Yoswa 12

Ŵakaronga wo ŵaYisraele ŵangupunda

1Yaŵa mba karonga ŵa charu chiya, wo ŵaYisraele ŵanguthereska, ndi kuja mu charu chawo kusirgha kwa Yordane kuchiri kukutuliya kwa dazi, kwamba ku dambo la Arnoni kwachifika ku phiri la Hermoni, pamoza ndi Araba yose kuchiri ku vuma: 2Sihoni karonga wa Amoni wo ŵajanga mu Heshiboni, ndipo wanguwusa kutuwa ku Aroere yo we mumphepete mwa dambo la Arnoni, ndi kutuwa pakati pa dambo mpaka ku msinji wa Yaboko, mphaka ya Amoni ndiku kuti lwandi la charu cha Gileada, 3ndi Araba, ku nyanja ya Kineroti ku chiri ku vuma, ndi kurata ku Betejeshimoti, ku nyanja ya Araba, Nyanja ya Mche, kuchiri ku malaŵi kuya kusina kwa sendemu za Pisiga; 4ndi Ogi karonga wa Bashani, yumoza wa wakujapo wa ŵaRefa, wo ŵajanga pa Hoshitaroto ndi pa Edrei, 5wanguwusa pa phiri Hermoni ndi Saleka ndi Bashani yose ku mphaka ya ŵaGeshuru ndi ŵaMakata, kujumpha ndi lwandi la Gileada kufika ku mphaka yaku Sihoni karonga wa Heshiboni. 6Mosese, mteŵeti wa Ambuya, ndi ŵaYisraele ŵanguŵathereska; ndipo Mosese mteŵeti wa Ambuya wangupaska charu chawo kuŵachihara ku ŵaRubene ŵaGadi ndi nusu wa fuku la ŵina Manase.

7Ndipo yaŵa mba karonga ŵa charu chiya, wo Yoswa ndi ŵaYisraele ŵanguthereska ku chiri kuzambwe kwa Yordane, kutuwa ku Balgada mu dambo la Lebanoni kurazga ku phiri la Halaka, lo litunthumukiya ku Seiri (Yoswa wangupaska charu chawo ku mafuku gha ŵaYisraele kuŵa chihara kwakuyana ndi vigaŵa vyawo, 8mu charu cha mtunthu, mu charu cha chidika, mu Araba, mu masendemu, mu mabozwa, ndi mu Negebu, charu cha ŵaHiti, Amoni, ŵaKanani, ŵaPerese, ŵaHivi, ndi ŵaYebusi): 9Karonga waku Yeriko yumoza; karonga waku Ai, wo ŵe pafupi ndi Betele yumoza; 10karonga waku Yerusalemu yumoza, karonga waku Hebroni yumoza; 11karonga waku Yarmutu yumoza, karonga waku Lakishi yumoza; 12karonga waku Egloni yumoza, karonga wakugezere yumoza; 13karonga waku Debiri, yumoza, karonga waku Gedere, yumoza; 14karonga waku Horma yumoza; karonga waku Arada, yumoza; 15karonga waku Libina yumoza; karonga waku Adulama yumoza; 16karonga waku Makeda, yumoza, karonga waku Betele yumoza; 17karonga waku Tapua, yumoza; karonga waku Hefere, yumoza; 18karonga waku Afeke, yumoza; karonga waku Lasharoni, yumoza; 19karonga waku Madoni, yumoza; karonga waku Hazoro, yumoza; 20karonga waku Shimrono-Meroni, yumoza; karonga waku Akishafa, yumoza; 21karonga waku Tanaka, yumoza; karonga waku Megido, yumoza; 22karonga waku Kedeshi, yumoza; karonga waku Jekonema, muKarmele, yumoza; 23karonga waku Doro muNafatadoro, yumoza; karonga waku Goimi muGalile, yumoza; 24karonga waku Tiriza, yumoza; wose pamoza, wakaronga machumi ghatatu pachanya yumoza (31).

Currently Selected:

Yoswa 12: TongaMw

Highlight

Copy

Compare