Kalafe 3
3
Kalafe ’ba Levini ’diyini azi yini be
1A’bianzi Aroni pini Musa be, o’du Yehovani e’yo ’yozu Musa be oni Sinai ma driarisi ’diyi yi ’di. 2#Kal 26:60; Efu 6:23; 28:1; 1 Sur 6:3Aroni anzipi ma ru yi ’di: Nadabu mva okori pi, Abihu pi, Eleazari pi’i Itamari pie. 3#Efu 28:41; 40:13, 15; Lev 8:1’Diyi Aroni anzipi ma ru, yi kuhani ’bani odu osule yi, ma dria erini ’bale ndu alatararu azi kuhaniruri ngazu ’diyi. 4#Lev 10:1-2; Kal 26:61; Azi 4:24; 1 Sur 24:2; Isa 66:15; 2 Tes 1:8; Ebra 12:29Te Nadabu pi Abihu be odra Yehova ma drilia, o’du yini aci ndu Yehovani azile kuri ofezu edetaru Yehova ma drilia, angu roko dria Sinaiarisi; anzi yini yo. Eleazari pi Itamari be nga di azi kuhaniruri nga yi ati Aroni ma milia ani.
5Yehova nga di ’yo Musa ma tia, kini, 6#Efu 32:26; Kal 8:6; 18:2Mi eji suru Levini ogogo, ma ’ba yi kuhani Aroni ma drilia, yi ma nga azi eri dri ani beni. 7#Kal 1:50; 8:11-26Yi ma mba azi erini ma ta, yi ma mba azi ’ba ongulumuru ’diyi dri driari ma ta indi, hema ti ecizaniri ma i drilia, yini bere ma azi ngaria. 8Yi ma mba afazu hema ti eciza-niria ’diyi ma ta dria azi ngazu anzi Israelini dri, yini bere ma azi ngaria. 9#Kal 8:19; 18:6Mi ma fe ’ba Levini Aroni pi dri anzipi be; fe yi pi eri dri anzi Israelini ma e’yosi. 10#Kal 18:7; 1 Sur 6:49; ’Yeta 6:3, 4; Rum 12:7; Kal 1:51; 16:40; 1 Sam 6:19; 2 Sam 6:7Mi ma ope Aroni pi ndu anzipi be, yi ma mbai e’yo yini ovuzu kuhaniruri ma ta; ma fu ’ba toko esipi ogogori kai ra.
11Yehova nga di ’yo Musa ma, tia, kini, 12#Kal 8:16; 18:6Te ma’i, mi ndre, ma ope ’ba Levini anzi Israelini ma eselia, aliriaanzi otile oko opojo ma ti zipi anzi Israelini ma eselia ’diyi ma paria; ’ba Levini nga ovu mani, 13#Efu 13:2, 12, 15; 22:9; 34:20; Lev 27:26; Kal 8:16; Neh 10:36; Eze 44:30; Luk 2:23A’disiku aliriaanzi otile oko ’diyi dria mani; o’du mani aliriaanzi angu Misirinia ’diyi ofuzu driarisi, ma ope ndra aliriaanzi otile oko Israeli ma alia ’diyi dria ndu maniru, ’ba pi ma anzi anyapa be dria; yi nga ovu mani: ma Yehova’i. 14#Efu 19:1Yehova nga ’yo Musa tia roko dria Sinaia, kini, 15#Kal 26:62Mi ma la anzi Levini ma kalafe, yi ma a’bipi ma suruti vusi, ori’ba yini vusi; mi ma la ’ba agupiru ’diyi ma kalafe dria e’dozu odekua capi mba be alurisi muzu drile. 