'Ba E'yo Lipi 'Diyini 8
8
Gideonini opi Midiania ’diyi obizuri
1 #
Lip 12:1; 2 Sam 19:41 ’Ba Efiraimuni ’diyi nga ’yo eri ma tia, Mi ’ye ama ’dini a’disi ya, mini ama omvezu ku mini muria a’di ’dizu ’ba Midianini be ya? Oli eri dri lokaa aciru. 2Eri nga di ’yo yi ma tia, Afa mani ’yele yini ani ama o’bizu emi beri a’dini ya? Zabibu tiza vile Efiraimuniri ovuni onyiru aga zabibu tiza oko Abiezeriniri ra ku ya? 3#Zab 83:11; Lip 7:24; Zab 44:3; O’be 15:1; Rum 12:3, 6Mungu fe opianzi Midianini Orebu pi Zeebu be emi dria ’bo; afa ndra mani ecole ’yele yini ama o’bizu emi beri a’di afani ya? Adra yini nga di i de eri vurisi ra, erini e’yo ’diri ’yoria ’boria. 4Gideoni nga emu Yoridania, zo ra, eri’i ’ba turu na ovupi eri be ’diyi be, yi ande tu te kiri yi nga ari’ba droria. 5#E’do 33:17; Zab 60:6Te eri ’yo ’ba Sukotia ’diyi ma tia, Ma zi emi tia, emi fe enya olemi ’ba ma vuti bipi ’diyi dri; te yi ande tu, te ma opi Midianini Zeba pi ma vuti dro Zalimuna be ’do. 6#1 Opi 20:11; 1 Sam 25:11Te ’ba ’wara Sukotia ’diyi omvi e’yo kini, Zeba pi ma dri curu’do Zalimuna be mi dria, amani te ani enya fezu asikari mini ongulumuru ’diyi dri ’di ya? 7Gideoni nga di ’yo, Ka’dini Yehova ka Zeba pi fe Zalimuna be ma dria ’bo, ma di nga emu emi ma za oce oci angu didia ’diyisi oci nyirisi indi. 8#E’do 32:30; 1 Opi 12:25Eri nga tu uru engazu ’diarisi ca Penuelia, nga e’yo ’yo yi be tro tro ’dinile; te ’ba Penuelia ’diyi nga e’yo omvi eri ma tia ekile ’ba Sukotia ’diyini te omvilerile. 9#1 Opi 22:27; Luk 12:45; 1 Tes 5:2, 3Eri nga di ’yo ’ba Penuelia ’diyi ma tia kini, Ma ka emu dika asi anzuru be, ma nga jo izuru ’diri nyo va.
10 #
Lip 7:12; 2 Opi 3:26 Isu de curu’do Zeba pi Zalimuna be Karikoria asikari yini ongulumuru ’diyi be, ekile ’ba alifu mudri drini towile, yi ’ba dria acepi ’ba ongulumuru kala etuni efurialeruria ’diyini ma eselia ’diyi; a’disiku ’ba sei be ’diyi o’de ndra alifu turu alu drini kali iri. 11#Kal 32:35; Lip 18:27; O’be 17:18; 1 Tes 5:3Gideoni nga di tu uru geri ’ba ovupi hema alia ’diyi vurisi, Noba pi ma kala etuni efurialeru Yogibeha be, asikari ongulumuru ’diyi ofuzu; a’disiku ’ba ongulumuru nde egani e’yo ombani ku. 12#Zab 83:11Zeba pi Zalimuna be apa ra; eri dro yi ma vuti, obi opi nde iri Midianini Zeba pi Zalimuna be ra, fe asikari ongulumuru ma asi oti tu.
13’Dini Gideoni Yoasi mvi nga di emvi engazu ombaarisi, esizu va Heresiasi. 14Eri bi karilau alu ’ba Sukotia ’diyini, zi e’yo tinia; eri olu opianzi Sukotia ’diyi pi ma e’yo dria eri tia, ’ba ’wara alenia ’diyi pie, yi ’ba kali aziri drini aziri. 15Eri nga di efi ’ba Sukotia ’diyi vu, ’yo ra, Mi lu, Zeba pi Zalimuna be yi ’do, ndra emini ma edezu e’yo yinisi ’yozu kini, Zeba pi ma dri curu’do Zalimuna be mi dria, amani te ani enya fezu ’ba mini andepi ’diyi dri ’di ya? 16Eri obi ’ba ’wara aku ndea ’diyi, o’du oci angu didia ’diyi pi oci nyirinyiriri pie, imba ’ba Sukotia ’diyi ani. 17#1 Opi 12:25Eri nye vini jo izuru Penuelia va, ofu ’ba aku ndea ’diyi indi.
