Yesaya 46
46
Akambiya limu za kupasuka kwa ŵangoza ŵaku Babiloni
1Belo wajikama pasi, Nebo#46.1 Belo wajikama pasi, Nebo: ndi mazina gha wachiuta wa charu cha Babiloni. wakotama,
ŵangoza ŵawo ŵe pa viŵetu ndi ng'ombe;
ivi vinthu mupinga vinyekezgeka uli ndi katundu pa nyama zakuvuka.
2Zikotama, ndi kujimiya pamoza,
kuti zingataska katundu cha,
kweni izo zeneko ziruta mu uŵanda.
3“Tegherezgani kwangu, mwa nyumba yaku Yakobe,
ŵakujapo wose wa nyumba yaku Yisraele,
ŵeniwo ŵanyamulika ndi ine kutuwa ku kawi kinu,
ŵakunyamulika kutuwa ku chibali;
4chingana ndi mu unkhongwi winu Ndine Iyo,
ndi juŵanyivu ndikunyamuweninga.
Ndalenga, ndipo ndikanyamuwanga;
ndikanyamuwanga ndi ndikataskanga.
5“Nkhwaku yani ko mulinganizgenge ine ndi kundiyaniska,
ndi kundesa, kuti tiŵi ŵakuyana?
6Ŵeniwo ŵasakaza golide kutuwa mu chikwama,
ndi kupima siliva pa myeso,
ŵalembera ŵakusula golide,
ndipo iyo wativipanga kuŵa chiuta:
sono iwo ŵatuwa pasi ndi kumusopa!
7Ŵatimunyamuliya pa mapheŵa ghawo,
ŵatimupinga, ŵatimuŵika pa malo ghake, ŵatuma penipo;
kuti ŵaziŵa cha kunderepo, pa malo ghake.
Asani munthu watimuliriya,
kuti watamuka pamwenga ku mutaska ku suzgu yake cha.
8“Kumbukani ichi ndi ghanaghanani,
jikumbuskeni, imwe mwaŵatimbanizi,
9kumbukani vinthu vyakudanga vya mwaka;
chifukwa ndine Chiuta, ndipo kulivi so munyake;
ndine Chiuta ndipo kulivi nanga njumoza wakukozgana nane,
10kutaula vya umari kwamba ku vyaru mtendeko
kutuliya ku vyanyengo zamwaka mpaka ku vinthu vyo vindachitike,
kunena kuti, ‘Fundu yangu vikamanga,
ndipo ndikafiskanga vyose vyo ndakhumba kufiska.’
11Kudana chiyuni chikari kutuwa kuvuma
munthu wa fundu yangu kutuwa ku charu cha kutali.
Ndarongoro, ndipo ndikafiskanga;
ndanozga kuchichita ndipo ndikachitangadi.
12“Tegherezgani kwangu, mwa mitima yinonono,
imwe mwe kutali ku chipozomosku:
13Ndituza nacho pafupi chipozomosku changu,
kuti che kutali cha,
ndipo utaski wangu kuti ukasweranaga cha;
ndikaŵikanga utaski mu Zioni;
chifukwa chaku Yisraele unkhankhu wangu.”
Bible Society of Malawi