E'yo O'beza 1
1
Orodri e’yo o’bezaniri
1 #
1 Opi 4:32
E’yo o’beza Sulemani Daudi mvi, opi Israelinirini ’diyi:
2’Ba ma ni ani ondua imbata be, ’ba ma ama ani geri e’yo vazaniri,
3 #
O’be 2:1
imbata a’izu geri ’bani azi ’yezu onduasi, e’yo onyirusi, e’yo lizasi, azini e’yo kililirusi;
4’ba ondua kokoru ’diyi ma ovu ani ondua be, nita pi fezu karilau dri, e’yo vaza be-
5’ba ondua beri ma eri, ma ere nita -erini ani, ’ba e’yo vaza beri ma ca kpere ovuzu egata be onyiru,
6eri ma va ani e’yo o’beza ma efi, e’yo ecetaruri be, eri ma va e’yo ’ba onduaru ’diyini, e’yo zizaru yini be.
7 #
Yob 28:28; Zab 111:10; O’be 9:10 Ruta ’bani Yehovani ruzuri ovu nita ma e’dozani; te ’ba ondua kokoru ’diyi yi ngu ondua pi imbata be onzi. Imbata onduaniri
8Mva mani, mi eri e’yo rili atini rili imbazuri, mi ga mi andri ma imbata si ku;
9imbata nde nga ovu oku ndrizaru mi driariru, azini nyoro mi ombeleariru.
10 #
E’do 39:7; Lip 16:16-21; Rum 16:18; Efe 5:11 Ma mvi la, ’ba azi onzi ’yepi ’diyi ka mi bile ewi ra, mi ma a’i ku.
11 #
O’be 12:6; Yer 5:26; Mik 7:2 Yi ka ’yo ra, Mi emu ama be, ama mu te ’ba ari adazu, ama mu ’ba e’yo kokoru ’diyi mbazu toko;
12 #
Zab 28:1
ama oki yi mile be ekile Pari ’ba drazanirini ’ba okilerile, ama oki yi pi ekile ’ba avu sale ’bilea ’diyile;
13ama nga afa dria onyiru isu ra, ama nga fe; amani ’diyi ga afa amani opale ’diyisi tre;
14mi eci ti ama be fo, jurua ama driani nga ovu alu-
15 #
O’be 4:14
ma mvi la, rili ma aci yi be geria ku, rili oga pa mini leti yini
16 #
Isa 59:7
yi ma pani nzule e’yo onzi vurisi, yi ’ye mbele mbele ari ’bani adazu.
17A’disiku ’ba ese ’ba ti aria ma miliasi;
18te ’ba ’diyi yi ari yi ma ngulupini te, yi te yi ma ngulupi ma idri mbazu.
19 #
2 Opi 5:20-27; Mik 2:1-3; 1 Tim 6:10 ’Ba dria alu alu li ’bapi afasi ’diyi ma geri ovu ’dinile; li nderi nga e’i ma idri fu ra.
20 #
O’be 8:1-3
Ondua otre okposi geria; eri enga o’duko erini uru gboko walaru ’diyi ma alia;
21eri otre pari ’bani yi okuzu turia; pari ’bani efizu kalitilearia indi, eri e’yo erini olu aku amboru ma alia, ’yozu:
22Emi ’ba nita kokoru ’diyi la, emi nga nitaako le avasi 0’du ngopi ya? ’Ba ’ba edepi ’diyi nga edematara le avasi o’du ngopi ya? ’Ba ondua kokoru ’diyi indi nga nita ngu onzi o’du ngopi ya?
23 #
Yoe 2:28; Yoh 7:37 Emi ma oja emi, mani egale emi driarisi; emi ndre, ma nga e’yo ma asiari ma eti nze emi dri teketeke; ma nga fe emi ma ni e’yo mani o’yole ’diyi.
24 #
Isa 66:4; Yer 7:13; Zek 7:11 A’disiku ma omve ndra emi ra ’bo, te emi ga si, ma eju ma dri, te ’ba asipini aluni yo,
25 #
Luk 7:30
te emi ’ba e’yo mani amaleri dria toko, emi leni ma ma ega emi dria aluni ku,
26e’yo ’disi ma mani nga emi ogu ogu o’du emini ovuzu ocoko berisi, ma nga emi ede ede uri ka nga emi bi raria,
27uri emini ka nga eca ekile akulukuni ecalerile, ocoko emini ekile olirikoni ecalerile, o’du imvoni ngazu ecazu emi ruaa asi otiza berisi.
28 #
Isa 1:15; Yer 14:12; Mik 3:4; Yak 4:3 O’du ’dasi yi nga ma omve, te ma ngani a’i ku; o’du ’dasi yi nga ma nda asi driasi, te yi ngani ma isu ku.
29 #
Yob 21:14; Zab 50:16, 17; Isa 27:11; Yoh 3:20; ’Yeta 7:51 A’disiku yi ngu ndra nita onzi, yi peni ndra Yehovani ruzu ku,
30yi leni e’yo mani amaleri aluni ku, yi ’ba egata mani egazu yi driari dria aparakaru;
31 #
Isa 3:11
e’yo ’disi yi nga geri yini acizuri ma efi nyani, yi nga ga e’yo yini otule ’diyisi tre.
32A’disiku asiza vile ’ba ondua kokoru ’diyiniri yi ofu ra, azini asimaruku ’ba azazaru ’diyiniri eri yi ma dri ja ra;
33te ’ba e’yo mani eripiri nga adri uri kokoru, eri nga adri e’yo ’yaasi, ngani e’yo onzi ru ku.
Bible in Lugbara © United Bible Societies, 1966.