ŴaHebere 1
1
Mazu ghaku Chiuta mu mwana wake
1Chiuta, yo mwaka wakambiyanga munthowa zinandi ndi zakupambanapambana ndi ŵaseku mu ŵamchimi, 2mu mazuŵa yagha ghaumari wakambiyanafwe mu Mwana wake, mweniyo wanguŵika muhara waku vyose, mwaku mweniyo so wangwatiya migonezi. 3Mweniyo, pakuŵa dangalira la unkhankhu wake ndi chiyanizgu cha kaŵidu kake, ndi pakuchirikiriya so vyose ndi nenedu la nthazi yake, wanguti, wachita chiphoto cha vilakwa, wanguja pasi ku marghe gha Ukurukuru mu machanya.
Mazaza gha Mwana wake
4Wanguti waŵa muraku ku ŵangelo, uli ndimo wahariya zina lakuruska lawo. 5Chifukwa nkhwaku yani kali wamu ŵangelo, Chiuta wanguti,
“Ndiwe Mwana wangu,
ine le ndakupapa.”
Ndi so,
“Ine ndiŵiyenge iyo Wiske,
ndipo iyo waŵiyenge ine Mwana.”
6Ndipo so wachiserezga Mwana mura yo mu charu, watiti,
“Ndipo ŵamlambiyenge iyo ŵangelo wose ŵaku Chiuta.”
7Ndipo ku ŵangelo nawo watiti,
“Yo ngwakuŵachita ŵangelo ŵake zimphepu,
ndi ŵamirizi ŵake mlipu wa motu.”
8Kweni ndi Mwana yo Chiuta wanguti:
“Chitengu nchako cha ufumu,
uwusa ufumu wako ndi urunji.
9Mwanja urunji, ndipo mwatinkha uchikana marangu;
chifukwa chenichi Chiuta, Chiuta winu, wamtukutizgiyani
ndi mafuta gha chimwemwe kwakuzungura ŵanase ŵinu.”
10Ndipo,
“Imwe, Ambuya, pa mtendeku mungujarika panupasi,
ndipo machanya ndi nchitu za manja ghinu;
11ghakanangikanga ghenigho; kweni imwe mujaririya;
ndipo ghavumukenge ghose uli ndi munjirira;
12ndipo nge ndi chirundu mughapetenge,
uli ndi munjirira, ghasandukenge.
Kweni imwe ndimwe pe,
ndipo myaka yinu kuti yampereŵe cha.”
13Ndipo nkhwaku yani wamu ŵangelo wanene kali,
“Ja kwangu ku marghe,
Mpaka ndaŵika ŵamawongu ŵako nge nchitengu cha marwayo ghako?”
14Asi wose wo mbazimu ŵakuteŵeta, ŵakutumikiya kwachiteŵete pa chifwa chaku wo ŵakhasa kuhara utaski?
Currently Selected:
ŴaHebere 1: TongaMw
Highlight
Copy
Compare
Share
Want to have your highlights saved across all your devices? Sign up or sign in
Bible Society of Malawi
