KUBULUKA 37

Kusasanya Bokosi ya Chiverano

(Kub. 25.10-22)

1Bezalele adasasanya Bokosi ya Chiverano na matabwa akesha, ulaphiache khono ibodzi na dzanja, umimbache ukhali wakulapha kufika m'ntchafu, pontho chengo chache#37.1 ulaphiache…chengo chache: ulaphiache 1.1m, pontho umimbache na chengo chache 0.7m. chakulapha kufika m'ntchafu. 2Iye adaikukutiza na golidi chadi-chadi kuzungulira m'bwalo na kunja kwene mbaikha chigundiro chagolidi kuizungulira. 3Iye adasasanya mphete zinayi zagolidi zakuthukulira, mbazifeka kumiyendo yache minayi yakukhala na mphete ziwiri kukhundu zonsene ziwiri. 4Iye adasasanya miti yakuthukulira minayi yakesha mbaikukutiza na golidi, 5pontho adapitisa mphete kukhundu zonsene ziwiri za bokosi. 6Iye adasasanya mphampha yagolidi chadi-chadi, ulaphiache khono ibodzi na dzanja, pontho umimbache ukhali wakulapha kufika m'ntchafu.#37.6 ulaphiache…umimbache: ulaphiache 1.1m, pontho umimbache 0.7m. 7Iye adasasanya pyakulengwa piwiri pyakukhala na maphaphido pyagolidi wakuchita kufulwa na nyundo kukhundu ziwiri za mphampha, 8chibodzi kukhundu ibodzi, chinangombo kukhundu inango. Iye adapisasanya kuti pikhale phindi ibodzi ene na mphampha. 9Pyakulengwa pyakukhala na maphaphidopyo pidayang'anisana, pontho pidafuthula maphaphido awo kuphimbira mphamphayo.

Kusasanya thebulu yakuperekapo mikate kuna Mulungu

(Kub. 25.23-30)

10Iye adasasanya thebulu na matabwa akesha, ulaphiache khono ibodzi, umimbache kati ya khono, pontho chengo chache#37.10 ulaphiache…chengo chache: ulaphiache 0.9m, umimbache 0.5, pontho chengo chache 0.7m. chakulapha kufika m'ntchafu. 11Iye adaikukutiza na golidi chadi-chadi mbaikha chigundiro chagolidi m'nkhomo zache kuzungulira thebulu yonsene. 12Iye adasasanya chigundiro chakukhala na mapembo, akulapha ninga chala chapakati cha m'manja, kuzungulira thebuluyo na kuikha mthimba wagolidi kuzungulira chigundirocho. 13Iye adasasanya mphete zinayi zakuthukulira zagolidi mbaziikha kunkhomo zinayi kumiyendo. 14Mphete zakuphatisa miti yakuthukulira thebuluyo zidaikhwa chifupi na chigundiro cha mapembocho. 15Iye adasasanya miti yakuithukulira yakesha, mbaikukutiza na golidi. 16Iye adasasanya pyombo pya thebuluyo na golidi chadi-chadi: mapalato na piwaya pyakufukizira pyakununkhira, pontho pitomba na ndilo pyakuphatisira basa kupereka nsembe ya chakumwa.

Kusasanya chakuikhirapo nyale

(Kub. 25.31-40)

17Iye adasasanya chakuikhirapo nyale chagolidi chadi-chadi, thako na manungo ache pidachitwa kufulwa na nyundo; maluwache akuthemesera nawo, kuthimizapo mphukira na maluwa kusasanya phindi ibodzi ene na chakuikhirapo nyale. 18Nthambi zitanthatu zidaphutchukira khundu zache, nthambi zitatu kukhundu ibodzi, nthambi zinango zitatu kukhundu inangoyo. 19Nthambi zonsene zitanthatu zikhali na maluwa matatu akuthemesera akuoneka ninga maluwa a muti wamfula akukhala na mphukira na maluwa. 20Manungo a chakuikhirapo nyale akhali na maluwa akuthemesera manayi akuoneka ninga maluwa a muti wamfula akukhala na mphukira na maluwa. 21Pakhali mphukira ibodzi pansi pa nthambi ziwiri zonsene. 22Mphukirazo, nthambi zache, pontho chakuikhirapo nyale pikhali phindi ibodzi pyagolidi chadi-chadi wakuchitwa kufulwa. 23Iye adasasanya nyale zinomwe pachakuikhirapo nyale chibodzi, pontho na chakukwizira tsakalache na pyakuwolera dotha pyache pyagolidi chadi-chadi. 24Iye adaphatisa basa golidi chadi-chadi wakulemera makilogramu makumatatu na mashanu kusasanyira chakuikhirapo nyalecho na pinthu pyache pyonsene.

Kusasanya guwa yakufukizira pyakununkhira

(Kub. 30.1-5)

25Iye adasasanya guwa na matabwa akesha yakufukizirapo pyakununkhira. Nkhomo zache zonsene zikhali sasawa, ulaphiache ukhali kati ya khono, umimbache kati ya khono, pontho chengo chache#37.25 ulaphiache…chengo chache: ulaphiache na umimbache 0.5m, pontho chengo chache 0.9m. chikhali khono ibodzi. Nyanga zache nkhomo zinayi zathema kukhala phindi ibodzi na guwayo. 26Iye adakukutiza padzulu pache, makhundu ache onsene manayi, na nyanga zache zene na golidi chadi-chadi, pontho adaikha chigundiro chagolidi m'nkhomo zache zinayi kuzungulira. 27Iye adasasanya mphete zakuthukulira ziwiri zagolidi mbaziphatisa pansi pa chigundiro kumakhundu mawiri kuphatisa miti yakuthukulira guwayo. 28Iye adasasanya miti yakuthukulira yakesha mbaikukutiza na golidi.

Kusasanya mafuta akudzoza nawo

(Kub. 30.22-38)

29Iye adasasanya pontho mafuta akupambulika akudzoza nawo, pontho na pyakununkhira pyakufukiza pyakusasanywa na nyaluso pakuvungaza pyakununkhira.#Kub. 30.22-38.

Currently Selected:

KUBULUKA 37: SenaMw

Highlight

Copy

Compare