2 Timote 3

Mazuŵa ghakumariya

1Kweni ziŵiska chenichi, kuti mu mazuŵa ghakumariya zikabukanga nyengo zizitu. 2Chifukwa paŵengepo ŵanthu ŵakujanja, ŵakwanja ndrama, ŵakujiŵikamu, ŵakujikuzga, ŵakutondowo, ŵakutafuliya ŵapapi ŵawo, wambura kuwonga, ŵambura ukhovu, ŵazira chanju chakawi, 3ŵambura matunizgika, ŵapharamulu, ŵambura kujitintha, ŵakari, ŵazira kwanja umampha, 4zimphachi, ŵakujivwiya, ŵakututumuka, ŵakwanja kadara kwakuruska kumwanja Chiuta; 5ŵakuŵa ndi chikozgu cha uwopa Chiuta kweni ŵakukana nthazi yake; kwaku ŵeniwo nawo gaukako. 6Chifukwa mbamwaku ŵeniwo wo ŵanyete mu zinyumba, ndi ŵakole mikoli ŵanthukazi ŵakupusa ŵakuzitiskika ndi vilakwa, ŵakugumizgika ndi maulakalaka ghamtundumtundu, 7ŵakusambira rutaruta, ndi ŵambura kuziŵa kosekose kufikapo pa uziŵiska wa uneneska, 8kweni uli ndimo Janese ndi Jambrese#3.8 Janese ndi Jambrese: yaŵa ŵenga ŵakuwukwa ŵamu Egipiti wo ŵangumikirana ndi Mosese. ŵangumikirana ndi mosese, viyo iwo nawo ŵamikana ndi uneneska wo, pakuŵa ŵanthu ŵakuwo mu chinjeru, ŵakupatika kuchiri ku chivwanu. 9Kweni kuti ŵakarutiriyanga cha; chifukwa uzereza wawo uwonekenge kwaku wose, uli ndimo unguwoneke wo waku ŵa.

Visambizgu vyakumariya

10Kweni iwe ungurondo chisambizgu changu, kendedu, khumbu, chivwanu, chilekerezga, chanju, unkhunthiya, 11mayuzgu, maukomwa; vyenivyo vinthu vingundiwiya mu Antioke, mu Ikonio, mu Lustra, mayuzgu ghenigho ndinguyirika: ndipo mwaku vyose wangundizuwuwa Mbuya. 12Nadidi, ndipo wose ŵakukhumba kujariya kwauwopa Chiuta mvyaku Kristu Yesu ŵayuzgikenge. 13Kweni ŵanthu ŵaheni ndi ŵafuzi ŵakarutiriyanga ku uheni, ŵakurandizga ndi ŵakurandizgika, 14kweni iwe jariya mwaku ghenigho wasambira ndi wasimikizgika nagho, pakumuziŵa mweniyo ungughasambirako 15ndikuti kutuwa ku ulitema waghaziŵiriya malembo ghakupaturika ghenigho nganthazi kukusanduska wazeru kutaskikiya mu chivwanu chamwaku Kristu Yesu. 16Lembo lose lakuuzirika ndi Chiuta ndakwanduliya so ku chisambizgu, ku chipanikizga, ku chinyoroska, ku chilangwa chamu urunji: 17alinga kuti munthu waku Chiuta waŵe wakufiskika, wakuphatiskikiya limu ku nchitu yose yamampha.

Currently Selected:

2 Timote 3: TongaMw

Highlight

Copy

Compare