Hoseya 13
13
Cheruzgu chakumariya pa ŵaYisraele
1Po Efraimu wangukamba, ŵanthu ŵangutenthema;
wangukuzgika mu Yisraele;
kweni wangwananga chifukwa chaku Bala ndi wangufwa.
2Ndipo sono wanangiyanangiya,
ndi kujipangiya vikozgu vyakusongono,
ŵangoza ŵakupangika umampha ndi siliva wawo,
vyose ndi nchitu ya fundi.
Ŵatiti, “Perekani sembe ku ŵangoza.”
Sono ŵanthu ŵa fyofyontha mathole!
3Chifukwa ichi ŵakaŵanga nge ndi nyankhuŵinda wa mlenji,
pamwenga nge ndi dungwi lo lakamuka ruŵi.
Nge ndi mwere wo wuputa pa malo ghakupepete,
pamwenga nge ndi usi wakuturiya pa dangazi.
4Ndine Ambuya Chiuta winu kutuwa ku charu cha Egipiti.
Muziŵa Chiuta munyake cha, kweni ine pe,
ndipo pade paku ine palivi mtaski munyake.
5Ndenga ine yo wangukuziŵani mu mapopa,
mu charu cha chilala.
6Kweni po ŵangurgha ukongwa, ŵanguguta,
ndipo mtima wawo ungujitukumuwa;
chifukwa ichi ŵangundiruwa.
7Viyo ndiŵenge nge ndi nkharamu kwaku iwo,
nge ndi nyalubwe ndiŵakhazgenge pa nthowa.
8Ndiŵarotokiyenge nge ndi chipembere yo waphangika ŵana ŵake,
ndiparuwenge nganga yawo,
ndipo nkhaŵarghanga nge ndi nkharamu,
nge ndimo chikoko cha mu dondo chiparuriya.
9Ndikuparghang'enge iwe, Yisraele;
ndiyani wangakovya?
10Karonga wako wepani kukutaska;
mafumu ghako ghe pani kukuvikiriya
gho unguti, “Ndipaskeni karonga ndi mafumu”?
11Ndingukupaska ŵakaronga mu ukari wangu,
ndipo ndaŵatuzgako mu kandundu kangu.
12Ubendezi waku Efraimu wamangika,
kwananga kwake kusungika mu nkhokwe.
13Urwirwi wa pakubara mwana umuziyenge,
kweni ndi mwana wambura zeru,
chifukwa sono kuti wajirongo cha pa mlomo wa nthumbu.
14Kumbi nkhaŵawombonga ku nthazi ya muunda?
Kumbi nkhaŵawombonga ku nyifwa?
Wa nyifwa we, urwirwi wako we pani?
Wa muunda we, kuparghang'a kwako kwe pani?
Lisingu labisika ku maso ghangu.
15Chingana wangandana nge ndi dete
lakupandika, mphepo yakuvuma, mphepo ya Ambuya,
yikazanga, yakutuwa ku lisuwa;
ndipo kubwibwituka kwake kukakamukanga,
chisimi chake nacho chikakamukanga;
yikaskowanga chinthu chose chakuzirwa.
16Samaria wasuskikenge
chifukwa wagaruka kwaku Chiuta wake;
wakabayikanga ndi lipanga,
ŵamujedu ŵawo ŵatekenyulikenge tumanatumana
ndi ŵanthukazi ŵawo ŵa nthumbu ŵakapangulikanga.
Currently Selected:
Hoseya 13: TongaMw
Highlight
Copy
Compare
Share
Want to have your highlights saved across all your devices? Sign up or sign in
Bible Society of Malawi
Hoseya 13
13
Cheruzgu chakumariya pa ŵaYisraele
1Po Efraimu wangukamba, ŵanthu ŵangutenthema;
wangukuzgika mu Yisraele;
kweni wangwananga chifukwa chaku Bala ndi wangufwa.
2Ndipo sono wanangiyanangiya,
ndi kujipangiya vikozgu vyakusongono,
ŵangoza ŵakupangika umampha ndi siliva wawo,
vyose ndi nchitu ya fundi.
Ŵatiti, “Perekani sembe ku ŵangoza.”
Sono ŵanthu ŵa fyofyontha mathole!
3Chifukwa ichi ŵakaŵanga nge ndi nyankhuŵinda wa mlenji,
pamwenga nge ndi dungwi lo lakamuka ruŵi.
Nge ndi mwere wo wuputa pa malo ghakupepete,
pamwenga nge ndi usi wakuturiya pa dangazi.
4Ndine Ambuya Chiuta winu kutuwa ku charu cha Egipiti.
Muziŵa Chiuta munyake cha, kweni ine pe,
ndipo pade paku ine palivi mtaski munyake.
5Ndenga ine yo wangukuziŵani mu mapopa,
mu charu cha chilala.
6Kweni po ŵangurgha ukongwa, ŵanguguta,
ndipo mtima wawo ungujitukumuwa;
chifukwa ichi ŵangundiruwa.
7Viyo ndiŵenge nge ndi nkharamu kwaku iwo,
nge ndi nyalubwe ndiŵakhazgenge pa nthowa.
8Ndiŵarotokiyenge nge ndi chipembere yo waphangika ŵana ŵake,
ndiparuwenge nganga yawo,
ndipo nkhaŵarghanga nge ndi nkharamu,
nge ndimo chikoko cha mu dondo chiparuriya.
9Ndikuparghang'enge iwe, Yisraele;
ndiyani wangakovya?
10Karonga wako wepani kukutaska;
mafumu ghako ghe pani kukuvikiriya
gho unguti, “Ndipaskeni karonga ndi mafumu”?
11Ndingukupaska ŵakaronga mu ukari wangu,
ndipo ndaŵatuzgako mu kandundu kangu.
12Ubendezi waku Efraimu wamangika,
kwananga kwake kusungika mu nkhokwe.
13Urwirwi wa pakubara mwana umuziyenge,
kweni ndi mwana wambura zeru,
chifukwa sono kuti wajirongo cha pa mlomo wa nthumbu.
14Kumbi nkhaŵawombonga ku nthazi ya muunda?
Kumbi nkhaŵawombonga ku nyifwa?
Wa nyifwa we, urwirwi wako we pani?
Wa muunda we, kuparghang'a kwako kwe pani?
Lisingu labisika ku maso ghangu.
15Chingana wangandana nge ndi dete
lakupandika, mphepo yakuvuma, mphepo ya Ambuya,
yikazanga, yakutuwa ku lisuwa;
ndipo kubwibwituka kwake kukakamukanga,
chisimi chake nacho chikakamukanga;
yikaskowanga chinthu chose chakuzirwa.
16Samaria wasuskikenge
chifukwa wagaruka kwaku Chiuta wake;
wakabayikanga ndi lipanga,
ŵamujedu ŵawo ŵatekenyulikenge tumanatumana
ndi ŵanthukazi ŵawo ŵa nthumbu ŵakapangulikanga.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bible Society of Malawi