Kalafe 6
6
Azita ’ba Nazirini ma e’yosiri
1 #
Lev 27:2; Lip 13:5; ’Yeta 21:23; Rum 1:1 Yehova nga ’yo Musa tia, kini, 2#Lev 10:9; Lip 13:4; Amo 2:12; Luk 1:15Mi olu anzi Israelini ma tia, mi ’yo yi tia, ’Ba agupiru kani okuru ka nga oyo pila, adani oyo ’ba Nazirirurini so ra, i esele cozu ndu Yehovaniru, 3#Luk 1:15eri ma co i esele ndu vino pi gazu afa mvuza okporuri be; eri ma mvu patiefi su drazaru edele vinosiri aluni ku, patiefi su drazaru edele afa mvuza okporurisi be ku, ma mvu vini zabibu efi su ku, ma nya zabibu efi ibiru kani ’wizaru ’diyi ku indio 4O’du erini i esele cozu ndu ’diyisi dria ma nya afa aluni zabibu patini ’yaleri ku, kani efini oriruri, kani o’bokoni amveri ti. 5#Lip 13:5; 1 Sam 1:11; Imv 4:7O’du oyo erini i esele cozu ndurini ’diyisi dria, idri ma elo drini ku; kpere o’du nde erini i esele cozu ndu Yehovaniru ’diyini yi dezu ’borisi dria, eri nga ovu alatararu; eri ma ku dri’bi i driarini duzu izuru.
6 #
Lev 19:28; 21:11; Yer 16:5, 6; Eze 24:16-18; Mat 8:21 O’du erini i esele cozu ndu Yehova vu ’diyisi dria ma esi ’ba avu vu ogogo ku. 7#Kal 9:6Eri ma eza i ovuzu alatara kokoru i atisi, kani i andrisi, kani i adrisi, kani i amvisi ku, yini odrazu rari ti, e’yo i esele cozu ndu Yehovanirurini ovule eri ma driarisi. 8O’du erini i esele cozu ndu ’diyisi dria eri alatararu Yehova vu. 9#’Yeta 18:18’Ba azini ka dra mbeleru eri ma ageia ogogo ’daa, erini ani i ma dri erini i esele cozu nduri ezazu alatara kokoru, ka’dini eri ma fa i dri o’du i ’bazu alatararurisi; eri ma fa i dri o’du aziririsi. 10#Lev 5:7; 14:22Te o’du arorisi eri ma eji a’balau angarakaru ’diyi iri, kani a’balau o’buru ma anzi iri kuhani dri hema ti ecizaniri ma tilea. 11Kuhanini nga di aluri ede edeta e’yo onzi edezuriru, aziniri edeta vezaruriru e’yo onzi erini edezu, erini ezale ’ba drapiri ma e’yosirisi, nga eri ma dri ’ba alatararu dika o’du nde ’darisi. 12Eri ma co i esele ndu Yehova vu o’du erini i esele cozu ’diyisi, eri ma eji vini kabiloago eli be aluri edetaru e’yo eri ndepiri edezu; te o’du oko ’dayi ngani la ku, e’yo erini i esele cozu ndurini i ezalerisi.
13 #
’Yeta 21:23-24
Azita ’ba Nazirini o’du erini i esele cozu ndu ’diyini yi dezu ’boriari ’di: ma eji eri hema ti ecizaniri ma tilea, 14#Lev 4:2; 3:6eri ma fe afa feza erini edetaru Yehova dri, kabiloago alu eli be alu nyibele kokoruri, edeta vezaruriru, kabilo aroniru alu eli be alu nyibele kokoruri, edeta e’yo onzi edezuriru, kabiloago alu nyibele kokoruri edeta asi anzuruniriru, 15#Lev 2:4; 8:2; 9:4; Yoh 6:50-53; Efu 29:2; Kal 15:5, 7; Isa 62:9; Yoe 1:9, 13; 1 Kor 10:31; 11:26ma eji vini mikate akufi kokoru acalaka ma aliari pi, mikate edele anyafura inikinirurisi olizaru osale odusi ’diyi pie, mikate akufi kokoru pekepekeru odu trile drinia ci ’diyi pie, edeta anyafurasi ’diyi pie, edeta yini afa mvuzasi ’diyi pie dria. 16Kuhani ma ofe yi edetaru Yehova ma drilia, ma ede edeta erini e’yo onzi edezuri pi edeta erini vezaruri be, 17eri ma ede kabiloago edeta asi anzuruniriru Yehova dri, mikate akufi kokoru acalaka ma aliari be; kuhani ma ede vini edeta erini anyafurasiri pi, edeta erini afa mvuzasiri be. 18#’Yeta 21:24; Luk 17:10; Rum 6:6; Gal 5:24; Efe 4:23; Kol 3:9’Ba Nazirini ma fa i ma dri erini i esele cozu nduri hema ti ecizaniri ma tilea, ma omvu dri’bi fale dri erini i esele cozu nduriari yizu aci edeta asi anzuruniri ma etiari ma alia. 19#Lev 8:31; Efu 29:23, 24Kuhani ma ’du kabiloago ma wu alu a’dile yisiri pi, mikate akufi kokoru olizaru alu acalaka ma aliari pie, mikate akufi kokoru alu pekepekeruri pie, ma ’ba yi ’ba Nazirini ma dri agelea, erini i dri erini i esele cozu nduri fazu ’borisi. 20#Lev 9:21; Ekl 9:7; Isa 35:10; Yoh 17:4, 5; Eceza 14:13Kuhani ma oya yi edeta oyale oyariru Yehova ma drilia; afa ’diri eri alatararu kuhani ma afaru, agati oyale oyari pi be tualu o’du ’dule ururi be; e’yo ’diyi ma vutia ’ba Nazirini eco patiefi su mvuzaru ra.
21’Di azita ’ba Nazirini oyo sopi ma e’yosiri, azini azita afa feza erini fele edetaru Yehova dri erini i esela cozu nduri ma e’yosiri’i; eri ma fe afa erini ecole isule ’diyi drinia; eri ma ’ye azita erini i esele cozu nduri vusi ekile oyo erini solerile.
Asi ndriza atalauni feleri
22Yehova nga ’yo Musa tia kini, 23#1 Sur 23:13Mi ’yo Aroni pi ma ria anzipi be, kini, Emi ma fe asi ndriza anzi Israelini dri ’dinile: emi ma ’yo yi ria kini,
24 #
Zab 134:3; 121:7; Yoh 17:11; 1 Pet 1:5 Yehova ma fe asi ndriza mi dri,
ma mba mi ta fo
25 #
Zab 67:1; 80:3; Dan 9:17; E’do 43:29; Yoh 1:17; Rum 5:21 Yehova ma fe i andretini dizu mi dria,
ma ’ye mi vu ’yeta anzutirisi:
26 #
Zab 21:6; ’Yeta 2:28; Zab 85:10; Isa 26:3, 12; Luk 2:14; Yoh 20:21; Rum 15:13; 2 Tes 3:16 Yehova ma enga i mile mi dria,
ma fe mi dri asi anzuru.
27 #
Azi 28:10; 2 Sur 7:14; Zab 115:12 ’Dini yi nga ru mani ’ba anzi Israelini ma dria, ma nga di asi anzuru fe yi dri ra.
Currently Selected:
Kalafe 6: LB66
Highlight
Copy
Compare
Share
Want to have your highlights saved across all your devices? Sign up or sign in
Bible in Lugbara © United Bible Societies, 1966.