18 #
Lip 4:6; Zab 89:12 Eri nga di ’yo Zeba pi ma tia Zalimuna be, ’Ba ndra emini ofule Taboria ’diyi ’ba ngonini ya? Yi omvi e’yo eri ma tia, Ekile mini ovulerile, yi ndra alu ’dini indi; yi alu alu si yi opianzile. 19Eri nga di e’yo omvi kini, Yi ma adripini, ma andri ma anzi; ekile Yehovani ovule idrirurile, emi ka ndra yi opa idriru, ma ngani te emi ofu ku. 20Eri nga di ’yo Yeteri i ma mvi okori ma tia, Mi nga uru, mi ofu yi. Te karilau nde enzeni sei ini ku; eri ovu urisi, a’disiku erini ndra nga ovule kiri mvanirisi. 21#Zab 83:11Zeba pi nga di ’yo Zalimuna be, Mi enga, mi e’de ama dria mi’i ka; te ekile agu nderini ovulerile, okpo erini ’dini. ’Dini Gideoni nga ra, ofu Zeba pi Zalimuna be; o’du onyiafa mbasile go’do go’do ngamia yini ma ombelea ’diyi ra. 22’Ba Israelini nga di ’yo Gideoni ma tia, Mi nya opi ama drilia, emi iri tro mi mvi be, mi mvi ma mvi ma nya indi; mini ama opale Midiani ma driarisi. 23#1 Sam 8:7; 10:19; Zab 10:16; 29:10; Isa 26:13; 33:22; Hos 13:10Te Gideoni ’yo yi ma tia, Ma ngani opi nya emi drilia ku, kani ma mvi’i ku indi; Yehovani nga opi nya emi drilia opiruni. 24#E’do 16:10; 25:13Gideoni ’yo yi ma tia, Ma le te afa a’i emi dri fo; emi ’ba dria alu alu ma fe mani nzia bia emini opaleri. (’Da nde ovu nzia meleru be yi bia, yini ovule ’ba Isiraelinirisi.) 25Te yi omvi e’yo kini, Ama nga yi fe avasi. Yi nga di bongo aja ra, ’ba dria alu alu nga ani nzia bia erini opale ombaa ’diyi o’be alenia. 26Yi o’bi nzia meleru erini a’ile ’diyi ma nziza sekeli meleru alifu alu drini turu aziri; drinia onyiafa mbasile ’diyi yi indi, onyiafa o’ile keleru ’diyi pie, bongo okalakokalaru ndra opi Midianini ma ruaari pie, anziriku ovupi ngamia yini ma ombelea ’diyi pie ,dria. 27#Lip 17:5; 18:14, 17; 6:24; Efu 23:33; Zab 73:27; 106:39; Azi 7:16Gideoni nga ani koti alinaru ede afa nde ’diyisi, ’ba eri aku ini ma alia, adani Ofira ma alia; te Israeli dria mu ali o’baria eri vutia, eri nga i oja embaru Gideoni pi dri ori’ba erini ’diyi be. 28’Dini nde Midiani anzi Israelini ma drilia ra, yi engani yi ma dri uru dika ku. Angu nde li di ava eli kali su ewu Gideoninirisi. 29Yerubaali Yoasi mvi mu di ovu i vile joa. 30#Lip 9:2, 5; 10:4; 12:9, 14Gideoni ma anzi ndra kali aziri, eri ma ngulupini tileni ’diyi, erini ndra ovule oku be trerisi. 31Oku erini ati’boru ndra Sekemuari ti erini mva alu indi, eri ’da runi Abimeleki’i. 32#Lip 6:24Gideoni Yoasi mvi nga di dra ra de eri di mbazauru eli be fudri ci ’bo, sa ndra eri nyadri ati Yoasini ma alia, Ofira ’ba Abiezeriniria. 33#Lip 2:19; 9:4Te eri nga eca ’dini, Gideoni ka dra ’bo, coti anzi Israelini oja yi dika muzu ali o’bazu adrou Baaliru ’diyi ma vutia, yi ede Baali-beriti Mungu yiniru. 34#Zab 78:11, 42; 106:13-21; Ekl 12:1; Yer 2:32Te anzi Israelini egani Yehova Mungu yini, ndra yi opapi ari’ba yini dria ma dria kala driasiri’i ku; 35#Lip 9:16; Ekl 9:14, 15eceni vini asi ndriza ori’ba Yerubaalini dri (eri Gideoni’i) onyi dria erini ndra ecele Israeli dririle ku.
Currently Selected:
'Ba E'yo Lipi 'Diyini 8: LB66
Highlight
Copy
Compare
Share
Want to have your highlights saved across all your devices? Sign up or sign in
Bible in Lugbara © United Bible Societies, 1966.
