ŴaEfeso 3
3
Nchitu yaku Paulo mu ŵaMitundu
1Chifukwa chenichi ine nda Paulo, wamagoŵa waku Kristu Yesu pa chifukwa chaku imwe mwa ŵamitundu, 2asani mwavwa ndi uteŵeti wa wezi waku Chiuta wo ungupaskika kwaku ine kuchiri kwinu; 3nge ndimo mu uvumbuzi ghanguvumbulikiya ine mangari gho, uli ndipo ndingulembe kali ghawida, 4mwakuti, muchiŵerenga mungaziŵa kuteska kuwamu kwangu mu mangari ghaku Kristu; 5ghenigho mu migonezi yinyake ghengavi kuziŵikwa ku ŵana ŵa ŵanthu, uli ndimo sono ghavumbulikiya ndi Mzimu ku ŵakutumika ŵake ŵakupaturika ndi ŵamchimi; 6pakuti ŵaMitundu ŵaŵa ŵakuhara nafwe, ndi ŵa liŵavu limoza pamoza nafwe, ndi ŵasangazi-ŵanase ŵa chipanganu mwaku Kristu Yesu mu evangeli.
7Waku wo ndinguchitika mteŵeti, kwakulingana ndi mpasku wa wezi wo waku Chiuta, weniwo ungupaskika kwaku ine uli nkhachitidu ka nthazi yake. 8Kwaku ine mumanako ku ŵamana limu waku wode ŵakupaturika, ungupaskika wezi wenuwu, kuŵatauliya ŵaMitundu usambasi wambura mapenjeka wo waku Kristu; 9ndi kuŵangweruskiya wose mo uliri uteŵeti wa mangari ghenigho kutuwa ku muyaya ghabisika mwaku Chiuta Mlengi wa vinthu vyose; 10mwakuti sono zeru ya mtundumtundu yaku Chiuta yiziŵikwiye mu eklesiya ku miwusu ndi mitufu yo ye mu malo ghakuchanya; 11kwakulingana ndi chitema#3.11 chitema: ghang'anamuwa kudumuwa kanthu mu maghanaghanu ko kakhumbikwa kuchitika. cha muyaya, chenicho wanguchitiya mwaku Kristu Yesu Ambuyafwe, 12mwaku mweniyo te ndi chiganga ndi chiŵandiku mu chigomekezgu chamuchivwanu mwaku iyo. 13Viyo na, ndiŵeyere imwe kuropwa cha mu mtima pa visuzgu vyangu vyapa chifukwa chinu, vyenivyo mbunkhankhu winu.
Chanju chaku Kristu
14Chifukwa chenichi ndijikamiya makongonu ghangu ku Dada, 15kutuwa kwaku mweniyo ŵanambumba wose kuchanya ndi panupasi ŵadanika zina, kuti wapaske imwe; 16kwakulingana ndi usambasi wa unkhankhu wake, kukhomeskeka ndi nthazi mu Mzimu wake mu munthu wamukati: 17kuti Kristu wajariye ndi chivwanu mu mitima yinu; alinga kuti, pakumererwa ndi kupandika mu chanju, 18mukhome kujikole pamoza ndi ŵakupaturika wose cho mbusani, ndi utali, ndi mtota, ndi wima, 19ndikuziŵiska chanju cho chaku Kristu chakuzungura mziŵiru, alinga kuti muzazikiye ku uzali wose waku Chiuta. 20Sono kwaku mweniyo ngwanthazi kwachichita ukongwa limu kwakuruska vyose vyenivyo tipempha chingana nkhupima, kwakuyana ndi nthazi yo yakutataliya mwidu, 21kwaku iyo kuŵiye unkhankhu wo mu eklesiya ndi mwaku Kristu Yesu ku migonezi yose ya muyaya-muyaya. Ameni.
