Zekaria 2
2
’Ba drole ndra ati’baru ’diyi omvezu
1 #
Eze 40:3; Zek 1:16 Te ma nga ma mile enga uru, ma lu, te mi ndre, ’ba alu ovupi baka afa o’bizuri be i ma driari! 2#Eceza 11:1Ma ’yo tinia, Mi mu ngoa ya? Eri nga ’yo ma tia, Yerusalemuni o’bizu, ndrezu kani walani pi oconi be ngopi yani. 3Te mi lu, malaika te e’yo ’yopi ma beri fu ra, malaika azini fu mu dri fuzu eri be, 4#Eze 36:10nga: ’yo tinia, Mi nzu ’yo karilau ’di ma tia kini, ’Ba nga ovu Yerusalemua ekile aku kali kokoruri ma aliarile, ’bani ovule alenia karakarau anyapa pierisi. 5#Zab 46:11; Isa 4:5; Eceza 21:23Mani ngale ovule abi i aciniriru eri ma ageia kuru, azini dizaniru eri ma aliarisi, Yehova ’yo ra.
6 #
Azi 28:64
’Ba ’diyi la! emi apa engazu angu andraleruasi, Yehova ’yo ra; mani emi erele ’bo angu ndu ndu ma alia kite oli su ’bua ’diyilerisi, Yehova ’yo ra. 7Mi Zioni la! mi pa mi, mi’i ovupi Babuloni ezopi pieri. 8#2 Tes 1:6Te Yehova asikari ongulumuruni ’yo ’dini: Eri pe ma ti suru nde emi ezapiri vu diza isuzu; a’disiku ’ba emi elopiri elo eri ma mile efi ra. 9Te mi lu, ma nga ma dri oya oya yi ma dria, te yi nga ovu afa opale ombaarile ’ba azi ngapi yi dri ’diyi dri; azini emi nga ni ani kini Yehova asikari ongulumuruni epe ma tini. 10#Lev 26:12; 2 Kor 6:16Mi ngo ongo, mi ovu ayikosi, mi Zioni zi la; te mi ne, ma emu, ma nga adri mi eselia, Yehova ’yo ra. 11#Isa 2:2, 3; Efu 12:49; Eze 33:33Suru kakau nga yi eci Yehova vu o’du nde ’dasi, yi nga ovu suru mani; ma nga adri mi eselia, te mi nga ni ani kini Yehova asikari ongulumuruni epe ma ti mi vuni. 12#Azi 32:9Yehovani nga Yudani ’du i ma yilaru angu alatararu ma alia, te eri nga kiri ’ Yerusalemuni pe ra. 13#Zab 46:10; Hab 2:20; Rum 3:19Emi ’ba rua be ’diyi dria, emi; adri ciri Yehova ma milia; erini engale uru angu ini alatararuri ma alia ’borisi.
Bible in Lugbara © United Bible Societies, 1966.