'Ba Levini 5

1 # 1 Opi 8:31; O’be 29:24; Mat 26:63; E’do 17:14; Lev 7:18; 17:16; Kal 9:13 Agu ka e’yo onzi ’ye, erini o’duko eri otrizu omvezu e’yo eti nzezu ojiouriru eriria ra, ka e’yo nde ne ra, ka ni ra, te ka di e’yoni olu ku, eri nga e’yo onzi ini ’du i’i. 2#Lev 11:24-39; Kal 19:11-16’Ba azini ka afa alatara kokoruri ma rua elo, kani anyapa asea alatara kokori ma avu, kani anyapa akua alatara kokori ma avu, kani afa acipi valesi alatara kokoru ’diyi ma avu, e’yo nderi ka ovu zizaru eri ma milia, te eri ka ovu ani alatara kokoru, eri nga ovu ani e’yo onzi be i ma dria. 3#Lev 12:1; 13:1; 15:1Eri ka ’ba ma ondi elo, afa eri ’bapi alatara kokoruri ka ovu ondi ngoni ngori ti, te e’yo nderi ka ovu zizaru eri ma milia, eri ka e’yoni ni ra, eri nga ovu ani, e’yo onzi be i ma dria. 4#1 Sam 14:24; 25:22; Mal 3:5; ’Yeta 23:12; Mar 6:23’Ba ka oyo so i tisi mbele e’yo ega kokoru, kani e’yo onzi ’yezu kani e’yo onyiru ’yezu, oyo ’bani sole mbele i tisi ega kokoruri ka ovu ngonini ti, te e’yo nderi ka ovu zizaru eri ma milia, ka nga e’yo nderi ni ra, eri nga ovu ani e’yo onzi be i ma dria e’yo nde ’diyi ma azisi. 5#Lev 26:40; Kal 5:7; Ezr 10:11Te eri nga eca ’dini, ’ba ka ovu e’yo onzi be eri ma dria e’yo nde ’diyi ma azisi, eri ma e’da e’yo onzi erini ’yeleri, 6eri ma eji edeta ezata erinisiri Yehova vu e’yo onzi erini ’yeleri ma e’yosi, ma eji anyapaaroni anyapa nyiri ma eselia, kabilomva kariaru kani ndriaroni, ovuzu edeta e’yo onzi edezuriru; te kuhanini nga e’yo erini ede, e’yo onzi erini ’yelerisi.

7 # Lev 14:21 Te alio ka oga erini kabilomva fe kosini, eri ma eji a’balau angarakaru iri kani a’balau o’buru ma anzi iri edeta ezata edezuriru Yehova vu, aluri edeta e’yo onzi edezurini,aziniri edeta vezaruni. 8Eri ma eji yi kuhani vu, eri nga aria edeta e’yo onzi edezurini ede oko; eri nga drini vi ombeleasi, te ngani ruani ma ale ali ku, 9eri nga ari edeta e’yo onzi edezurini ma azi oya pari edeta edezuri ma ruaa ejelealeru, te ari ma joloko acepiri ma ondra dria dria pari edeta edezuri ma ndua; eri edeta e ’yo onzi edezuri’i. 10#Lev 1:14Vutinia eri ngai aria iriri ede edeta vezariru ekile azitani ’yolerile; kuhanini nga e’yo erini ede, onzi erini ’yelerisi, e’yo onzi erini nga ovu wuzaru ani. 11#Kal 5:15Te alio ka oga erini a’balau angarakaru iri ’diyi pi fe ko a’balau o’buru ma anzi iri besini, ka’dini eri ma eji anyafura inikiniru afazu abakaru ma esele mudri ma azi aluri, ovuzu edetaru e’ya onzi erini ’yele ’borisi, edeta e’ya onzi edezuriru; ma ’ba odu drinia ku, ma ’ba vini obiese vele veri drinia ku indi, erini ovule edeta e’yo onzi edezuri’irisi. 12#Lev 4:35Eri ma eji eri kuhani vu, kuhani ma ndi ini driega alu tre eseleni e’yoni egazuriru, ma ve eri pari edeta edezuri ma dria, edeta edele Yehova dri acisi ’diyi ma dria; eri ovu edeta e’ya onzi edezuri’i. 13’Dini kuhanini nga e’yo erini ede, e’yo onzi erini ’yele e’yo ’diyi ma azisirisi, e’ya onzi erini nga ovu wuzaru ani. Te joloko acepiri nga ovu kuhanini, ekile edeta anyafurasirile.

Edeta e’yoni ’ba ndelerisi ’diyi

14Te Yehova nga di ’yo Musa tia kini, 15#Lev 22:14; Ezr 10:19; Efu 30:13; Lev 27:25’Ba azini ka ezata eza e’yo onzi ’yezu aniakosi afa alatararu Yehovani ’diyisi, eri ma eji edeta ini ezata edezuri Yehova vu, kabiloago nyebile kokoru etrule kabilo o’biru ma eseliari, ekile mini eri ma aje lile sekeli dahaburu sekeli pari alatararuri vile ’diyisirile; eri edeta ezata ma e’yo edezuri’i. 16#Lev 6:5; 22:14; Kal 5:7; Lev 4:26; Ebra 9:13, 14Eri nga ezata erini afa alatararu ezazuri ofe, eri nga afa ma esele alu towiniri ’ba drinia, fezu kuhani dri; kuhanini nga e’yo onzi erini ’yele ’bori ede kabiloago edeta ezata edezurinirisi, e’yo onzi erini nga ovu wuzaru ani.

17 # Zab 19:12; Luk 12:48; Ebra 5:2 Te ’ba azini ka e’yo onzi ’ye, ka e’yo Yehovani ’yole ma ’ye ku ’diyi ma azi alu ’ye, ka tro eri ni ku ti, eri ovu e’yo onzi be i ma dria, eri nga e’yo onzi ini ’du i’ini. 18Eri ma eji kuhani vu kabiloago nyebile kokoru etrule kabilo o’biru ’diyi ma eseliari, mini eri ma aje lilerile edeta ezata edezuriru, te kuhanini nga e’yo erini ede, e’yo onzi erini ’yele aniakosi erini e’yoni nile kurisirisi, e’yo onzi erini nga ovu wuzaru ani. 19#Isa 53:10; Ezr 10:2Eri ovu edeta ezata edezuri’i; agu nderi ovu e’yo onzi be Yehova ma milia ada.

Currently Selected:

'Ba Levini 5: LB66

Highlight

Copy

Compare