'Ba E'yo Lipi 'Diyini 17
17
Wura inzile inzi Mikani ’diyi atalau erini be
1Agu alu ndra indi angu oni ruaa Efiraimuniria, runi Mika’i. 2#E’do 14:19; Rut 2:20; 3:10; 2 Sam 2:5Te eri ’yo i andri ma tia ’dini, Silingi dahaburu alifu alu drini turu alu, ndra ovupi oguzaru mi vurisi, mini ndra ani trita trizu, mini ndra e’yoni ’yozu ani ma bilia ’diyi, mi lu, dahabu nderi ovu ma vu; ma ’du eri ma’i. Te andri ’yo tinia, Yehova ma fe asi ndriza ma mvi dri fo! 3#Efu 20:4, 23; Lev 19:4; Azi 12:30; Zab 115:4-8Eri nga di silingi dahaburu alifu alu drini turu alu ’diyi omvi i andri dri vile; te andri ’yo ra, Ma fe dahabu nde Yehova dri adaru, engazu ma driarisi ovuzu ma mvi ma! afaru, wura inzile inziri pi edezui wura edele aya akapi acisiri be; te ma nga eri omvi mi dri curu’do. 4#Isa 46:6Eri ka silingi omvi i andri dri ’bo, andri ’du silingi dahaburu turu iri, fe yi onduou oka dipiri dri, onduou nde nga wura inzile inziri pi ede dahabu ndesi wura edele aya akapi acisiri be; eri adri ndra Mika vile joa. 5#Efu 28:4-15; Lip 8:27; 18:14; 1 Sam 23:6; E’do 31:19; Hos 3:4Isu de agu Mikaru ’diri ovu de adrou lo be, eri nga koti alinaruri pi ede wura inzile terafiniruri be, nga i ma mva ma azi alu pe ndu, mva nde nga ofu atalau ini edeta edepiriru ani. 6#Lip 21:25; 18:1; 19:1; Azi 33:5; 12:8O’du ’dayisi isu de opi Israeli drilia yo; ’ba dria alu alu ’ye e’yo ovupi onyiru i ngulupi ma miliari’i. 7#Yos 19:15; Lip 19:1; Rut 1:1, 2; Mik 5:2; Mat 2:1, 5, 6Isu de karilau alu Betelehemuyudaa, ori’ba Yudani ma eselia, eri ndra ’ba Levini; eri adri ’dale. 8Agu nderi fu aku Betelehemuyudaariasi ra, mu ’a’azu pari erini ecozu angu isuzuria; acita erini ma alia, emu angu oni ruaa Efiraimuniria, kpere Mika vile joa. 9Mika nga di ’yo eri ma tia, Mi enga ngoa ya? Eri ’yo eri tia, Ma ’ba Levini engazu Betelehemu-yudaa, ma mu ’a’azu pari mani ecozu angu isuzuria. 10#E’do 45:8; Lip 18:19; Yob 29:16; Isa 22:21; E’do 45:8Mika nga di ’yo tinia, Mi ovu ma be, mi ovu mani ataru azini atalau edeta edepiriru, ma nga di mi dri silingi dahaburu fe mudri mudri eli vusi eli vusi, bongo pie, nyaka mini pie. ’Dini ’ba Levini fi di eri vu ra. 11’Ba Levini ’diri a’i ovuzu eri be ra karilau nde ovu di eri dri ekile mva erini ma azile. 12Mika nga ani ’ba Levini ’diri pe ndu ovuzu alaru, karilau nderi ofu di eri ma atalau edeta edepiriru, ovuzu Mika vile joa. 13’Dini Mika nga di ’yo, Curu’do ma ni ra Yehovani nga ma ’ye onyire, mani ovule ’ba Levini be cizu mani atalau edeta edepirirurisi.
Currently Selected:
'Ba E'yo Lipi 'Diyini 17: LB66
Highlight
Copy
Compare
Share
Want to have your highlights saved across all your devices? Sign up or sign in
Bible in Lugbara © United Bible Societies, 1966.
