nge mbamanchichi.
9Chifukwa chironda chake nchambura machizgika;
ndipo chaza kwaku Yuda,
chafika ku likomo la ŵanthu ŵangu,
ku Yerusalemu.
10Mungachikambanga mu Gata,
mungariyanga nanga nkhamanavi;
mu Betele-Afra mujikunkhuzge mu fuvu.
11Mwende mu nthowa yinu,
mwa ŵakuja mu Safiri,
mu nkhuli ndi soni;
wo ŵaja mu Zanana kuti ŵatuza cha;
chitenje chaku Betezele
nchilondenge kwaku imwe malo ghake ghakumapo.
12Pakuti ŵakuja mu Maroti
ŵalindizga chamampha ndi linweka likuru,
chifukwa uheni wasikiya pasi kutuwa ku Ambuya,
kuza ku likomo laku Yerusalemu.
13Mangani gareta kuŵa kavalo,
imwe mwa ŵakuja mu Lakishi;
ndimwe mungwananga pakudanga
ku ŵanthu ŵaku Zioni,
chifukwa maulakwi ghaku Yisraele
ghangusanirika mwaku imwe.
14Chifukwa ichi mukaperekanga vyawanangwa vyakupatukiyana,
kwaku Moresete-Gata;
nyumba zaku Achizibi zikaŵanga kanthu kakupusika
ku ŵakaronga ŵaku Yisraele.
15Nkhazanga so ndi mupundi paku imwe, ŵakuja mu Maresha;
unkhankhu waku Yisraele ukazanga ku Adulama.
16Mujimete phara ndimusunge sisi linu,
chifukwa cha ŵana ŵinu wo mukondwa nawo;
mujimete phara nge ndi nkhwazi
chifukwa ŵatuwengeko kwaku imwe kuya ku uŵanda.
Currently Selected:
Mika 1: TongaMw
Highlight
Copy
Compare
Share
Want to have your highlights saved across all your devices? Sign up or sign in
Bible Society of Malawi
