Kalafe 22
22
Balakini Balamuni omuezuri
1 #
Kal 33:48; E’do 35:5; Efu 23:27; Azi 2:25; Yos 2:9; Yer 32:21 Anzi Israelini nga dri ko acizu, nga hema aso angu senderu Moabua Yoridani ma tia ’aa ’dasi Yerikoaria. 2#Lip 11:25Te Balaki Ziporimvi ndre e’yo dria Israelini ’yele ’ba Amorini vuri ra. 3#Efu 15:15Moabu ’ye ani ’ba ndesi urisi tu, yini ovule kakaurisi; Moabu ma asi oti tu anzi Israelini ma e’yosi. 4#Kal 31:8; Yos 13:21Moabu nga di ’yo ’ba ’wara Midianini ’diyi ma tia, kini, ’Ba ongulumuru ’diyi nga curu’do afa dria ovupi ama ageia ’diyi onya, tini iribi nyamukoari nyalerile ada ada. Isu de Balaki Zipori mvi ovu opiru Moabu ma drilia ewu ’dasi. 5#Kal 31:8; 2 Pet 2:15-16; Yud 11; Azi 23:4; Yos 13:22; Neh 13:1, 2; Mik 6:5Eri nga di ojio ma ti pe Balamu Beori mvi vu, Petori ovupi yi raza ma tiaria, kpere ’ba erini ’diyi ma anzi ma angua, eri omvezu kini, Mi ndre, suru azini efu Misiriasi, te mi ndre, yi a’bu angu wudrikuru ma mile ci, yi ri otizaru ma be, ma drilialeru. 6#E’do 12:3; 27:29; Kal 23:7; Azi 23:4; Yos 24:9; 1 Sam 17:43; Neh 13:2E’yo ’disi mi ma emu, ma zi mi tia, ’ba ’diyi otrizu ma dri, yini ma ndele okposi rarisi; kani ma nga yi aga ra yani, ama ma ofu yi ani yi odrozu ma vile anguasi ra beni; a’disiku ma ni ra, ’ba mini asi ndriza fezu driniari eri adri ovu asi ndriza be, te ’ba mini trileri eri adri ovu trizaru.
7 #
Efu 23:8; 1 Sam 9:7, 8; O’be 17:23; Isa 56:11; Mik 3:11 ’Ba ’wara Moabuni ’diyi pi ’ba ’wara Midianini ’diyi be mu ra, de andeso andri ndrizuri yi ma dria ci; yi nga ca Balamu vu, nga e’yo Balakini ’yoleri olu eri tia ra. 8Eri nga ’yo yi tia, Emi ma la ’dia ini ’dosi, ma nga e’yo omvi emi tia, ekile Yehovani ngale ’yole ma tiarile ndo; ’ba opiru Moabu ma drilia ’diyi nga di te Balamu be ani. 9#E’do 20:3; 31:24Mungu nga eca Balamu vu, nga ’yo ra, ’Ba ovupi mi vile joa ’diyi yi a’dipi ya? 10Balamu nga ’yo Mungu tia, Balaki Zipori mvi opi Moabu ma driliari pe ’ba ma ti ma vu, kini, 11Mi ndre, suru efupi Misiriari a’bu angu wudrikuru ma mile ci; te di mi emu, mi otri yi ma dri, kani ma ngaecoa’di ’dizu yi be yi odrozu yani. 12#E’do 12:2; 22:17; 28:13, 14; Kal 23:20; Azi 23:5; 33:29; Zab 144:15; Rum 11:29Te Mungu ’yo Balamu ma tia, Mi ma mu yi be ku, mi ma otri ’ba ’diyi ku, a’disiku yi isu asi ndriza ’bo. 13O’bitisi Balamu nga enga, nga ’yo ’ba opiru Moabu ma drilia ’diyi ma tia, Emi ma mvi emi vile angua. Yehova ga si, a’ini mani muzu emi be ku. 14’Ba opiru Moabu ma drilia ’diyi nga enga ra, nga mu Balaki vu, nga ’yo kini, Balamu ga emuko ama be si. 15Balaki nga di ’ba opiru ma ti pe dika, ’ba oko ’diyi agapi o’bisi azini inzitasi ra ’diyi. 16Yi nga ca Balamu vu, nga ’yo eri tia, Balaki Zipori mvi kini, Ma zi mi tia, e’yo azini aluni ma oga mi emuko ma vu si ku fo! 17#Azi 16:19; Zab 49:17; Mat 4:8, 9; 16:26Te ma nga mi idri drile inzita isuzu amboru tu, azini ma nga e’yo dria mini ’yole ma tiari ’ye; ka’dini mi emu di, m zi mi tia, mi otri ’ba ’diyi ma dri fo! 18#1 Opi 22:14; 2 Sur 18:13Te Balamu nga e’yo omvi, nga ’yo ati’ba Balakini ma tia, kini, Balaki ka te tro i ma jo gapi dahabu pisi mele be treri fe ma dri’i ti, ma econi agazaru Yehova Mungu maniri ma e’yo drisi ku, e’yo nde omvizu were, kani erezu ku. 19E’yo ’disi ma zi emi tia, emi indi ma la ’dia ini ’dosi, ma ma ni vini e’yo azini Yehovani ngale ’yole ma beri beni. 20#Kal 23:12, 26; 24:13; Zab 33:10, 11; Isa 37:29; 46:10Mungu nga eca Balamu vu inisi, nga ’yo eri tia, ’Ba nde ka emu mi omveni, mi enga muzu yi be, te ti, mi ma ’ye kiri e’yo mani ’yole mi tiari’i.
