Kalafe 25

Israelini Baali-peorini inzizuri

1 # Kal 33:49; Mik 6:5; Kal 31:16; Eceza 2:14 Te Israelini ovuria Sitimua, ’ba yi e’do ali o’bazu Moabu ezopi be. 2#Yos 22:17; Hos 9:10; Efu 34:15; 20:5A’disiku yi omve ’ba ma emu edeta yinia, yini edele adrou yini dri ’diyi; ’ba yi nga ani nyaka nya, nga avu va adrou yini inzizu. 3#Zab 106:29Israeli nga ani yi eci Baali-peori be; adra Yehovani nga di ani Israeli ma ruaa. 4#Yos 22:17; Azi 13:17Yehova nga ’yo Musa ma tia, Mi o’du ’ba opiru ’ba drilia ’diyi dria, mi o’i yi uru Yehova dri etu milia, adra okporu Yehovani ma oja i ani Israeli vurisi ra. 5#Efu 32:27; 1 Opi 18:40Musa nga ’yo ’ba e’yo lipi Israelini ’diyi ma tia, Emi alu alu ma ofu ’ba emini yi ecipi Baali-peori be ’diyi.

6 # Yoe 2:17 Te mi ndre, ’ba azini alu anzi Israelini ma eseliari nga emu oku Midiani ezoruri ejizu i adripiyi vu, Musa ma milia azini anzi Israelini ongulumuru ’diyi ma milia dria, yini de awu wuria mindresi hema ti ’ecizaniri ma tilia. 7#Efu 6:25Te kuhani Aroni mvi Eleazari ma mvi Finehasi ka e’yo ’diri ndre ra, eri enga ’ba ongulumuru ma eseliasi, aju ’duzu i ma dria, 8nga agu Israelini ’dari ma vuti bi fizu kpere jo aliza ma alia, nga yi so iri tro agupi Israeliruri pi oku nderi be ajusi, gazu kpere oku ma alia lekeke. ’Dini azo muaru nga lani i de anzi Israelini ma eseliasi ra. 9#1 Kor 10:8Te ’ba odrapi muasi ’diyi ma kalafe ca alifu kali iri drini suo 10Yehova nga ’yo Musa ma tia kini, 11#Zab 106:30; Efu 20:5; Zab 78:53; Nah 1:2; Zef 1:13Kuhani Aroni mvi Eleazari ma mvi Finehasi oja adra mani anzi Israelini ma ruaarisi ra, erini ovule a’yaru a’ya manisi yi ma eseliarisi, mani ani anzi Israelini ma dri jazu a’ya manisi ku beni. 12#Mal 3:1E’yo ’dirisi mi ma ’yo kini, Mi ndre, ma aziza ani asi anzuruniri fe eri dri ra; 13#1 Sur 6:4; Efu 40:15; ’Yeta 22:3aziza nderi nga ovu eri dri ori eri ma vutia ’diyi be, aziza yini ngazu ovuzu kuhaniru ’dani ’daniri’i, erini ovule a’yaru Mungu ini ma e’yosi, erini vini anzi Israelini ma e’yo onzi edelerisi.

14Agu Israelini ovupi fuzaru, fule oku Midiani ezoruri beri ma ru Zimiri, Salu mvi’i, eri opiru ori’ba i ma a’bipini ma drilia ’ba Simeonini i ma eselia. 15Oku Midiani ezoru erini fuleri ma ru Kozibi Zuri zi’i; Zuri nde ovu opiru a’bipi azini ma ori’ba ma drilia Midiani ma eselia. 16Yehova nga ’yo Musa ma tia kini, 17Emi ma ecandi ’ba Midianini, emi ma ofu yi ra; 18a’disiku yini emi ecandile lokiri yinisi, yini ani emi icizu lokirisi e’yo Peorinisirisi, azini yi amvipi Kozibi opi Midiani ma driliari ma zi fule mua e’yo Peorinisiri ngarerisiri ma e’yosi.

Currently Selected:

Kalafe 25: LB66

Highlight

Copy

Compare