Kalafe 19
19
’Ba alatara kokoru ’diyi ’bazu alaruri
1Yehova nga di ’yo Musa pi ma tia Aroni be, kini, 2#Isa 53:4-6; Gal 4:4; Ebra 9:13, 14; Eceza 1:5; Azi 21:3; 1 Sam 6:7; Yoh 10:17; Fil 2:6, 8Azita Yehovani azileri ma e’yo azizaruri ’di, kini, Mi ’yo anzi Israelini ma tia, yi ma eji tikari ekaru nyibile kokoru, ezata kokoru, pati kulumburu ’izu nga ombelenia kuri. 3#Lev 4:12, 21; 13:46; 16:27; 24:14; Ebra 13:11Emi ma fe eri Eleazari edeta edepiri dri, eri nga ani eri ji pari ’bani hema asozuri ma tia amve, ’ba azini nga eri li eri milia ’daa. 4#Lev 4:6, 17; 16:14; Isa 52:15; Eze 36:25; Ebra 9:13, 14; 12:24; 1 Pet 1:2Eleazari edeta edepiri nga di i drileju su arini ma alia, nga ari nde oya hema ti ecizaniri ma drilealeru paleko aziri. 5#Efu 29:14; Lev 4:11, 12; Isa 53:10’Ba nga di tikari nde eve eri ma milia, ma eve enyirikoni pi, zani pie, arini pie, yamanakani pie dria; 6#Lev 14:4, 6’ba edeta edepiri nga mario pati ma bidrile pi o’du, ediko bi pie, baka ekaruri pie, nga yi o’be ad tikari evezuri ma alia. 7#Lev 11:25; 15:5’Ba edeta edepiri nga di i ma bongo oji, nga i ma rua oji yisi raka, nga fi pari ’bani hema asozuria ndo; te ’ba nde edeta edepiri nga ovu alatara kokoru kpere ondresi. 8’Ba eri evepiri nga i ma bongo oji yisi, nga vini i ma rua oji yisi, nga ovu alatara kokoru kpere ondresi indi. 9#Ebra 9:13; Kal 31:23; Zek 13:1; 2 Kor 7:1’Ba alaruri nga tikari nde ma ofuta omvu, da pari ’bani hema asozuri ma tia amve, pari alaruri ma alia; yi nga tani mba anzi Israelini ongulumuru ’diyi dri, ovuzu yi onzi ojizuriru; eri edeta e’yo onzi edezuri’i. 10Te ’ba tikari ma ofuta omvupiri nga i bongo oji, nga ovu alatara kokoru kpere ondresi. E’yo ’diri nga ovu anzi Israelini piyi dri azitaru ani’bo ovupi yi ma eseliari be ’dani ’dani.
11 #
Lev 21:1; Kal 5:2; Isa 52:11; Rum 5:12; 2 Kor 6:17; Efe 2:1 ’Ba avu ’bani elopiri nga ovu alatara kokoru o’du aziri; 12#Kal 31:19o’du naria agu nde ma oji i alaru yi ndesi, eri nga di ani ovu alaru o’du aziririsi; te eri ka i oji alaru o’du naria ku, ngani ovu alaru o’du aziririsi ku. 13#Lev 15:31; Kal 8:7; Lev 7:20; 22:3’Ba ka a’di’i yari ti, ka ’ba drapiri ma avu elo, te ka i rua oji alaru ku, eri bere Yehovani eza ra, ma ja ’ba nderi ma dri Israeli ma eseliasi ra; eri nga ovu alatara kokoru yini yi onzi ojizuri oyale eri ma dria kurisi, ondiniri nga kiri ovu eri ma dria’dani.
14’Ba azini ka dra hema ma alia jazitaniri ’di: ’ba dria fipi hema nde ma alia ’diyi pi, ’ba dria ovupi hema ma alia ’diyi be, nga ovu alatara kokoru o’du aziri. 15#Kal 31:20; Lev 11:32Afazu dria ti be mgboru, ’bani tini opile afa ti opizurisi kuri ovu alatara kokoru. 16Te ’ba dria ovupi asea amve, ’ba fule seisiri ma avu elopiri, kani avu azini, kani ’ba ma falako, kani nyadri, eri nga ovu alatara kokoru o’du aziri. 17’Ba alatara kokoru ’diyi ma e’yosi yi nga edeta e’yo onzi edezuri ma ofuta ndi, nga yi ara ma yi be drinia imvu ma alia; 18#Zab 51:7; Yoh 15:2; 17:19; 1 Kor 1:30; Ebra 9:14’ba azini alaruri nga ediko bi ’du, nga eri su yi nde ma alia, nga eri oya hema nderi pi ma dria, afazu dria alenia ’diyi pie, ’ba ndra ovupi ’daa ’diyi pie dria, nga vini eri oya ’ba falako, kani ’ba avu, kani ’ba drapiri, kani ’ba nyadri elopiri ma dria. 19#Lev 14:9’Ba alaruri nga yi nderi oya ’ba alatara kokoruri ma dria o’du naria, azini o’du aziriria, ’dini o’du aziririsi eri nga eri ’ba alaru, vutinia eri nga i ma bongo oji yisi, nga vini i ma rua oji yisi ondresi, eri nga di ovu alaru beni. 20#E’do 17:14; Mar 16:16; ’Yeta 13:39-41; Rum 2:4, 5; Gal 3:10Te ’ba ovupi alatara kokoru lepi i ’bapi alaru kuri, ’ba ma ja agu nderi ma dri ’ba ongulumuru ma eseliasi ra, erini pari alatararu Yehovaniri ezalerisi; ’bani yi onzi ojizuri oyale drinia kurisi, eri ala tara kokoru. 21Eri nga ovu yi dri azitaru ’dani ’dani. ’Ba yi onzi ojizuri oyapiri nga i ma bongo oji ra; te ’ba azini yi onzi ojizurini tizu ruaniari nga ovu alatara kokoru kpere ondresi. 22#Hag 2:13Afa dria ’ba alatara kokoruni elole ’diyi nga ovu alatara kokoru; azini ’ba afa nde elopiri nga ovu alatara kokoru kpere ondresi.
Currently Selected:
Kalafe 19: LB66
Highlight
Copy
Compare
Share
Want to have your highlights saved across all your devices? Sign up or sign in
Bible in Lugbara © United Bible Societies, 1966.
