'Ba Levini 26

Asi ndriza ’ba e’yo eripi ’diyi driri

1 # Efu 20:4, 5; Lev 19:4; Azi 4:16-19; 5:8; 16:21-22; 27:1; Isa 44:9-20; Zab 97:7 Emi ma ’ba emi dri wura inzile, inziri aluni ku, ma edre wura edele aya akapi acisirisiri ku uru vini ku, kani afa inzile inzi pa sopi piriruri ku indi, emi ’ba oni wura opale ruania ciri angu eminia aluni ku, emini avuzu ani va yi drilia; a’disiku ma Yehova Mungu eminiri’i. 2Emi ma mba sabato mani ’diyi ma ta, emi ma inzi pari mani alatararuri: ma Yehova’i. 3#Azi 11:13-15; 28:1-14Emi ka aci e’yo aziza mani ’diyi ma alia, ka azita mani ’diyi ma ta mba yi ’yezu, 4#Azi 28:12; Isa 30:23ma nga ozoo fe emini ewu erini vusi, nyakuni nga afa kaza erini ka ani, azini pati amvua ’diyi nga efi ’ya beni. 5#Azi 11:15; Yoe 2:19, 26; Yob 11:18; Eze 34:25Anya emini coleri nga ca kpere zabibu tiza ma tia, zabibu tiza emini nga ca ewu emini ori rizuri ma tia; emi nga enya nya emini trazu, ovuzu angu emini ma alia e’yo ’yaasi. 6#1 Sur 22:9; Isa 45:7; Zab 3:5; Yer 30:10; Yoh 14:27; Rum 5:1; 2 Opi 17:25; Eze 5:17; 14:15, 17; Yos 23:10Ma nga e’yo anzuru fe angua, emi nga ola va, te ’ba aluni ngani uri fe emi dri ku; ma nga fe nguru onzi ’diyi ma asi angu ndeasi ra, sei ngani vini ali angu emini ma aliasi ku. 7Emi nga ari’ba emini ’diyi ma vuti dro, yi nga ani o’de va emi drilia seisi. 8’Ba emini towi yi nga ’ba turu odro ra, azini ’ba emini turu yi nga ’ba alifu mudri ’diyi odro; ari’ba emini yi nga o’de va emi drilia seisi. 9#Efu 2:25; 2 Opi 13:23; E’do 17:6, 7Ma nga e’yo emini ega, ma nga fe emi ma ti tu, ezuzu tre, ma nga fe aziza mani azile emi beri ma so pa ci. 10Emi nga vini nyaka oku emini tani mbale ewu izuri nya’i, emi nga nyaka okuri ofu ewicazu nyaka o’dirusi. 11#Eze 37:26; Azi 32:19Ma nga bere mani ’ba emi eselia, asi mani ngani emi ngu onzi ku. 12#2 Kor 6:16; Efe 2:21; Ebra 3:6; Eze 11:20Ma nga aci emi eselia ra, ma nga ovu Mungu emini, emi nga ovu ’ba mani. 13#Eze 34:27Ma Yehova Mungu emini, emi ofupi ejipi angu Misiriariasi, emi ma ovu ani ati’ba yini ku beniri’i; ma onyo kulumbu pati emini alazaru ’diyi ’bo, ma fe emini pa sozu kililiru acizu ’bo.

