Kalafe 33
33
Acita Israelini
1Aci Israeli anzipini yini efuria angu Misiriariasi ongulumu yini vusi ongulumu yini vusi Musa pini yi dri ceria Aroni beria ’diyi yi ’di. 2Musa nga efuza yini si acita yini vusi, Yehovani eri azilerisi: i acita yini efuza yini vusi ’diyi yi ’di. 3#E’do 47:11; Efu 1:11; 12:37; 12:2; 13:4; Zab 105:38; Isa 52:12; Efu 14:8Yi ko dri acizu Ramesesiasi mba okori ma alia, mba okori ma o’du mudri drini towirisi; o’du agaza ’ba drilesiri ma vutiarisi anzi Israelini efu arumadrisi ’ba Misiria ’diyi ma milia dria, 4#Efu 12:12; 18:11; Isa 19:1; Zef 2:11; Eceza 12:8de ’ba Misiria ’diyini riria yi ma aliriaanzi otile oko Yehovani ofule yi ma eselia ’diyi dria osaria; Yehova ’ye vini e’yo liza adrou yini ’diyi ma ruaa indio 5#Efu 12:37Anzi Israelini nga dri ko acizu Ramesesiasi, nga hema aso Sukotia. 6#E’do 33:17; Efu 13:20; Yos 13:27; Zab 60:6Yi nga dri ko acizu Sukotiasi, nga hema aso Etamu ovupi roko ma tiaria. 7#Efu 13:17, 18; 14:2, 9Yi nga dri ko acizu Etamuasi, nga yi oja vile cazu kpere Pihahiroti ovupi Baali-zefoni ma driliaria; yi nga hema aso Migidoli ma drilia. 8#Efu 14:22; 15:22Yi nga dri ko acizu pari Hahiroti ma driliariasi, nga zo miri ma ale agaduarisi fizu rokoa; yi mu aci o’du na roko Etamuaria, nga hema aso Maraa. 9Yi nga dri ko acizu Maraasi, nga ca Elimua; Elimua yi a’di mudri drini iri indi, itu pati kali aziri ’diyi be; yi nga hema aso ’daa. 10Yi nga dri ko acizu Elimuasi, nga hema aso Miri Ekaruri ma tia. 11#Efu 16:1; 17:1Yi nga dri ko acizu Miri Ekaruriasi, nga hema aso roko Siniaria. 12Yi nga dri ko acizu roko Siniariasi, nga hema aso Dofikaa. 13Yi nga dri ko acizu Dofikaasi, nga hema aso Alusia. 14#Efu 17:1; 19:2Yi nga dri ko acizu Alusiasi, nga hema aso Refidimu, pari yi mvuzani ovuzu ’ba dri yoria. 15#Efu 16:1; 19:1, 2Yi nga dri ko acizu Refidimuasi, nga hema aso roko Sinaiaria.; 16#Kal 11:34; Azi 9:22Yi nga dri ko acizu roko Sinaiariasi, nga hema aso Kibiroti-hatavaa. 17Yi nga dri ko Kibiroti-hatavaasi, nga hema aso Hazerotia. 18#Kal 12:16; Azi 1:1Yi nga i dri ko acizu Hazerotiasi, nga hema aso Ritimaa. 19Yi nga dri ko acizu Ritimaasi, nga hema aso Rimoni-perezia. 20#Azi 1:1Yi nga dri ko acizu Rimoni-pereziasi, nga hema aso Libinaa. 21Yi nga dri ko acizu Libinaasi, nga hema aso Risaa. 22Yi nga dri ko acizu Risaasi, nga hema aso Kehelataa. 23Yi nga dri ko acizu Kehelataasi, nga hema aso oni Seferi ma dria. 24Yi nga dri ko acizu oni Seferiasi, nga hema aso Haradaa. 25Yi nga dri ko acizu Haradaasi, nga hema aso Makelotia. 26Yi nga dri ko acizu Makelotiasi, nga hema aso Tahatia. 27Yi nga dri ko acizu Tahatiasi, nga hema aso Teraa. 28Yi nga dri ko acizu Teraasi, nga hema aso Mitikaa. 29Yi nga dri ko acizu Mitikaasi, nga hema aso Hasimonaa. 30#Azi 10:6Yi nga dri ko acizu Hasimonaasi, nga hema aso Moserotia. 31Yi nga dri ko acizu Moserotiasi, nga hema aso Bene-yakania. 32#E’do 36:27; Azi 10:6; 1 Sur 1:42Yi nga dri ko acizu Bene-yakaniasi, nga hema aso Hori-hagidigadia, 33Yi nga dri ko acizu Hori-hagidigadiasi, nga hema so Yotibataa. 34Yi nga dri ko Yotibataasi, nga hema aso Abironaa. 35#Azi 2:8; 1 Opi 9:26; 22:48Yi nga dri ko acizu Abironaasi, nga hema aso Ezioni-geberia. 36#Kal 13:21; 20:1; Azi 32:51; Yos 15:1Yi nga dri ko acizu Ezioni-geberiasi, nga hema aso roko Ziniaria (pari nde Kadesi’i). 37#Kal 20:22, 23; 21:4; Eze 47:19Yi nga dri ko acizu Kadesiasi, nga hema aso oni Horia, angu Edomuni ma kalatia.
