Kalafe 28
28
Edeta edele etu vusi ’diyi
1Yehova nga e’yo ’yo Musa tia kini, 2#Lev 3:11; 21:6, 8; Mal 1:7, 12Mi azi e’yo anzi Israelini ma tia, mi ’yo yi tia, Emi ma ’ba emi asi afa feza mani, nyaka mani, edele edetaru acisi ovuzu ma dri afa aji be atikatiruriru ’diyi fezu ma dri ewu yini vusi ewu yini vusi. 3#Efu 29:38Mi ma ’yo yi tia, Edeta edele acisi emini ngale fele Yehova driri ’di: Kabiloanzi agoru capi eli be alu alu nyibile kokoru ’diyi, iri iri etu vusi etu vusi, ovuzu edeta veza i depi kuriru. 4#Efu 12:6Mi ma fe kabilomva aluri edetaru o’bitisi, aziniri mi ma fe edetatu ondresi; 5#Efu 16:36; 29:38-42; Lev 2:1; Kal 15:4azini anyafura inikiniru abaka aliari ma esele mudri ’diyi ma azi alu, osale odu odile odi otekua ma aliari ma esele awale su ’diyi ma azi aluri beri, edeta edele anyafurasiriru. 6Eri edeta veza i depi ku, azile oni Sinaiaria, ovuzu afa aji be atikatiru edeta edele acisi Yehova dririruri. 7#Efu 29:42; 30:9; Lev 23:13; Kal 15:5-10; Isa 57:1Edeta erini afa mvuzasiri ma ovu otekua ma aliari ma esele awale su ’diyi ma azi alu kabilomva alurisi; mi ma osu edeta mvuzaru afa mvuza okarusi Yehova dri pari alatararuri ma alia. 8Mi ma fe kabilomva aziniri edetaru ondresi; mi ma ede eri ekile mini edeta edele anyafurasi fele o’bitisirile, azini ekile edeta erini afa mvuzasirile, edeta edele acisi, afa aji be arikariru Yehova dririru. Edeta edele sabato vusi azini mba vusi’diyi 9Sabatosi mi ma fe kabiloago capi eli be alu alu nyibile kokoru ’diyi iri edetaru, anyafura abaka ma alia inikiniruri ma esele mudri ’diyi ma azi iri osale odusiri pie, edeta erini afa mvuzasiri be: 10#Eze 46:4di edeta veza sabato vusiri’i, ovupi fezaru edeta veza i depi kuri pi be, tualu edeta erini afa mvuzasiri be. 11#Kal 10:10; 1 Sam 20:5; 1 Sur 23:31; 2 Sur 2:4; Ezr 3:5; Neh 10:33; Isa 1:13, 14; Eze 45:17; Hos 2:11; Kol 2:16Mba o’diru emini ’diyi vusi emi ma ede edeta vezaru Yehova dri: monio aluduru iri, kabiloago alu, kabiloanzi agoru capi eli be alu alu nyibile kokoru ’diyi aziri; 12#Kal 15:4; 29:10; Eze 46:5, 7ma fe vini anyafura inikiniru abaka aliari ma esele mudri ’diyi ma azi na osale odusiri edeta anyafurasiriru, monio aluduru alu alu vusi; azini anyafura inikiniruri ma esele mudri ’diyi ma azi iri osale odusiri edeta anyafurasiriru, kabiloago alu nderisi; 13azini anyafura inikiniru ma esele mudri ’diyi ma azi alu osale odusiri edeta anyafurasiriru, kabilomva alu alu vusi; edeta veza aji be arikariru ovupi edeta edele acisi Yehova dririru. 