Drileonzi ’ba e’yo eripi ku ’diyini

14 # Azi 28:15 Te emi ka ga bile coko ma vu si, lezu azita ’diyi ’yezu dria ku, 15#2 Opi 17:15emi ka e’yo azizaru mani ’diyi ga si, asi emini ka vini e’yo liza mani ’diyi ngu onzi, emini ani lezu azita mani ’diyi ’yezu dria ku, te emi eza aziza mani, 16#Azi 28:22; 1 Sam 2:33; Yob 31:8ka’dini ma’i ma nga e’yo ’ye emi vu ’dinile: ma nga e’yo uriuriruri ti pe muzu emi dria, ada, noi pi, rua driza be, ngapi fepi ’ba mileni o’dezu yini oyizu kai kairi’i. Emi nga ori emini ri oye, a’disiku ari’ba emini nga nyani; 17#Lip 2:14; Zab 106:41; 53:5ma nga ma mile ’ba dri aruzu emi be, emi nga ovu ndezaru ari’ba emini dri; ’ba emi ngupi onzi ’diyi nga opi nya emi drilia, te emi nga apa ceni de ’ba emi dropini yo. 18#1 Sam 2:5Te ka tro e’yo ’diyisi ti, emi ka nga ga ma eriko si ’dani, ma nga emi co imbataru pale aziri dika e’yo onzi eminisi. 19#1 Sam 4:10; Isa 25:11Ma nga ambo emini ma okpo nyo, ma nga ’bu emini ’ba ovuzu ayale, nyaku emini ovuzu vini molale; 20#Zab 127:1; Isa 49:4; Azi 28:18; Hag 1:10emi nga emi okpo eza toko, angu emini ngani afa kaza erini ka ku, pati angua ’diyi ngani vini efi yini ’ya ku indio 21Te emi ka ri ma dri aru ’dani, ka nga ga ma erika si, ma nga dra maturu eji emi dria, e’yo onzi emini vusi pale aziri. 22#Azi 32:24; 2 Opi 17:25; Yer 15:3; Lip 5:6; 2 Sur 15:5; Zek 7:14Ma nga nguru asea ’diyi ma ti pe emi eselia, yi nga anzi emini opa emi dria, yi nga anyapa emini akua ’diyi dri ja, nga fe kalafe emini ma emvi ovuzu were; te geri emini nga eca ovuzu ’ba kokoru.

23 # Yer 5:3 Te emi ka emi oja o’diru e’yo ’diyisi ma vu ku, te acita emini ka ri ma dri aru ’dani, 24#2 Sam 22:27ka’dini ma nga aci dri aruzu emi be ma’i, azini ma ma ngulupini nga emi co e’yo onzi emini vusi paleko aziri. 25#Eze 6:3; Azi 28:22; Kal 14:12; 16:49; Amo 4:10Ma nga vini sei ngapi aziza nderi ma arioti ofepiri eji emi dria; te emi nga emi oku tualu aku emini ambo ambo ’diyi ma alia, ma nga dra muaru ma ti pe emi eselia, yi nga emi fe juru emini ma dria. 26#Isa 3:1; Mik 6:14Ma ka nga anya ovupi kali emi atipiriruri onyo, oku mudri ’diyi nga mikate emini ozo atiliku alu ma alia, yi nga vini mikate o’bi emi dri ratilisi dika; emi nga nya ra ’bo, te ti emi ngani tra ani ku. 27Te ka tro e’yo ’diyisi dria ti, emi ka ga ma eriko si, te acita emini ka ri ma dri aru ’dani, 28#Isa 59:18ka’dini ma nga aci dri aruzu emi be adrasi ma’i, te ma ma ngulupini nga emi co e’yo onzi emini vusi paleko aziri. 29#2 Opi 6:29Emi nga agianzi emini ma za nya ra, emi nga vini emi ezopi ma za nya indio 30#2 Sur 34:3; 2 Opi 23:20; Zab 78:59Ma nga vini pari uruleru emini ’diyi eza, ma nga wura emini etuni ’diyi oli va, ma nga emi ma avu o’be wura inzile emini ’diyi ma avu ma dria; orindi mani nga emi ngu onzi tu. 31#Neh 2:3; Yer 5:10; 22:5; Zab 74:1-8; Yer 26:6, 9; Imv 1:10; Eze 9:6Ma nga vini aku ambo ambo emini ’diyi ’ba andruru, ma nga pari alatararu emini ’diyi ’ba ovuzu ’bakokoru, ma ngani aji arikariru emini ’diyi ma aji se ku. 32#Yer 9:11; 25:11Ma nga angu emini eza teketeke ovuzu ’ba kokoru, ’dini ari’ba emini ovupi alenia ’diyi nga osu e’yo nderisi osu osu. 33#Azi 4:27; 28:64; Zab 44:11; Eze 12:15; 20:23; Zek 7:14Ma nga emi ere suru ma eselia, ma nga vini sei mani enze emi vuti drozu; angu eminiri nga ovu ezazaru ’ba kokoru, aku ambo ambo emini ’diyi nga ovu andruru. 34#Lev 25:2-4; 2 Sur 36:21Ewu nde ’darisi anguni nga ovu ayikosi sabato erini ’diyisi, ewu erini ovuzu ’ba kokoru emini ovuzu ari’ba emini ma anguarisi dria; anguni nga di ava li, ovuzu ayikosi sabato erini ’diyisi. 35Ewu erini ovuzu ’ba kokorurisi dria eri nga ava li ’dani, ava liza nde erini ndra nga lile ku sabato eminisi emini ovuria nga angu nde ma aliari’i. 36#E’do 35:5; Yos 2:9-11; Eze 21:7; O’be 28:1Te ’ba acepi emi eselia jolokoru ’diyi ma e’yoni ’di, ma nga fe asi yini ma ovu okpo kokoru angu ndu ndu yi ma ari’bani ’diyi ma alia; ebiko olini ’duleri ma awuni nga yi dro ra, yi nga apa ani ekile ’bani apale seisirile, yi nga vini o’de va de ’ba yi ma vuti dropini aluni yo. 37#Lip 7:22; Isa 10:4; Lip 2:14Yi nga o’de adrozaru yi agyi dria yi agyi dria, ekile sei ma driliarile, de ’ba yi vuti dropini yo; emi ngani ovu okpo be pa sozu ari’ba emini ma drilia aluni ku. 38Emi nga dri ja suru ma eselia, azini ari’ba emini ma anguni nga emi oki ra. 39#Neh 1:9; Yer 3:25; 20:12’Ba emi eselia acepi jolokoru ’diyi nga oyi kai kai ari’ba emini ma angua, e’yo onzi yinisi; yi nga vini oyi kai kai yi a’bipi ma e’yo onzisi yi be tualu.

