Danyele 3
3
Chikozgu cha golide
1Karonga Nebukadanezara wangupanga chikozgu cha golide; cho msinkhu wake wenga mikono machumi ghankhonde ndi limoza (60) ndi uvimba wake mikono yinkhonde ndi umoza. Wanguchimika mu chidika cha Dura, mu charu cha Babiloni. 2Viyo karonga Nebukadanezara wangutuma mathenga kwachiwunjika pamoza ŵakaronga, ŵeruzgi ŵa vyaru, zinduna, ŵazifundu, ŵakusunga vyuma ŵakuziŵa marangu gha charu, ŵeruzgi ŵa milando ndi nduna zose za vyaru kuti ŵaze kuzachipatuliya chikozgu cho karonga Nebukadanezara wangumika, ku mlimu wake. 3Viyo ŵakaronga, ŵeruzgi ŵa vyaru, zinduna, ŵazifundu, ŵakusunga vyumba, ŵakuziŵa marangu gha charu, ŵeruzgi ŵa milando ndi nduna zose za vigaŵa ŵanguungana pamoza kupatuliya chikozgu cho karonga Nebukadanezara wangumika; ndipo ŵanguma paurongo pa chikozgu cho Nebukadanezara wangumika. 4Viyo wakumemeza wangudanirizga ukongwa kuti, “Kwalangulikiya imwe, mwa ŵanthu, mitundu yose, makambidu ghose, 5penipo mutuvwa kuliya kwa mbata, kumba kwa fyoliro, bangwe, chirumbu, chimbumbuli, mangolongondo, ndi mitundu yose ya vyakumba, mutenere kugwada pasi ndi kusopa chikozgu cha golide cho karonga Nebukadanezara wamika; 6ndipo yose yo wareka kugwada pasi ndi kuchisopa wapong'ekenge ruŵiruŵi mu ng'anjo ya moto.” 7Viyo penipo ŵanthu wose ŵanguvwa kuliya kwa mbata, kumba kwa fyoliro, bangwe, chirumbu, chimbumbuli, mangolongondo, ndi mitundu yose ya vyakumba, ŵanthu wose, mitundu yose, ndi makambidu ghose ŵangugwada pasi, ŵangusopa chikozgu cha golide cho karonga Nebukadanezara wangumika.
8Viyo pa nyengo yeniyo ŵaKaldiya ŵanyake ŵanguza ndi ŵangupacha ŵa Yuda. 9Ŵanguti ku karonga Nebukadanezara, “Imwe karonga mujaririye ŵamoyo! 10Imwe karonga, mwamika dangu, kuti munthu yose wachivwa kuliya kwa mbata, fyoliro, bangwe, chirumbu, chimbumbuli, mangolongondo ndi vyakumba vya mitundu yose, wakagwadanga pasi ndi kusopa chikozgu cha golide. 11Ndipo yose yo kuti wagwada pasi cha ndi kusopa, wapong'ekenge mu ng'anjo ya moto. 12Ŵalipo ŵaYuda ŵanyake ŵeniwo imwe mukuŵamika kulereska milimu yose ya charu cha Babiloni: Shadreke, Mesheke, ndi Abedenego. Ŵanthu yaŵa, karonga, kuti ŵatimuvwiyani cha; kuti ŵateŵete ŵachiuta ŵinu cha, chingana nkhusopa chikozgu chinu cha golide cho mwamika.”
13Sono Nebukadanezara mu kandundu kake kakuru, wangulangula kuti ŵazi nawo Shadreke, Mesheke, ndi Abedenego. Ndipo ŵanguza nawo paurongo pa karonga. 14Nebukadanezara wanguti kwaku iwo, “Kumbi nchakuneneska kuti, imwe Shadreke, Mesheke, ndi Abedenego muteŵete ŵachiuta ŵangu cha, chingana nkhusopa chikozgu cha golide cho ndamika? 15Sono asani muzomera kuti mukagwadanga pasi ndi kusopa chikozgu cho ndamika pa mutuvwa kuliya kwa mbata, kumba kwa fyoliro, bangwe, chirumbu, chimbumbuli, mangolongondo, ndi vyakumba vya mitundu yose, iku nchamampha ukongwa; kweni asani kuti mukasopanga cha, mupong'ekenge mu ng'anjo ya moto sosonukweni; ndipo ndiyani Chiuta yo wangaziŵa kumtaskani mu manja ghangu?”
