'Ba Rumia 'Diyi 9

E’yo Munguni Israeli pezuri

1Ma e’yo adari ’yo Kristo ma alia, ma lini inzo ku; nita mani e’yo ma asiari nizuri eri e’yo ma eti nze ma be tualu Orindi Alatararu alia, 2kini, ma ovu candi be tu asi otiza dekokoru be ma asia indi. 3#Efu 32:32Te ma eco te lezaru Kristo ma tri ma ma ngulupi, adripi mani e’yo ruanisi, amani ovuzu yi be suru aluri ’diyi ma e’yosi. 4#Efu 9:4; Efu 4:22; Azi 7:6; 14:1, 2Yi’i ’ba Israelini, Mungu ’ba ndra yi anzi iniru, fe ndra yi dri diza, pe ndra suru yini e’yo azizu yi tia, fe azita yi dri, ’ba yi azi Munguni ngazu, azini azi yi dri aziza indi; 5#Rum 1:25; Mat 1:1; Luk 3:23; Yoh 1:1te a’bipi ’diyi ’ba yini, azini Kristo enga yi eselia e’yo ruanisi, eri’i ovupi afa dria drilia, Mungu ovupi inzizaru ewule ewuleri. Amena.

6 # Rum 2:28; Kal 23:19 Te ovuni kini e’yo Munguni oja i toko ’dini ku. Te ’ba dria Israelini ’diyi ovuni Israelini ku, 7#E’do 21:12vini indi ka tro ndra enga ori Iburahimuni ma alia ti yi ovuni dria a’bianziru ku; te, ’Ba yi nga ori Isakani omve a’bianzi miniru’i. 8#Gal 4:23Efini ’dini, anzi tile e’yo ruanisi ’diyi yi ovuni anzi Munguni ku, te anzi tile e’yo azizanisi ’diyi, omve yi oriru’i. 9#E’do 18:10Te ’yoza aziza ndeniri eri ’di’i, O’du ’dorisi ma nga emu, te Sarani nga agupirova isu ra. 10#E’do 25:21Te ’dini a’dule ku, te Rebeka indi o’du erini ’a isuzu ama ati Isaka dririsi, 110’du erini osizu nga kuria, te anzi nde ’diyi de nga yi ’yeni onyiru kani onzi kuria, ’dini e’yo Munguni edele ndra okokele ’ba opezuri ma so pa ci ani, ayuna ’bani ’yelerisi ku te Munguni yi omvelenirisi, 12#E’do 25:23’yo ndra eri tia, Mva ambori nga azi nga wereri dri. 13#Mal 1:2-3Ekile erini ovule sizarurile, Ma le Yakoboni ra, te ma ngu Esauni onzi.

14 # Azi 32:4 Ka’dini ama nga ’yo ngoni ya? Onzi ovu Mungu vu ya? Aluni yo! 15#Efu 33:19Te eri ’yo ndra Musa ma tia, Ma nga asi ndriza ’ba ’ba mani lele asi ndriza ’bale vuniari vu, ma nga yiki ’ba ’ba mani lele yiki ’bale vuniari vu. 16#Efe 2:8’Dini e’yo ’diri ovuni ’bani lelenirisi ku, kani ’bani nzule ongusinirisi ku, te Munguni yiki ’balenirisi. 17#Efu 9:16Te e’yo siza ’yo Farau tia, Kiri e’yo ’dirisi a’dule ma ’ba mi uru, ’dini ma eco okpo mani ecezu mi alia, ru mani ojizu ani angu dri dria. 18#Efu 4:21; 7:3; 9:12; 14:4, 17’Dinile eri asi ndriza fe ’ba erini lele asi ndriza fele vuniari vu, te eri asi mbaza fe ’ba erini lele asi mbaza fele vuniari vu.

19’Dini mi nga ’yo ma tia, Eri ega ama dria a’disi ya? Te a’di oga Indra e’yo erini lelerini ya? 20#Isa 29:16; 45:9Nga ka, agu, mi a’di’i e’yo omvizu agatasi Mungu tia ya? Ecoafa ’bani edeleri ’yozaru ’ba eri edepiri ma tia, Mi ede ndra ma ’dini a’di e’yosi ya? 21#Yer 18:6’Ba imvu sipiri ovuni okpo be odri erini ma dria, odri alorisi econi erini imvu sizaru, aziniri azi inzitarusi, aziniri azi inzita kokorusi ku ya? 22#Yer 50:25Te e’yo ngoni ya? Mungu erini ’leria adra erini ecezu fezu ’bani okpo erini nizu, eri ovu asi e’yere be tu imvu ngapi adra isupi edele dri jaza isuzu ’diyi vu. 23#Efe 1:3-12; Rum 2:4; 8:29’Dini eri ma ece ani diza erini ma lonyi imvu ngapi yiki isupi erini ndra drio edele diza isuzu ’diyi vu. 24Imvu nde ’diyi jama ’ba erini omvele ’diyi, engazu kiri ’ba Yahudini eselia a’dule ku, te engazu ’ba suru azini ’diyi dria ma eselia indi. 25#Hos 2:23Ekile erini ’yole indi

Hosea ma aliarile,

Suru ndra ovupimani kuri ma nga yi omve suru mani, eri’i ndra mani lele kuri ma nga eri omve ’ba mani leleri.

26 # Hos 1:10 Eri nga eca ’dinile, pari ndra mani ’yozu, Emi ’ba mani yori, ma alia, ’da yi nga yi omve anzi Mungu idriruni.

27 # Isa 10:22-23; Rum 11:5 Isaya indi eri owu suru Israelinisi: Anzi Israelini yi ka ovu kakau ekile cinya ovupi miri ma tiarile ti, joloko a’dule yi nga yi pani; 28a’disiku Opini nga e’yo erini ’ye nyakua, e’yo nderi dezu kililiru mbele, 29#Isa 1:9Ekile Isayani ’yole ndra okorile indi,

Opi asikari ongulumuruni ka ndra ama dri joloko ku oriru ku, te’do ama oja ama ndra ekile Sodomule,

te’do ama oja ama Gomorale ’bo.

’Ba lazu kililiru lu a’itasi

30 # Rum 10:20 Ka’dini ama ’yo ngoni ya? Adaru suru dria onyi ma vuti bipi ku ’diyi yi isu onyi ra, onyi nderi eri onyi a’itaniri. 31#Rum 10:2, 3Te Israeli, yini azita onyini ma vuti biria, yi eca azita ndea ku. 32#Isa 8:14A’di e’yosi ya? A’disiku yi ndruni eri a’itasi ku, te yi ndru eri azisi. Te yi ’de va oni ’ba pa sipirisi, 33#Isa 28:16; Mat 21:42; 1 Pet 2:6ekile erini ovule sizarurile, Emi ne, ma ’ba Zionia oni ’ba pa sipiri, oni kumuru; te ’ba eri a’ipiri ngani ovu drinzasi ku.

Currently Selected:

'Ba Rumia 'Diyi 9: LB66

Highlight

Copy

Compare