'Ba Levini 18

Oga ali o’baza si

1Yehova ’yo Musa tia kini, 2#Efu 6:7; Eze 20:5Mi ’yo anzi Israelini ma tia ’yozu kini, Ma Yehova Mungu eminiri’i. 3#Eze 23:8; Efu 23:34Emi ma ’ye ekile ’ba angu Misiria emini ndra ovuzu yi ma eselia ’diyini ’yelerile ku, azini vini emi ma ’ye ekile ’ba angu Kanania mani ngazu emi jizu yi vu ’diyini ’yelerile ku indio Emi ma aci azita ’yini ’diyi vusi ku. 4Emi ma ’ye e’yo liza mani ’diyi, emi ma mba azita mani ’diyi ma ta, acizu yi alia. Ma Yehova Mungu eminiri’i. 5#Neh 9:29; Eze 18:9; 20:11-13; Luk 10:28; Rum 10:5; Gal 3:12; Isa 44:6; Yer 9:24; Mal 3:6E’yo ’disi emi ma mba azita mani ’diyi ma ta, e’yo liza mani ’diyi be, te ’ba ka yi ’ye ra eri nga idri isu ani ma Yehova’i. 6’Ba aluni emi eseliari ma esi ori’ba ini ogogori vu eri otruzu pililiru ku. Ma Yehova’i. 7Mi ma otru rua pililiru mi ati vileri ku, eri adani rua pililiru mi andriniri’i; eri mi andri’i, mi ma otru eri pililiru ku. 8#Lev 20:11; Azi 22:30; 27:20; E’do 49:4; 1 Kor 5:1Mi ma otru mi ati vile oku rua pililiru ku; eri ovu mi ati ma rua pililiruri’i. 9#Lev 20:17; Azi 27:22; 2 Sam 13:12Mi ma otru mi amvi ma rua pililiru ku, kani ata ma mvani kani ayiamvani, kani tile akuari kani tile juruari ti; mi ma otru yi ma rua pililiru ku. 10Mi ma otru mi mvi ma zi ma rua pililiru ku, kani mi zi ma zi ma rua pililiru ku indi, a’disiku rua pililiru yini ovu rua pililiru mi ngulupiniri’i. 11Mi ma otru mi amvi atani, mi atini tileri, ma rua pililiru ku; eri mi amvi’i, mi ma otru eri pililiru ku. 12#Lev 20:19-20Mi ma otru mi ati ma amvi ma rua pililiru ku; eri mi ati ma ori’ba ogogori’i. 13Mi ma otru mi andri ma amvi ma rua pililiru ku; a’disiku eri mi andri ma ori’ba ogogori’i. 14Mi ma otru rua pililiru mi ati ma adripi vileri ku, adani mi ma esi oku erini vu ogogo i ku; eri ovu mi andriani. 15#Lev 20:12; E’do 38:18; Eze 22:11Mi ma otru mi zia ma rua pililiru ku; eri mi mvi vile okuri’i, mi ma otru eri rua pililiru ku. 16#Lev 20:21; Mat 14:3, 4; 22:24Mi ma otru mi adri vile oku ma rua pililiru ku; eri mi i adri ma rua pililiruri’i. 17#Lev 20:14; Azi 27:23Mi ma otru oku pi ma rua pililiru zi izimandriruri be ku, mi ma ’du mvi erini izimandriru ma zi ku, kani zi erini izimandriru ma zi ku indi, yi ma rua otruzu pililiru; yi ovu ori’ba mini ogogo ’diyi; eri e’yo onzini. 18#E’do 30:15; Mal 2:15Mi ma ’du oku mini ma amvini ovuzu a’iaziru a’ya ’bazu eri be ku, mi otru eri rua pililiru de nga amvini ovuzu idriruria ku.

19 # Lev 20:18; Eze 18:6 Mi ma esi ogogo oku vu eri ma rua otruzu pililiru, ewu erini ovuzu ndu alatara kokoru a’bi suzurisi ku. 20#Lev 20:10; O’be 6:29; Mal 3:5; Mat 5:27, 28; 1 Kor 6:9; Ebra 13:4Mi ma ’ba ali ’ba mi jo ejeleari vile okusi, mini mi ezazu eri be ku. 21#Lev 20:1-5; 2 Opi 16:3; Yer 19:5; 1 Opi 11:7, 33; Eze 36:20; Mal 1:12; Isa 42:8Mi ma fe anzi mini ma aluni ma aga aci alesi Moleki dri ku; mi ma eza Mungu miniri ma ru ku: ma Yehova’i. 22#Lev 20:13; Rum 1:27; 1 Tim 1:10Mi ma la agupisi ekile ’bani lale oku berile ku; e’yo nderi ovu e’yo ngule onziri’i. 23#Efu 22:18; Lev 20:15-16; Azi 27:21Mi ma la anyapasi, mini mi ezazu ’dini ku; ’dinile indi oku aluni ma so vini pa anyapa drilia erini lazu isi ku: eri e’yo etiza onzikanyaruri’i. 24#Mat 15:18; 1 Kor 3:17; Azi 18:12Emi eza emi alatara kokoru e’yo ’diyi ma azisi aluni ku, a’disiku suru mani o’bele amve emi drilia ’diyi eza yi alatara kokoru e’yo ’diyisi dria ’bo; 25#Kal 35:34; Isa 24:5; 26:21; Yer 9:9; 16:18angu eca ani ezazaru alatara kokoru, e’yo ’disi ma e’yo onzi erini omvi eri dria be, anguni ’ba ovupi alenia ’diyi ogbe ani amve ra. 26Te emi ma mba azita mani piyi ma ta, e’yo liza mani ’diyi be, emi ma ’ye e’yo ngule onzi ’diyi ma azi aluni ku, kani kari’bani kani ani’bo ovupi emi eseliari ti 27(a’disiku ’ba angu e’ipiru emi drilia oko ’diyi ’ye ndra e’yo ngule onzi ’diyi dria ri, angu ovu ezazaru ala tara kokoru ani); 28angu kazu emi ogbezu indi ewu emini eri ezazurisi ekile erini suru emi drilia okori ogbelerile ku. 29A’disiku ’ba dria alu alu e’yo ngule onzi ’diyi ma azi ’yepiri, yi nga ’ba nde ’yepi ’diyi ma dri ja o’dipi eseliasi ra. 30E’yo ’disi emi mba e’yo mani azileri ma ta, ma ’ye e’yo ngule onzi adrile ’yele emi drilia aka ’diyi ma azi aluni ku, emi eza emi alatara kokoru e’ya ’diyisi aluni ku: ma Yehova Mungu eminiri’i.

Currently Selected:

'Ba Levini 18: LB66

Highlight

Copy

Compare