38 #
Kal 20:22-28; Azi 10:6; 32:50 Kuhani Aroni nga tu oni Hori ma dria azita Yehovani azilerisi, nga dra ’dale ewu anzi Israelinini efuzu angu Misiriasiri ma vutia eli kali suri ma mba towiri ma mbao’du alurisi. 39De Aroni ma eli ca turu alu drini kali iri drini na, o’du erini drazu oni Hori ma driarisi. 40#Kal 21:1; Lip 1:16Te ’ba Kananini, opi Aradia ovupi angu Kananini ma kala Uruleruriari nga e’yo Israeli anzipini emuzuri eri ra.
41Yi nga dri ko acizu oni Horiasi, nga hema aso Zalimonaa. 42Yi nga dri ko acizu Zalimonaasi, nga hema aso Punonia. 43Yi nga dri ko acizu Punoniasi, nga hema aso Obotia. 44Yi nga dri ko acizu Obotiasi, nga hema aso ye-abarimu Moabu ma kalatiaria. 45#Kal 32:34Yi nga dri ko acizu yimuasi, nga hema aso Diboni-gadia, 46#Yer 48:22; Eze 6:14Yi nga dri ko acizu Diboni-gadiasi, nga hema aso Alimoni-dibilataimua. 47#Kal 21:20; Azi 32:49Yi nga dri ko acizu Alimoni-dibilataimuasi, nga hema aso oni Abarimua ’diyi ma eselia Nebo ma drilia. 48#Kal 22:1Yi nga dri ko acizu oni Abarimua ’diyiasi, nga hema aso angu dala Moabunia, Yoridani ma tia, Yerikoa; 49yi nga hema aso Yoridani ma tia, engazu Beti-yesimotia kpere cazu Abelisitimua angu dala Moabuni ma alia.
Angu Kananini ma lokiri awazuri
50Yehova nga ’yo Musa ma tia angu dala Moabunia, Yoridani ma tia Yerikoa, kini, 51#Azi 7:1; 9:1; Yos 3:17Mi olu e’yo anzi Israelini ma tia, mi ’yo yi ma tia kini, Emi ka nga Yoridanini zo fizu angu Kananini ma alia, 52#Efu 23:24; 34:12-17; Azi 7:2-5, 25, 26; Yos 11; 12; 23:7; Lip 2:2emi ma odro ’ba angu nde ma e’ipiru ’diyi emi driliasi dria, emi ma eza oni yini wura opazu yi ma ruaa ’diyi dria, emi ma eza wura yini inzile inzi edele aya akapi acisirisi ’diyi dria, emi ma eza vini pari yini uruleru ’diyi dria ra indi; 53#Zab 24:1; Azi 10:14; Yob 41:11; Dan 4:35emi ma bi angu nde eminiru, emi ma ovu alenia, a’disiku ma fe angu nde emi dri ’bo, emini ani eri nyazu afa eminiru, 54#Kal 26:54-56Emi nga angu nya emi ma awurusoru odrisi ’bezasi, ori’ba emini vusi ori’ba emini vusi; suru ovupi ’ba be tre ’diyi dri emi ma fe angu walaru yi dri awurusoru, te suru ovupi ’ba be were ’diyi dri emi ma fe angu were yi dri awurusoru; odrisi ka ’de ’ba azinini angu fezu eri dri, angu nde nga ovu erini; emi nga angu nya emi a’bipi ma suruti vusi. 55#Yos 23:13; Zab 106:34; Efu 23:33; Eze 28:24Te emi ka nga ’ba angu e’ipiru ’diyi odro emi driliasi ku, ka’dini ’ba yi ma eselia emini kule acezu ’diyi nga ovu afa emi mile osopi ’diyile, azini oci emi eje osopi ’diyile, yi nga emi ecandi angu emini ovuzu aleniaria. 56Te eri nga eca ’dini, ma nga emi ’ye ra ekile mani egale te ’yezu yi vurile.
Currently Selected:
Kalafe 33: LB66
Highlight
Copy
Compare
Share
Want to have your highlights saved across all your devices? Sign up or sign in
Bible in Lugbara © United Bible Societies, 1966.