16Shadreke, Mesheke, ndi Abedenego ŵangumwamuka karonga Nebukadanezara kuti, “Ehe! kukhumbikwa cha kuti timwamukeni pa makani yagha. 17Asani kungaŵa viyo, Chiuta widu mweniyo titeŵete waziŵa kutitaska ku kocha kwa ng'anjo ya moto, ndipo wakatitaskanga ku janja linu karonga. 18Ndipo nanga kuti kungaŵa viyo cha, imwe karonga muziŵe kuti tikateŵetiyanga ŵachiuta ŵinu cha chingana nkhusopa chikozgu cho mwamika.”
Ng'anjo ya moto
19Viyo Nebukadanezara wangutundiya ukongwa ndipo kawonekedu ka chisku chake kangusanduka kakumikana ndi Shadreke, Mesheke, ndi Abedenego. Wangulangula kuti ŵasonkhenge ng'anjo kankhonde ndi kaŵi kwakuruska mo yasonkhezgekiyanga pakudanga. 20Ndipo wangulanguliya ŵanthu ŵanyake ŵanthazi ŵa ŵankhondo ŵake, kumanga Shadreke, Mesheke, ndi Abedenego ndi kuŵapong'a mu ng'anjo yakukole moto. 21Viyo ŵanthu yaŵa ŵangumangika, ŵakuvwara saru zawo, maraya ghawo, visoti vyawo, ndi vivwaro vyawo vinyake, ndipo ŵangupong'eka mukati mu ng'anjo ya moto wakukole. 22Chifukwa dangu la karonga lenga lakukho, ndipo ng'anjo yengo yakocha ukongwa, mlipu wa moto ungubaya wo ŵangunyamuwa Shadreke, Mesheke, ndi Abedenego. 23Ndipo ŵanthurumi yaŵa ŵatutu, Shadreke, Mesheke, ndi Abedenego ŵanguwa pasi ŵakumangika mu ng'anjo ya moto wakukole. 24Ndipo karonga Nebukadanezara wangutondwa ndi wangusoka kwakutinthimika, wangufumba nduna zake kuti, “Asi tingupong'a ŵanthu ŵatatu ŵakumangika mu moto?” Wangumwamuka kuti, 25“Inya, karonga.” Wanguti, “Kweni ine ndiwona ŵanthu ŵanayi ŵakufwatulika ŵatenda mukati mu moto ndipo kuti mbakocheka cha; kweni kawonekedu ka wachinayi kalingana nge ndi mwana wa ŵachiuta.” 26Viyo Nebukadanezara wangundere ku khomo la ng'anjo ya mlipu wa moto, wangudanirizga, “Shadreke, Mesheke, Abedenego, mwaŵateŵeti ŵaku Chiuta wapachanya ukongwa, tuwani ruŵi ndi muzi kuno!” Viyo Shadreke, Mesheke, ndi Abedenego ŵangutuwa mu moto. 27Ndipo mafumu, ŵeruzgi ŵa vyaru, zinduna, madoda gha karonga pakuungana pamoza ŵanguwona kuti moto wengavi nthazi pa maliŵavu gha ŵanthu yaŵa; sisi lamu mitu yawo lengavi kuŵawuka, vyakuvwara vyawo navyo kuti vingufya cha ndipo nanga ndi sungu la chiŵawulizga cha moto ŵengavi. 28Nebukadanezara wanguti, “Watumbikike Chiuta waku Shadreke, Mesheke, ndi Abedenego, yo watuma mungelo wake kutaska ŵateŵeti ŵake, wo ŵagomezga mwaku iyo, ŵangukana dangu laku ine nda karonga, ŵangupereka maliŵavu ghawo kwakuruska kuteŵete ndi kusopa chiuta munyake, kweni Chiuta wawo pe. 29Chifukwa ichi ndilangula kuti, ŵanthu wose, mitundu yose, pamwenga kakambidu, ŵakukamba kanthu kose kumikana ndi Chiuta waku Shadreke, Mesheke, Abedenego, ŵakadumulikanga chiŵaru ndi chiŵaru, ndi nyumba zawo zikasanduskikanga makunthu; chifukwa kulivi Chiuta munyake yo waziŵa kutaska viyo.” 30Sono karonga wangukuzga Shadreke, Mesheke, ndi Abedenego mu charu cha Babiloni.
