CHIDZIWISO 15

Pya angelo akudza na miliri yakumalisa

1Kubuluka penepo ndidaona chidziwiso chinango chikulu pontho chakudodomesa kuthambo. Ndidaona angelo anomwe ana miliri minomwe. Yeneyi ikhali yakumalisa thangwi kweneku kukhali kumalisa kwakuonesa ukali wa Mulungu.

2Tenepo ndidaona bara yakuoneka ninga gilazi yakuvungazika na moto. Ndidaona pontho ale adakunda chirombo na mfanikizo wache pontho na konta yakuimirira dzinache. Iwo akhaimira m'khundu mwa bara uku aphatira anyakatangale adaapasa Mulungu ale, 3mbaimba nyimbo ya Mose nyabasa wa Mulungu, pontho na nyimbo ya Mwanabira mbati,

“Mbuya Mulungu Wamphamvu zonsene,

mabasanu ngakulu, pontho ngakudodomesa!

Imwe mfumu wa madzinza,#15.3 madzinza: Pyakulembwa pinango pyakale pyalonga mifendu na mifendu.

njira zanu nsakulungama pontho zakuonadi!#Kub. 15.1.

4Mbuya, mbani anakhonda kukugopani,

mbakhonda kukuza ukulu wanu?

Wakuchena ndimwe ene basi.

Madzinza onsene anabwera mbapembedza pamaso panu,

thangwi pyakuchita pyanu pyakulungama pyaoneka na onsene!”#Yer. 10.7; Mas. 86.9.

5Kubuluka penepo ndidaona Nyumba ya Mulungu yafunguka kudzulu. M'bwalo mwache mukhali Chikhumbi cha umboni wa Mulungu.#Kub. 38.21. 6Angelo anomwe akukhala na miliri minomwe ale adabuluka m'Nyumba ya Mulungu. Iwo adavala nguwo zakuchena zayeti-yeti, pontho adamanga mabande a golidi pagangafuwa pawo. 7Tenepo chibodzi cha pyakulengwa pyamoyo pinayi pile chidapereka kuna angelo anomwe ale ndilo zinomwe za golidi zakudzala na ukali wa Mulungu, ule ngwakukhala na kukhala. 8Nyumba ya Mulungu idadzala na utsi wakubulukira kuna demelero na mphamvu za Mulungu. Nkhabe mbodzi adakwanisa kapita m'Nyumba ya Mulungu kufikirana miliri minomwe idadza na angelo anomwe ale idamala.#Kub. 40.34; 1Maf. 8.10, 11; 2Mbi. 5.13, 14; Yes. 6.4.

Currently Selected:

CHIDZIWISO 15: SenaMw

Highlight

Copy

Compare