E’yo malaika pini akanya Balamuni beri
21 #
O’be 15:27; 1 Tim 6:9, 10; 2 Pet 2:15; Yud 1:11 Te Balamu nga enga o’bitisi,i nga enyi ’bani rizu driniari ’ba akanya ini ma dria, nga mu ’ba opiru Moabu ma drilia ’diyi be. 22#Efu 4:24; 23:20Te Mungu ovu ani adrasi erini mulerisi;malaika Yehovani nga pa so eri dri geria ci, eri ma dri aruzu. Isu de eri tu akanya dria, azini ati’ba erini iri ’diyi aci eri be. 23#2 Opi 6:17Akanya nga ani malaika Yehovani ndre erini pa soria geria, sei erini enzele okporoasiri be dria; akanya nga ani i oja kalaa geri kuzu fizu amvua; Balamu nga di akanya co, tini ojazu vile fizu geria dika, 24Vutinia malaika Yehovani nga pa so geri izinaru amvu zabibuni pi ma eseliaria, de kali indi kala azia ci, kala azia ci. 25#Isa 47:12; 1 Kor 3:19Te akanya ka malaika Yehovani ndre ra, eri nga di i ji ekpa abi kaliru ma ruaa, nga fe Balamu ma pani i truzu abi kaliru ma ruaa; eri nga ani eri co dika. 26#Isa 26:11; Hos 2:6Malaika Yehovani nga mu drile, nga pa so geri iziaru pari aguni ecozu i ojazu dri ndirialeru kani dri ejirialeru kuria. 27#O’be 14:16; 27:3, 4; Yak 1:19Akanya nga malaika Yehovani ndre ra, nga i la Balamu be pi va; aoko nga di Balamauni nya ani, eri nga di akanya co i ma lotesi. 28#Mat 19:26; 1 Kor 1:19; 2 Pet 2:16Yehova nga fe akanyani e’yo ’yozu, eri nga ’yo ani Balamu ma tia, Ma ’ye mini a’dini ka, mini ani ma cozu pale na ’doniri ya? 29#O’be 12:10; Ekl 9:3; Yer 17:9; Mat 15:19Balamu nga di ’yo akanya tia, Mini ma edele ederisi, sei ka te ovu ma dria ci, te’do ma fu mi ’bo. 30#1 Kor 1:27Akanya nga ’yo Balamu ma tia, Ma ovuni akanya mini, mini otuzu drinia ewu mini ovuzu idriruri ma alia cazu kpere andruri’i ku ya? Ma ndra adri mi ’ye, ’dinile drio ra ya? Eri nga e’yo omvi, Mi adrini ndra ’ye ’dini ku. 31#E’do 21:19; 2 Opi 6:17; 1 Sur 21:16; Luk 24:16; Yob 8:20; O’be 11:2; Yer 3:25Yehova nga di Balamu ma mile zi ra, eri nga ani malaika Yehovani ndre pa soria geria, sei erini nzele okporoasiri be dria, eri nga di i dri elu, i ecozu o’bukuru va. 32#Azi 23:4; O’be 28:6; Mik 6:5; ’Yeta 13:10; 2 Pet 2:14, 15Malaika Yehovani ’yo eri tia, Mi co akanya mini pale na ’dini a’disi ya? Mi ndre, ma efu mi dri aruzu, geri minini ovule onzikanyaru ma miliarisi. 33Te akanya ndre ma ra, nga ani i oja kalaa ma drilia pale na ’di; ka te i oja kalaa ku, te’do ma fu mi ’bo eri kuzu idriru’i. 34#1 Sam 26:21; 2 Sam 12:13Balamu nga ’yo malaika ma tia, Ma eza ra; a’disiku mani nile mi so pa geria ma ogazu kurisi. E’yo ’disi, e’yo ’diri ka mi dri ayiko fe ku, ma nga ani dri atri vile. 35Te malaika Yehovani nga ’yo Balamu ma tia, Muzaruni mi mu ’ba ’diyi be yi; te mi ma ’yo e’yo mani ngale ’yole mi tiari kiri’i. ’Dini Balamu nga mu ’ba opiru Balakini ’diyi be. 36#E’do 14:17; 18:2; Efu 18:7; 1 Sam 13:10; ’Yeta 28:15Balaki ka eri Balamu eca ’bo, eri fu dri fuzu eri be aku Moabuni ovupi Arinoni ma kalatiaria, adani kpere angu nde ma kalatini asizuria. 37Balaki nga ’yo Balamuma tia, Ma peni ’ba ti mi omvezu asi driasi ku ya? Mi emuni ndra ma vu ku a’disi ya? Ma econi mi idrizu inzita isuzu adadaru ku ya? 38#1 Opi 22:14; 2 Sur 18:13Balamu nga ’yo Balaki ma tia, Mi ndre, ma ca mi vu ’bo ’do, te ma curu’do okpo be e’yo azini ’yozu ma’i ra ya? Ma nga e’yo Munguni ’bale ma tilianiri ’yo’i. 39Balamu pi mu Balaki be, yi nga ca Kiriati-huzotia. 40Balaki nga ti pi ede edetaru kabilo pie, tini pezu Balamu pi vu ’ba opiru ovupi eri be ’diyi pie.
Balamuni asi ndriza fezu Israeli driri
41 #
Azi 12:2; 2 Sur 11:15; Yer 48:35 Te eri nga eca ’dini, o’bitisi Balaki nga Balamuni ’du ji otuzu pari uruleru Baalini ’diyi ma dria, ’daarisi eri nga suru ndre kpere yi ma kalatini asizuria.
Currently Selected:
Kalafe 22: LB66
Highlight
Copy
Compare
Share
Want to have your highlights saved across all your devices? Sign up or sign in
Bible in Lugbara © United Bible Societies, 1966.