Currently Selected:
Danyele 3: TongaMw
Highlight
Copy
Compare
Share
Want to have your highlights saved across all your devices? Sign up or sign in
Bible Society of Malawi
Danyele 3
3
Chikozgu cha golide
1Karonga Nebukadanezara wangupanga chikozgu cha golide; cho msinkhu wake wenga mikono machumi ghankhonde ndi limoza (60) ndi uvimba wake mikono yinkhonde ndi umoza. Wanguchimika mu chidika cha Dura, mu charu cha Babiloni. 2Viyo karonga Nebukadanezara wangutuma mathenga kwachiwunjika pamoza ŵakaronga, ŵeruzgi ŵa vyaru, zinduna, ŵazifundu, ŵakusunga vyuma ŵakuziŵa marangu gha charu, ŵeruzgi ŵa milando ndi nduna zose za vyaru kuti ŵaze kuzachipatuliya chikozgu cho karonga Nebukadanezara wangumika, ku mlimu wake. 3Viyo ŵakaronga, ŵeruzgi ŵa vyaru, zinduna, ŵazifundu, ŵakusunga vyumba, ŵakuziŵa marangu gha charu, ŵeruzgi ŵa milando ndi nduna zose za vigaŵa ŵanguungana pamoza kupatuliya chikozgu cho karonga Nebukadanezara wangumika; ndipo ŵanguma paurongo pa chikozgu cho Nebukadanezara wangumika. 4Viyo wakumemeza wangudanirizga ukongwa kuti, “Kwalangulikiya imwe, mwa ŵanthu, mitundu yose, makambidu ghose, 5penipo mutuvwa kuliya kwa mbata, kumba kwa fyoliro, bangwe, chirumbu, chimbumbuli, mangolongondo, ndi mitundu yose ya vyakumba, mutenere kugwada pasi ndi kusopa chikozgu cha golide cho karonga Nebukadanezara wamika; 6ndipo yose yo wareka kugwada pasi ndi kuchisopa wapong'ekenge ruŵiruŵi mu ng'anjo ya moto.” 7Viyo penipo ŵanthu wose ŵanguvwa kuliya kwa mbata, kumba kwa fyoliro, bangwe, chirumbu, chimbumbuli, mangolongondo, ndi mitundu yose ya vyakumba, ŵanthu wose, mitundu yose, ndi makambidu ghose ŵangugwada pasi, ŵangusopa chikozgu cha golide cho karonga Nebukadanezara wangumika.
8Viyo pa nyengo yeniyo ŵaKaldiya ŵanyake ŵanguza ndi ŵangupacha ŵa Yuda. 9Ŵanguti ku karonga Nebukadanezara, “Imwe karonga mujaririye ŵamoyo! 10Imwe karonga, mwamika dangu, kuti munthu yose wachivwa kuliya kwa mbata, fyoliro, bangwe, chirumbu, chimbumbuli, mangolongondo ndi vyakumba vya mitundu yose, wakagwadanga pasi ndi kusopa chikozgu cha golide. 11Ndipo yose yo kuti wagwada pasi cha ndi kusopa, wapong'ekenge mu ng'anjo ya moto. 12Ŵalipo ŵaYuda ŵanyake ŵeniwo imwe mukuŵamika kulereska milimu yose ya charu cha Babiloni: Shadreke, Mesheke, ndi Abedenego. Ŵanthu yaŵa, karonga, kuti ŵatimuvwiyani cha; kuti ŵateŵete ŵachiuta ŵinu cha, chingana nkhusopa chikozgu chinu cha golide cho mwamika.”
13Sono Nebukadanezara mu kandundu kake kakuru, wangulangula kuti ŵazi nawo Shadreke, Mesheke, ndi Abedenego. Ndipo ŵanguza nawo paurongo pa karonga. 14Nebukadanezara wanguti kwaku iwo, “Kumbi nchakuneneska kuti, imwe Shadreke, Mesheke, ndi Abedenego muteŵete ŵachiuta ŵangu cha, chingana nkhusopa chikozgu cha golide cho ndamika? 15Sono asani muzomera kuti mukagwadanga pasi ndi kusopa chikozgu cho ndamika pa mutuvwa kuliya kwa mbata, kumba kwa fyoliro, bangwe, chirumbu, chimbumbuli, mangolongondo, ndi vyakumba vya mitundu yose, iku nchamampha ukongwa; kweni asani kuti mukasopanga cha, mupong'ekenge mu ng'anjo ya moto sosonukweni; ndipo ndiyani Chiuta yo wangaziŵa kumtaskani mu manja ghangu?”
