Kalafe 12

Miriamu pini Aroni be e’yo ’yozu Musa ma ruaari

1 # Efu 2:21 Miriamu pi Aroni be nga e’yo ’yo Musa ma ruaa, oku Kusi zaru erini bile i ma okururi ma e’yosi, te eri bi oku Kusiouru ’bo; 2#Efu 15:20; Mik 6:4; E’do 29:33; 2 Opi 19:4; Zab 94:9; Isa 37:4; Eze 35:12yi ’yo ra, Yehova ’yo kiri Musa be a’dule ya? ’yoni e’yo ama be indi ku ya? Yehova nga e’yo ’diri eri ra. 3#Zab 147:6; 149:4; Mat 5:5; 21:5; 1 Tim 6:11; 2 Tim 2:25; 1 Pet 3:4Isu de agu Musaru ’diri eri ’ba e’yereni tu, aga ’ba ovupi angu wudrikurua ’diyi dria ra.

4 # Zab 76:9 Yehova nga e’yo ’yo rugbu Musa pi ma ria, Aroni pie, Miriamu pie, kini, Emi na ma fu mu hema ti ecizaniria. Yi na tro nga di efura. 5#Efu 34:5; 40:38; Kal 16:19Yehova nga esi va iriti pa sopi piriruri ma alia, nga pa so hema ma tilia, nga Aroni pi omve Miriamu be; yi iritro nga efu ra. 6#E’do 46:2; Yob 33:15; Luk 1:11, 22; Mat 1:20Eri ’yo ra, Emi eri nga e’yo mani ’yoleri: Nabi ka ovu indi emi eseiia, ma’i Yehova, ma nga fe eri ma ni ma afa ndrezasi, ma nga e’yo ’yo eri be orobisi, ma’i. 7#Ebra 3:2, 5; Zab 105:26Te ati’bo mani Musa ovuni ’dini ku; eri ovu asi adaru be jo mani ma alia dria. 8#Efu 33:11; Azi 34:10; 1 Kor 13:12; Efu 33:19; 2 Pet 2:10Ma nga e’yo ’yo eri be tilesi tilesi mgboru, e’yo eti vale ku ’diyisi ku, eri nga Yehova ma wura ndre ra; emi ovuni di urisi e’yo onzi ’diyi ma nyadri, ’yozu ati’bo mani Musa ma ruaa ku a’disi ya?

9Adra Yehovani nga di tu yi ma ruaa, eri mu ra. 10#Azi 24:9; 2 Opi 5:27; 2 Sur 26:19Iriti nga di hema ma driliarisi, te mi ndre, ofu nya Miriamuni forotoru sile ’bo. Aroni nga eri rua lu, te mi ndre, ofu nya eri ra. 11#2 Sam 19:19Aroni nga ’yo Musa ma tia, Opi mani la! ma matu ’ba mi vu, mi ’ba e’yo onzi ’diri ama dria amani e’yo ’yele ondua kokorurisi, azini amani e’yo ezale rarisi ku fo! 12#Zab 88:4; Efe 2:1-5; Kol 2:13; 1 Tim 5:6Ma matu ’ba mi vu, eri ma ovu ekile mva drapi ’bo, za ruaniarini i trule mazaru erini efuria andri ma opoloarile ku. 13#Yak 5:16Musa nga di wu Yehova vu, kini, Mungu la! ma zi mi tia, mi ati eri ma rua fo! 14#Kal 5:2-3; Ebra 12:9; Lev 13:46; 14:8; 2 Sur 26:20, 21Yehova nga ’yo Musa tia, Eri ma ati ka ndra cucu wu eri milia, eri ngani ndra ovu drini zasi o’du aziri ku ya? ’Ba ma oga eri pari ’bani hema asozuri ma tia amve o’du aziri, vutinia yi nga eri ofi ndo, 15#Azi 24:9; 2 Sur 26:20Yi oga di Miriamuni pari ’bani hema asozuri ma tia amve o’du pale aziri ra; ’ba ongulumuru acini ku de nga ofini Miriamuni dika ku. 16Vutinia ’ba nga dri ko Hazerotia acizu drile, yi nga hema aso roko Paraniaria.

Currently Selected:

Kalafe 12: LB66

Highlight

Copy

Compare