14Edeta yini afa mvuzasiri ma ovu patiefi ma su otekua ma aliari ma ali monio aluduru alurisi, patiefi ma su otekua ma aliari ma esele awale na ma azi alu kabiloago alurisi, azini patiefi ma su otekua ma aliari ma esele su ’diyi ma azi alu kabilomva alurisi: ’di edeta vezaru mba vusi mba vusi, mba dria eli alu ma alia ’diyi vusiri’i. 15Yi ma fe vini ndriago alu edeta e’yo onzi edezuriru Yehova dri; ma fe eri edetaru edeta veza i depi kuri pi be tuala edeta erini afa mvuzasiri be. Edeta fele omu o’duni pele pe ’diyisi ’diyi 16#Efu 12:1-13; Azi 16:1-2; Lev 23:5; Eze 45:21; Mat 26:2, 17; Luk 22:7Mba okori ma mba o’du mudri drini surisi, eri agaza ’ba drilesi Yehovaniri’i. 17#Efu 12:14-20; 23:15; 34:18; Azi 16:3-8; Lev 23:6Omu ma ovu mba nde ma o’du mudri drini towirisi indi; yi ma nya mikate akufi kokoru o’du aziri. 18#Lev 23:7O’du okorisi okuza alatararuri ma ovu indi: emi ma ’ye azi okporuri aluni ku, 19#Lev 22:20; Kal 29:8; Azi 15:21te emi ma fe edeta edele acisi, edeta vezaruri Yehova dri: monio aluduru ’diyi iri, ndriago alu, kabiloanzi agoru aziri capi eli be alu alu ’diyi; yi ma ovu emi dri nyibileko kokoru; 20emi ma fe vini edeta edele anyafurasi yini ’diyi indi, anyafura inikiniru osale odusiri’i; emi ma fe abaka ma esele mudri ’diyi ma azi na monio aluduru alu alu vusi, esele mudri ma azi iri kabiloago alurisi; 21emi ma fe vini esele mudri ’diyi ma azi alu, kabiloanzi aziri ’diyi ma alu alu vusi; 22#Lev 16:18; Rum 8:3; Gal 4:4; Ebra 9:12; 10:1emi ma fe vini ndriago alu edeta e’yo onzi edezuriru, e’yo onzi emini edezu. 23Emi ma fe afa ’diyi edetaru, edeta vezaru edele o’bitisi ovupi edeta veza i depi kuriruri be tualu. 24#2 Kor 2:15; Efe 5:2Emi ma fe afa ’diyi edetaru etuzu o’du aziri dria ’dinile, edeta edele acisi ’diyi ma nyaka ovupi aji be arikariruri Yehova dri; emi ma fe eri edetaru edeta erini vezaru i depi kuri pi be tualu edeta erini afa mvuzasiri be. 25#Efu 12:16; 13:6; Lev 23:8O’du aziririsi emi ma ’ba okuza alatararuri; emi ma nga azi okporuri aluni ku. 26#Efu 23:16; 34:22; Azi 16:9-12; Lev 23:10, 15; O’be 3:9; ’Yeta 2:1Emi ma ’ba okuza alatararu indi o’du anyadri kapi okori fezurisi, o’du nde emini edeta edele anya o’dirusiri fezu Yehova dri, omu emini sabatoniri ma aliarisi; emi ma nga azi okporuri aluni ku, 27#Lev 23:18, 19te emi ma fe edeta vezaru afa aji be arikariruriru Yehova dri: monio aluduru ’diyi iri, kabiloago alu, kabiloanzi agoru capi eli be alu alu ’diyi aziri; 28edeta yini anyafurasi ’diyi be, anyafura inikiniru osale odusi, abaka ma aliari ma esele mudri ’diyi ma azi na, monio aluduru alu alu vusi, esele mudri ma azi iri kabiloago alurisi, 29esele mudri ma azi alu kabiloanzi aziri ’diyi ma alu alu vusi; 30emi ma fe vini ndriago alu e’yo onzi emini edezu. 31Edeta veza i depi kuri pi be tualu edeta erini anyafurasiri be, emi ma fe afa nde ’diyi edetaru edeta yini afa mvuzasi ’diyi be; te yi ma ovu emi dri nyibile kokoru.
Currently Selected:
Kalafe 28: LB66
Highlight
Copy
Compare
Share
Want to have your highlights saved across all your devices? Sign up or sign in
Bible in Lugbara © United Bible Societies, 1966.