16Musa nga di yi ma kalafe la e’yo ’yoza Yehovani vusi, ekile erini azile eri ma tiarile. 17#E’do 46:11; Efu 6:16; 1 Sur 6:1, 16Levi anzipi ma ru yi ’di: Gerisoni pi, Kohati pi, Merari pie. 18#Efu 6:17Gerisoni anzipi ori’ba yini vusi, yi ma ru ’di: Libini pi, Simei be. 19Kohati anzipi ori’ba yini vusi: Amuramu pi, Izihari pi, Hebironi pi, Uzieli pie. 20Merari anzipi ori’ba yini vusi: Ma’i pi Musi be. ’Diyi ori’ba Levini yi ma a’bipi ma suruti vusi. 21’Ba Libini piyi ma ori’ba ’ba Simeini ’diyi be efu Gerisoni ma alia; Gerisoni ma ori’ba yi ’di. 22’Ba yi ma eselia yini yi ma kalafe lale, ’ba agupiru ’diyi dria ma kalafe vusi, e’dozu odekua capi mba be alurisi muzu drile ’diyi, ada ’ba yi ma eselia yini yi ma kalafe lale ’diyi, yi alifu aziri drini turu towi. 23#Kal 1:53Gerisoni ma ori’ba nga yi ma hema aso bere ma ngu kua etuni ’derialeru. 24Opi ’ba Gerisonini ma a’bipi ma suruti driliari nga ovu Eliasafu Laeli mvi. 25#Kal 4:24-26; 1 Sur 9:14-33; Ezr 8:28-30; Efu 25:9; 26:1-36Gerisoni anzipi ma azi hema ti ecizaniri ma alia nga ovu bere pi ma agei tezu, Hema pie, enyi eri a’buzuri pie, bongo ’ile hema ti ecizaniri ma tiliari pie, 26#Efu 27:9, 16; 35:18bongo o’ile irii ma ageia ’diyi pie, bongo ’ile irii ovupi bere ma ageia azini pari edeta edezuri ma ageia kururi ma tiliari pie, bakani eri vile azi ngazu ’diyi pie dria.
27 #
1 Sur 26:23
Ori’ba Amuramuni piyi efu Kohati ma alia, ori’ba Iziharini pie, ori’ba Hebironini pie, ori’ba Uzielini pie; ’diyi ori’ba Kohatini. 28’Ba agupiru dria e’dozu odekua capi mba be alurisi muzu drile ’diyi ma kalafe vusi, yi alifu aro drini turu azia, azi pari alatararuari ma ta mbazu. 29#Kal 1:53Kohati anzipi ma ori’ba nga hema yini aso bere ma kala uruleruria. 30Opi ori’ba Kohatini ma eselia i a’bipi ma suruti driliari nga ovu Elizafani Uzieli mvi’i. 31#Kal 4:15; Efu 25:10-31; 27:1; 30:1Azi yini nga ovu sanduku pi ma agei tezu, mesa pie, tala pati pie, pari edeta edezu ’diyi pie, afazu yini azi ngazu pari alatararuria ’diyi pie, bongo o’ile ’diyi pie, azi erini be dria. 32#Kal 20:25-28; 2 Opi 25:18; 1 Sur 9:20Eleazari kuhani Aroni mvi nga ovu opiru opianzi Levini ’diyi ma drilia, eri nga ’ba pari alatararuri ma azi ngapi ’diyi ma azi ndreni.
