ŴaEfeso 4
4
Kulungana kwa liŵavu
1Viyo ine, ndamagoŵa mu Mbuya, ndikuŵeyereni kwenda kwakwenere mdanu wo mwadanikiya, 2ndi uzimbwa wose ndi upovu, ndi chilekerezga, pakukunthiriyana mu chanju; 3ndikupamphuka kusunga umoza wa Mzimu mugoŵa la chimangu. 4Kwe liŵavu limoza ndi Mzimu yumoza, uli ndimo so mungudanikiya mu chigomekezgu chimoza cha mdanu winu; 5Mbuya yumoza, chivwanu chimoza, chibatizo chimoza, 6Chiuta yumoza ndi Wiskeu waku wose, mweniyo wawusa pachanya paku wose, ndi wachitiya mwaku wose, ndi waja mukati mwaku wose. 7Kweni kwaku tose yumoza-yumoza wezi wo ungupaskika kwakuyana ndi mwesu wa mpasku waku Kristu. 8Viyonthu watiti,
“Penipo wangukwere so kuchanya,
wanguyora liŵanja la ŵamikoli,
ndipo wangupaska mipasku ku ŵanthu.”
9(Kukamba kuti, “Wangukwera,” ching'anamuwanji? Kweni kuti wangusikiya danga ku vigaŵa vyakusi ku charu. 10Mweniyo wangusika ndiyo mweniyo wangukwere so kuchanya limu ku machanya ghose, alinga wazaze vyose.) 11Ndiyo nayo wangupaska ŵanyake kuŵa ŵakutumika; ndi ŵanyake ŵamchimi; ndi ŵanyake ŵaevangeli; ndi ŵanyake ŵaliska ndi ŵasambizgi, 12kwachikongoreske ŵakupaturika wo ku mlimu wa uteŵeti, kwachizenge liŵavu lo laku Kristu; 13mpaka tamfikiya tose ku umoza wo wa chivwanu, ndi wa chiziŵisku cha Mwana waku Chiuta; ku munthu wakukhoma, ku mwesu wa msinkhu wakufikapo wa uzali waku Kristu, 14kuti tireke kuŵa so ŵamujedu ŵakufunchiskika ndi kuyungwiskika ndi mphepu yose ya kasambizgidu kamu fuzi la ŵanthu, mu uchenjezi wakunyengere ku urandizgi; 15kweni pakuneneskerana mu chanju tikuliye kosekose kwaku mweniyo ndi mutu, ndiyo Kristu; 16kutuwa kwaku mweniyo liŵavu lose lo, pakuyaniskirana ndi kurunjiskirana mu fundu yose yakuninkhikako, likuliya kwakulingana ndi kachitidu kakwenere ka chigaŵa che chose, chimoza ndi chimoza, viyo kuti liŵavu lo lijizenga mu chanju.
Umoyo ufya mwaku Kristu
17Viyo chenichi ndikamba ndi kusimikizgiya mu Mbuya, kuti mungendanga so cha, imwe, uli ndimo ŵatende ŵaMitundu nawo, mu uzereza wa vinjeru vyawo, 18pakufipizgika mu chiteska, ndi kugaukako ku umoyo waku Chiuta chifukwa cha ujira wo we mwawo, ndi chifukwa cha unononu wa mtima wawu; 19weniwo pakuŵa ŵakukurung'undiya ŵangujikonbole ku uyaya kwachitataliya wiyuwose kwalinweka. 20Kweni imwe mwengavi kusambira viyo Kristu; 21asani mwamuvwa, ndipo mwaku iyo mwasambizgika, mo uliri uneneska mwaku Yesu; 22muzuwe kendedu kinu kakudanga, munthu yo wakali, yo ngwakukazuzgika kwakuyana ndi maulakalaka gha fuzi; 23ndipo kuti muŵe ŵafya mu mzimu wa vinjeru vinu, 24ndi kuti muvware munthu mufya, yo kwakuyana ndi Chiuta ngwakulengeka mu urunji ndi ukhovu wa uneneska. 25Viyo na pakuzuwa utesi, kambiranani uneneska, munthu yose ndi mwanase wake; pakuti te viŵaru yumoza wa munyake. 26Tundiyani, ndikweni mungalakwanga cha: pa chikaralizga chinu lingasere dazi cha: 27ndipo ku diabolo yo mungandere malo cha. 28Wakuba yo wangawerezgapo kuba so cha: kweni ukongwa watakatake, ndi kutataliya ndi manja ghake cho nchamampha, alinga kuti waparauliye yo ngwakusawuka. 29Mazu ghawiyu ghangatuwanga kose mu mlomo winu cha, kweni ghenigho ngamampha kwachizenge kwakuyana ndi usauchi, kuti ghapaske wezi ku ŵakuvwa. 30Ndipo mungamkwininiska Mzimu Wakupaturika waku Chiuta, mwaku mweniyo munguzighirikiya ku zuŵa la uwombozi. 31Kurunda kose, ndi chikwiya, ndi kandundu, ndi gazamu, ndi utusi, vituzgikeko kwinu, pamoza ndi uheni wose: 32kweni muŵenge ŵaulemu yumoza ku munyake, ŵachitima, ŵakugowokerana uli ndimo Chiuta nayo mwaku Kristu wagowoke imwe.
