Yakobe 3
3
Lilime
1Mungaŵanga ŵasambizgi ŵanandi, mwa ŵabali ŵangu, pakuziŵa kuti tamronde chisusa chikuru. Chifukwa tose tiguŵa panandi. 2Asani munthu wareka kuguŵa mu mazu, ndiyo munthu wakufiskika, wanthazi kulitintha liŵavu lizirima nalo. 3Kweni asani tiŵika vitinthiru mu milomu ya ŵakavalo, alinga kuti ŵativwenge: tichipepetuwa liŵavu lawo lose. 4Awonani, ngaraŵa nazo, chingana zikuru, ndipo zigumizgika ndi mphepu zikali, zipetulika ndi sigiru yimanavi, kweniko kose wakupetuwa watizipeturiya. 5Viyo lilime nalo nkhachiŵaru kamanavi ndipo lijithamiya ukongwa. Awonani moto umanaviweni nawo utocha lisuwa likuru!
6Ndipo lilime ndi moto; lilime ncharu chambura urunji mukati mu viŵaru vidu, lakukazuzga liwavu lose, lakuŵika pa moto gulinga wa kaŵiru kidu, ndipo lakukozgeka moto ndi gehena. 7Chifukwa mtundu we wose wa vinyama ndi so wa viyuni, wa vyakukwaŵa ndi so wa vyamu nyanja, uziŵirizgika, ndipo waziŵirizgika ndi mtundu waŵanthu. 8Kweni palive munthu ngwanthazi kuziŵirizga lilimo lo; nchiheni chambura matinthika, chakuzara ulembi wakubaya. 9Ndi lilime lo titumbika Ambuya ndi Dada; ndipo ndi lenilo pe titemba ŵanthu, wo mbakulengeka mu chikozgu chaku Chiuta: 10mu mlomo weniwo pe mutuliya thumbiku ndi thembu! Mwa ŵabali ŵangu, vyenivi kuti vitenere kuŵa viyo cha. 11Kumbi chisima chibwibwituskiya ku mphowozi yimoza pe maji ghakunowa ndi ghakuŵaŵa? 12Kumbi mkuyu uziŵa kupasa maolive, mwa ŵabali ŵangu, pamwenga mphereska zinkhuyu? Chingana ndi maji ghamche ghalive kuziŵa kupaska ghakusamuka.
Zeru zakutuwa kuchanya
13Njani wazeru ndi wakuwamo mwakuimwe? Warongole ndi kajaridu kake kakutowa milimu yake mu upovu wa zeru. 14Kweni asani mwe nayo sanji yikaru ndi mphindanu mu mtima winu, mungatumbwiyanga ndi mungatetayanga pa uneneska wo cha. 15Zeru yeniyo kuti njakusikiya kutuwa kuchanya cha, kweni njapasi, yaviŵaru, ya udemone. 16Chifukwa kose kweniko kwe sanji ndi mphindanu, kweniko kwe chimtimbaheka ndi kachitidu kose kaheni. 17Kweni zeru yo njakutuwa kuchanya njikhovu danga, pavuli njachimangu, yakoroŵa yakupemberezgeka wenguwengu, yakuzara lisungu ndi vipasi vyamampha, yambura gangang'u, yizira ufyali. 18Ndipo chipasi cha urunji chimijikiya mu chimangu kwaku ŵeniwo mbakutata chimangu.
Currently Selected:
Yakobe 3: TongaMw
Highlight
Copy
Compare
Share
Want to have your highlights saved across all your devices? Sign up or sign in
Bible Society of Malawi
Yakobe 3
3
Lilime
1Mungaŵanga ŵasambizgi ŵanandi, mwa ŵabali ŵangu, pakuziŵa kuti tamronde chisusa chikuru. Chifukwa tose tiguŵa panandi. 2Asani munthu wareka kuguŵa mu mazu, ndiyo munthu wakufiskika, wanthazi kulitintha liŵavu lizirima nalo. 3Kweni asani tiŵika vitinthiru mu milomu ya ŵakavalo, alinga kuti ŵativwenge: tichipepetuwa liŵavu lawo lose. 4Awonani, ngaraŵa nazo, chingana zikuru, ndipo zigumizgika ndi mphepu zikali, zipetulika ndi sigiru yimanavi, kweniko kose wakupetuwa watizipeturiya. 5Viyo lilime nalo nkhachiŵaru kamanavi ndipo lijithamiya ukongwa. Awonani moto umanaviweni nawo utocha lisuwa likuru!
6Ndipo lilime ndi moto; lilime ncharu chambura urunji mukati mu viŵaru vidu, lakukazuzga liwavu lose, lakuŵika pa moto gulinga wa kaŵiru kidu, ndipo lakukozgeka moto ndi gehena. 7Chifukwa mtundu we wose wa vinyama ndi so wa viyuni, wa vyakukwaŵa ndi so wa vyamu nyanja, uziŵirizgika, ndipo waziŵirizgika ndi mtundu waŵanthu. 8Kweni palive munthu ngwanthazi kuziŵirizga lilimo lo; nchiheni chambura matinthika, chakuzara ulembi wakubaya. 9Ndi lilime lo titumbika Ambuya ndi Dada; ndipo ndi lenilo pe titemba ŵanthu, wo mbakulengeka mu chikozgu chaku Chiuta: 10mu mlomo weniwo pe mutuliya thumbiku ndi thembu! Mwa ŵabali ŵangu, vyenivi kuti vitenere kuŵa viyo cha. 11Kumbi chisima chibwibwituskiya ku mphowozi yimoza pe maji ghakunowa ndi ghakuŵaŵa? 12Kumbi mkuyu uziŵa kupasa maolive, mwa ŵabali ŵangu, pamwenga mphereska zinkhuyu? Chingana ndi maji ghamche ghalive kuziŵa kupaska ghakusamuka.
Zeru zakutuwa kuchanya
13Njani wazeru ndi wakuwamo mwakuimwe? Warongole ndi kajaridu kake kakutowa milimu yake mu upovu wa zeru. 14Kweni asani mwe nayo sanji yikaru ndi mphindanu mu mtima winu, mungatumbwiyanga ndi mungatetayanga pa uneneska wo cha. 15Zeru yeniyo kuti njakusikiya kutuwa kuchanya cha, kweni njapasi, yaviŵaru, ya udemone. 16Chifukwa kose kweniko kwe sanji ndi mphindanu, kweniko kwe chimtimbaheka ndi kachitidu kose kaheni. 17Kweni zeru yo njakutuwa kuchanya njikhovu danga, pavuli njachimangu, yakoroŵa yakupemberezgeka wenguwengu, yakuzara lisungu ndi vipasi vyamampha, yambura gangang'u, yizira ufyali. 18Ndipo chipasi cha urunji chimijikiya mu chimangu kwaku ŵeniwo mbakutata chimangu.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bible Society of Malawi