33 #
Kal 1:47; 26:57-62 Ori’ba Malini piyi efu Merari ma alia ori’ba Musini be; ’diyi ori’ba Merarini. 34#Efu 39:42; Kal 24:2, 9; Zab 119:6; Isa 45:12; Luk 1:6; 1 Kor 14:40’Ba yi ma eselia yini yi ma kalafe lale ’ba dria agupiru ’diyi ma kalafe vusi, e’dozu odekua capi mba be alurisi muzu drile ’diyi, yi alifu azia drini turu iri. 35Opi ori’ba Merarini ma eselia i a’bipi ma suruti ma driliari eri Zurieli Abihaili mvi’i; yi nga yi ma hema aso bere ma kala andraleruria. 36#Kal 1:53Azi pele Merari anzipi driri nga ovu bau bereni ’diyi pi ma agei tezu, bau rwe rwe ’diyi pie, pati erini edrele uru ’diyi pie, ’bileni pie, afazuni pie dria, aziniri be dria; 37azini vini pati agoferu irii ageiniarini ’diyi pie, ’bileni pie, aloni pie, bakani pie. 38#Kal 1:53; 2:3; 18:5; 1 Sur 6:48, 49’Ba hema asopi bere ma drilia etuni efurialeru hema ti ecizaniri ma drilia woko etuni efuzurialeruria ’diyi nga ovu Musa pi Aroni pie anzipi be, pari alatararuri ma azi ngazu, anzi Israelini ma azi ngazu indi; ma fu ’ba toko esipi ogogori kai ra. 39#Kal 4:47, 48; 26:62’Ba Levini dria yini yi ma kalafe lale, Musa pini lale Aroni be azita Yehovanisi, ori’ba yini vusi, ’ba agupiru dria e’dozu odekua capi mba be alurisi muzu drile ’diyi, yi alifu kali iri drini iri.
Anzi otile oko ’diyi onzezu
40Yehova nga ’yo Musa tia, Mi ma la aliriaanzi agupiru anzi Israelini ma eselia, e’dozu odekua capi mba be alurisi muzu drile ’diyi ma kalafe, mi la vini yi ru yini vusi. 41#Kal 3:12, 45Te mi ma ope ’ba Levini maniru (ma Yehova’i) aliriaanzi dria anzi Israelini ma eselia ’diyi ma paria; azini mi ma ope ’ba Levini ma anyapa, anyapa dria otile oko anzi Israelini ma anyapa ma eselia ’diyi ma paria. 42Musa nga di aliriaanzi dria anzi Israelini ma eselia ’diyi ma kalafe la ekile Yehovani azile eri tiarile ra. 43Aliriaanzi agupiru dria ru yini ma kalafe vusi e’dozu odekua capi mba be alurisi muzu drile, yini yi ma kalafe lale ’diyi, yi alifu kali iri drini turu iri drini kali aziri drini na. 44Yehova nga ’yo Musa tia kini, 45#Kal 3:12, 41; 1 Sam 1:28Mi ma ope ’ba Levini aliriaanzi dria anzi Israelini ma eselia ’diyi ma paria, mi ope vini anyapa yini ’ba ’diyi ma anyapa paria; te ’ba Levini nga ovu mani ma Yehova’i, 46#Efu 13:13; Kal 18:15; 3:39, 43Te aliriaanzi anzi Israelini ma eselia turu iri drini kali aziri drini na acepi, kalafe ’ba Levini ’diyini agapi drile tu ’diyi ma onzezasi, 47#Lev 27:6; Kal 18:16; Efu 30:13; Lev 27:25; Eze 45:12mi ma a’i sekeli towi towi yi ma dri vusi, mi ma a’i sekeli nde sekeli pari alatararu vileri vusi, (te gera kali iri ’diyi sekeli alu). 48Te mi ma fe sekeli nde ’ba acepi ’diyi onzezu ’diyi Aroni pi dri anzipi be. 49#1 Tim 2:6; Tit 2:14; Ebra 9:12; 1 Pet 1:18; Gal 4:4, 5Musa nga di sekeli ’ba onzezu ’diyi a’i ’ba lile kule amve ’ba Levinini onze1e ku ’diyi dri. 50#Kal 3:46, 47; 1 Sam 12:3, 4; ’Yeta 20:33Eri a’i sekeli nde ’diyi aliriaanzi anzi Israelini ma eselia ’diyi dri, sekeli alifu alu drini turu na, drini kali azia drini towi sekeli pari alatararu vileri vusi; 51Musa nga di sekeli ’ba onzezu ’diyi fe Aroni pi dri anzipi be ekile e’yo ’yoza Yehovanirile, ekile Yehovani azile Musa ma tiarile.
Currently Selected:
Kalafe 3: LB66
Highlight
Copy
Compare
Share
Want to have your highlights saved across all your devices? Sign up or sign in
Bible in Lugbara © United Bible Societies, 1966.