16Shadreke, Mesheke, ndi Abedenego ŵangumwamuka karonga Nebukadanezara kuti, “Ehe! kukhumbikwa cha kuti timwamukeni pa makani yagha. 17Asani kungaŵa viyo, Chiuta widu mweniyo titeŵete waziŵa kutitaska ku kocha kwa ng'anjo ya moto, ndipo wakatitaskanga ku janja linu karonga. 18Ndipo nanga kuti kungaŵa viyo cha, imwe karonga muziŵe kuti tikateŵetiyanga ŵachiuta ŵinu cha chingana nkhusopa chikozgu cho mwamika.”
Ng'anjo ya moto
19Viyo Nebukadanezara wangutundiya ukongwa ndipo kawonekedu ka chisku chake kangusanduka kakumikana ndi Shadreke, Mesheke, ndi Abedenego. Wangulangula kuti ŵasonkhenge ng'anjo kankhonde ndi kaŵi kwakuruska mo yasonkhezgekiyanga pakudanga. 20Ndipo wangulanguliya ŵanthu ŵanyake ŵanthazi ŵa ŵankhondo ŵake, kumanga Shadreke, Mesheke, ndi Abedenego ndi kuŵapong'a mu ng'anjo yakukole moto. 21Viyo ŵanthu yaŵa ŵangumangika, ŵakuvwara saru zawo, maraya ghawo, visoti vyawo, ndi vivwaro vyawo vinyake, ndipo ŵangupong'eka mukati mu ng'anjo ya moto wakukole. 22Chifukwa dangu la karonga lenga lakukho, ndipo ng'anjo yengo yakocha ukongwa, mlipu wa moto ungubaya wo ŵangunyamuwa Shadreke, Mesheke, ndi Abedenego. 23Ndipo ŵanthurumi yaŵa ŵatutu, Shadreke, Mesheke, ndi Abedenego ŵanguwa pasi ŵakumangika mu ng'anjo ya moto wakukole. 24Ndipo karonga Nebukadanezara wangutondwa ndi wangusoka kwakutinthimika, wangufumba nduna zake kuti, “Asi tingupong'a ŵanthu ŵatatu ŵakumangika mu moto?” Wangumwamuka kuti, 25“Inya, karonga.” Wanguti, “Kweni ine ndiwona ŵanthu ŵanayi ŵakufwatulika ŵatenda mukati mu moto ndipo kuti mbakocheka cha; kweni kawonekedu ka wachinayi kalingana nge ndi mwana wa ŵachiuta.” 26Viyo Nebukadanezara wangundere ku khomo la ng'anjo ya mlipu wa moto, wangudanirizga, “Shadreke, Mesheke, Abedenego, mwaŵateŵeti ŵaku Chiuta wapachanya ukongwa, tuwani ruŵi ndi muzi kuno!” Viyo Shadreke, Mesheke, ndi Abedenego ŵangutuwa mu moto. 27Ndipo mafumu, ŵeruzgi ŵa vyaru, zinduna, madoda gha karonga pakuungana pamoza ŵanguwona kuti moto wengavi nthazi pa maliŵavu gha ŵanthu yaŵa; sisi lamu mitu yawo lengavi kuŵawuka, vyakuvwara vyawo navyo kuti vingufya cha ndipo nanga ndi sungu la chiŵawulizga cha moto ŵengavi. 28Nebukadanezara wanguti, “Watumbikike Chiuta waku Shadreke, Mesheke, ndi Abedenego, yo watuma mungelo wake kutaska ŵateŵeti ŵake, wo ŵagomezga mwaku iyo, ŵangukana dangu laku ine nda karonga, ŵangupereka maliŵavu ghawo kwakuruska kuteŵete ndi kusopa chiuta munyake, kweni Chiuta wawo pe. 29Chifukwa ichi ndilangula kuti, ŵanthu wose, mitundu yose, pamwenga kakambidu, ŵakukamba kanthu kose kumikana ndi Chiuta waku Shadreke, Mesheke, Abedenego, ŵakadumulikanga chiŵaru ndi chiŵaru, ndi nyumba zawo zikasanduskikanga makunthu; chifukwa kulivi Chiuta munyake yo waziŵa kutaska viyo.” 30Sono karonga wangukuzga Shadreke, Mesheke, ndi Abedenego mu charu cha Babiloni.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bible Society of Malawi