40 # Kal 5:7; 1 Opi 8:33; Yob 34:31; O’be 28:13; Yer 3:12; Luk 15:18; 1 Yoh 1:9 Te yi nga e’yo onzi yini e’da, ’yi a’bipini be, ezata yini ezale ma vuri e’dazu, vini kini yini acile ma dri aruzu ’borisi, 41#Yer 9:25; Eze 44:7; ’Yeta 7:51; Rum 2:29; Kol 2:11; 1 Opi 21:29; 2 Sur 12:6ma vini alu aci yi ma dri aruzu ma’i, yi ejizu ari’ba yini ma angua; te di asi yini lile kui ’diyi ka yi do e’yere e’ya onzi yini ma panga a’izu ra, 42#E’do 17:7-8; 26:3-4; 28:13-14; Efu 2:24; 6:5; Zab 106:5; Eze 16:60; Zab 136:23ka’dini ma nga aziza mani azile ndra Yakobo beri pi ma e’yo ega, aziza mani Isaka beri pie, ma nga vini aziza mani Iburahimu beri ma e’yo ega; ma nga vini angu nderi ma e’yo ega indio 43Te yi nga angu nderi ku ra, angu nderi nga ovu ayikosi sabato ini ’diyi ma e’yosi, erini de ovuria andruru ’ba ’diyi kokoru; te yi nga e’yo onzi ’yini ma panga a’i ra; a’disiku yini e’yo liza mani ’diyi gale sirisi, yi ma orindini e’yo aziza mani ’diyi ngule onzirisi. 44#Azi 4:31Te ka tro e’yo ’diyi ’be dria ti, ma ngani yi ga yini ovuria rari’ba yini ma angua ku, ma ngani yi ngu onzi mani ani yi dri jazu teketeke, mani ani aziza mani azile ndra yi beri nyozu, ’dini ku; a’disiku ma Yehova Mungu yiniri’i; 45#Rum 11:28; Eze 20:9te yi ma e’yosi ma nga aziza azile ndra yi a’bipi beri ma e’yo ega, a’bipi nde mani ofule ejile angu Misiriariasi suru ndu ndu ma milia ’diyi, mani ovuzu ani Mungu yiniru: ma Yehova’i. 46#Azi 33:4; Yoh 1:17’Diyi e’yo aziza piyi, e’yo liza pie, azita pie, Yehovani ndra azile i ma eselia anzi Israelini ’diyi be oni Sinaiari ma dria, fele Musa ma driarisi ’diyi.

Currently Selected:

'Ba Levini 26: LB66

Highlight

Copy

Compare