Currently Selected:
ŴaEfeso 4: TongaMw
Highlight
Copy
Compare
Share
Want to have your highlights saved across all your devices? Sign up or sign in
Bible Society of Malawi
ŴaEfeso 4
4
Kulungana kwa liŵavu
1Viyo ine, ndamagoŵa mu Mbuya, ndikuŵeyereni kwenda kwakwenere mdanu wo mwadanikiya, 2ndi uzimbwa wose ndi upovu, ndi chilekerezga, pakukunthiriyana mu chanju; 3ndikupamphuka kusunga umoza wa Mzimu mugoŵa la chimangu. 4Kwe liŵavu limoza ndi Mzimu yumoza, uli ndimo so mungudanikiya mu chigomekezgu chimoza cha mdanu winu; 5Mbuya yumoza, chivwanu chimoza, chibatizo chimoza, 6Chiuta yumoza ndi Wiskeu waku wose, mweniyo wawusa pachanya paku wose, ndi wachitiya mwaku wose, ndi waja mukati mwaku wose. 7Kweni kwaku tose yumoza-yumoza wezi wo ungupaskika kwakuyana ndi mwesu wa mpasku waku Kristu. 8Viyonthu watiti,
“Penipo wangukwere so kuchanya,
wanguyora liŵanja la ŵamikoli,
ndipo wangupaska mipasku ku ŵanthu.”
9(Kukamba kuti, “Wangukwera,” ching'anamuwanji? Kweni kuti wangusikiya danga ku vigaŵa vyakusi ku charu. 10Mweniyo wangusika ndiyo mweniyo wangukwere so kuchanya limu ku machanya ghose, alinga wazaze vyose.) 11Ndiyo nayo wangupaska ŵanyake kuŵa ŵakutumika; ndi ŵanyake ŵamchimi; ndi ŵanyake ŵaevangeli; ndi ŵanyake ŵaliska ndi ŵasambizgi, 12kwachikongoreske ŵakupaturika wo ku mlimu wa uteŵeti, kwachizenge liŵavu lo laku Kristu; 13mpaka tamfikiya tose ku umoza wo wa chivwanu, ndi wa chiziŵisku cha Mwana waku Chiuta; ku munthu wakukhoma, ku mwesu wa msinkhu wakufikapo wa uzali waku Kristu, 14kuti tireke kuŵa so ŵamujedu ŵakufunchiskika ndi kuyungwiskika ndi mphepu yose ya kasambizgidu kamu fuzi la ŵanthu, mu uchenjezi wakunyengere ku urandizgi; 15kweni pakuneneskerana mu chanju tikuliye kosekose kwaku mweniyo ndi mutu, ndiyo Kristu; 16kutuwa kwaku mweniyo liŵavu lose lo, pakuyaniskirana ndi kurunjiskirana mu fundu yose yakuninkhikako, likuliya kwakulingana ndi kachitidu kakwenere ka chigaŵa che chose, chimoza ndi chimoza, viyo kuti liŵavu lo lijizenga mu chanju.
Umoyo ufya mwaku Kristu
17Viyo chenichi ndikamba ndi kusimikizgiya mu Mbuya, kuti mungendanga so cha, imwe, uli ndimo ŵatende ŵaMitundu nawo, mu uzereza wa vinjeru vyawo, 18pakufipizgika mu chiteska, ndi kugaukako ku umoyo waku Chiuta chifukwa cha ujira wo we mwawo, ndi chifukwa cha unononu wa mtima wawu; 19weniwo pakuŵa ŵakukurung'undiya ŵangujikonbole ku uyaya kwachitataliya wiyuwose kwalinweka. 20Kweni imwe mwengavi kusambira viyo Kristu; 21asani mwamuvwa, ndipo mwaku iyo mwasambizgika, mo uliri uneneska mwaku Yesu; 22muzuwe kendedu kinu kakudanga, munthu yo wakali, yo ngwakukazuzgika kwakuyana ndi maulakalaka gha fuzi; 23ndipo kuti muŵe ŵafya mu mzimu wa vinjeru vinu, 24ndi kuti muvware munthu mufya, yo kwakuyana ndi Chiuta ngwakulengeka mu urunji ndi ukhovu wa uneneska. 25Viyo na pakuzuwa utesi, kambiranani uneneska, munthu yose ndi mwanase wake; pakuti te viŵaru yumoza wa munyake. 26Tundiyani, ndikweni mungalakwanga cha: pa chikaralizga chinu lingasere dazi cha: 27ndipo ku diabolo yo mungandere malo cha. 28Wakuba yo wangawerezgapo kuba so cha: kweni ukongwa watakatake, ndi kutataliya ndi manja ghake cho nchamampha, alinga kuti waparauliye yo ngwakusawuka. 29Mazu ghawiyu ghangatuwanga kose mu mlomo winu cha, kweni ghenigho ngamampha kwachizenge kwakuyana ndi usauchi, kuti ghapaske wezi ku ŵakuvwa. 30Ndipo mungamkwininiska Mzimu Wakupaturika waku Chiuta, mwaku mweniyo munguzighirikiya ku zuŵa la uwombozi. 31Kurunda kose, ndi chikwiya, ndi kandundu, ndi gazamu, ndi utusi, vituzgikeko kwinu, pamoza ndi uheni wose: 32kweni muŵenge ŵaulemu yumoza ku munyake, ŵachitima, ŵakugowokerana uli ndimo Chiuta nayo mwaku Kristu wagowoke imwe.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bible Society of Malawi