CHIDZIWISO Mafala akutoma nawo
Mafala akutoma nawo
Chidziwiso kuna Yohani chidalembwa pandzidzi ukhabonereswa akhristu thangwi ya kukhulupira kwawo kuti Yesu Khristu ndi Mbuya. Nyakulembayi maka-maka akufuna kuchitisa anyakuwerengache kukhala na chidikhiro pontho kuwangiswa mtima. Iye akuapempha kuti athimize kukhala anthu akukhulupirika pandzidzi wa nyatwa na kusanyika.
Maka-maka bukhuyi ina pidziwiso pizinji pya mtundu na mtundu pontho masomphenya pyakulongwa pakuphatisa basa mafala akuphiphirisa, pile pikhali pyakuveka kuna akhristu a ndzidzi wenewo, mbwenye mbapikhala pyakubisika kuna anango onsene. Misolo ya bukhuyi yabwerezwa-bwerezwa m'njira zakusiyana-siyana kudzera kumasomphenya amtundu na mtundu. Podi kwene kuti pana kusiyana m'manyerezero kulonga pyakuthumbusula kwa pyonsene m'bukhuyi, kwache msolo wache ukulu ngwakuveka: kudzera muna Khristu Mbuya, Mulungu anakunda anyamalwache onsene mwakumalisikiratu, kuthimizapo Satana, mbafupa anthu ache akukhulupirika na mtsanzayiso wa kudzulu kwachinchino, pontho na dziko yapansi yachinchino kukunda kweneku kungamala.
Pya m'bwalomu
Mafala akutoma nawo 1.1-8
Masomphenya akufungula nawo, na makalata akulembera mipingo minomwe 1.9—3.22
Mpukutu wakukhala na pyakumyatira pinomwe 4.1—8.1
Ngoma zinomwe 8.2—11.19
Nthonga na pirombo piwiri 12.1—13.18
Masomphenya amtundu na mtundu 14.1—15.8
Ndilo zinomwe za kuzhangali kwa Mulungu 16.1-21
Kuvungika kwa Babiloni, pontho kukundwa kwa chirombo, mprofeti wakunama na Satana 17.1—20.10
Kutongwa mseru kwakumalisa 20.11-15
Kudzulu kwachinchino, dziko yapansi yachinchino, Yerusalemu wachinchino 21.1—22.5
Mafala akumalisa nawo 22.6-21
Currently Selected:
CHIDZIWISO Mafala akutoma nawo: SenaMw
Highlight
Copy
Compare
Share
Want to have your highlights saved across all your devices? Sign up or sign in
© Bible Society of Malawi