Currently Selected:
ŴaEfeso 3: TongaMw
Highlight
Copy
Compare
Share
Want to have your highlights saved across all your devices? Sign up or sign in
Bible Society of Malawi
ŴaEfeso 3
3
Nchitu yaku Paulo mu ŵaMitundu
1Chifukwa chenichi ine nda Paulo, wamagoŵa waku Kristu Yesu pa chifukwa chaku imwe mwa ŵamitundu, 2asani mwavwa ndi uteŵeti wa wezi waku Chiuta wo ungupaskika kwaku ine kuchiri kwinu; 3nge ndimo mu uvumbuzi ghanguvumbulikiya ine mangari gho, uli ndipo ndingulembe kali ghawida, 4mwakuti, muchiŵerenga mungaziŵa kuteska kuwamu kwangu mu mangari ghaku Kristu; 5ghenigho mu migonezi yinyake ghengavi kuziŵikwa ku ŵana ŵa ŵanthu, uli ndimo sono ghavumbulikiya ndi Mzimu ku ŵakutumika ŵake ŵakupaturika ndi ŵamchimi; 6pakuti ŵaMitundu ŵaŵa ŵakuhara nafwe, ndi ŵa liŵavu limoza pamoza nafwe, ndi ŵasangazi-ŵanase ŵa chipanganu mwaku Kristu Yesu mu evangeli.
7Waku wo ndinguchitika mteŵeti, kwakulingana ndi mpasku wa wezi wo waku Chiuta, weniwo ungupaskika kwaku ine uli nkhachitidu ka nthazi yake. 8Kwaku ine mumanako ku ŵamana limu waku wode ŵakupaturika, ungupaskika wezi wenuwu, kuŵatauliya ŵaMitundu usambasi wambura mapenjeka wo waku Kristu; 9ndi kuŵangweruskiya wose mo uliri uteŵeti wa mangari ghenigho kutuwa ku muyaya ghabisika mwaku Chiuta Mlengi wa vinthu vyose; 10mwakuti sono zeru ya mtundumtundu yaku Chiuta yiziŵikwiye mu eklesiya ku miwusu ndi mitufu yo ye mu malo ghakuchanya; 11kwakulingana ndi chitema#3.11 chitema: ghang'anamuwa kudumuwa kanthu mu maghanaghanu ko kakhumbikwa kuchitika. cha muyaya, chenicho wanguchitiya mwaku Kristu Yesu Ambuyafwe, 12mwaku mweniyo te ndi chiganga ndi chiŵandiku mu chigomekezgu chamuchivwanu mwaku iyo. 13Viyo na, ndiŵeyere imwe kuropwa cha mu mtima pa visuzgu vyangu vyapa chifukwa chinu, vyenivyo mbunkhankhu winu.
Chanju chaku Kristu
14Chifukwa chenichi ndijikamiya makongonu ghangu ku Dada, 15kutuwa kwaku mweniyo ŵanambumba wose kuchanya ndi panupasi ŵadanika zina, kuti wapaske imwe; 16kwakulingana ndi usambasi wa unkhankhu wake, kukhomeskeka ndi nthazi mu Mzimu wake mu munthu wamukati: 17kuti Kristu wajariye ndi chivwanu mu mitima yinu; alinga kuti, pakumererwa ndi kupandika mu chanju, 18mukhome kujikole pamoza ndi ŵakupaturika wose cho mbusani, ndi utali, ndi mtota, ndi wima, 19ndikuziŵiska chanju cho chaku Kristu chakuzungura mziŵiru, alinga kuti muzazikiye ku uzali wose waku Chiuta. 20Sono kwaku mweniyo ngwanthazi kwachichita ukongwa limu kwakuruska vyose vyenivyo tipempha chingana nkhupima, kwakuyana ndi nthazi yo yakutataliya mwidu, 21kwaku iyo kuŵiye unkhankhu wo mu eklesiya ndi mwaku Kristu Yesu ku migonezi yose ya muyaya-muyaya. Ameni.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bible Society of Malawi