Isaya 52
52
Munguni nga Zionini tru ati’basini
1 #
Nah 1:15; Isa 26:2; Eceza 21:2, 27 Mi enga, mi enga, mi su okpo mini mi ruaa, Zioni la;
Yerusalemu aku alatararu la, mi su bongo mini ndrizaru ’diyi!
A’disiku engazu curu’do, ’ba agele liza kokoru ’ba ondiru ’diyi be ngani fi mi alia dika ku.
2 #
Zek 2:7
Mi oya irifura mi ruaari, mi enga; mi ri va, Yerusalemu la;
mi tru anziriku mi ombeliari, mi Zioni zi ’bani bile ati’boruri la!
3 #
Zab 44:12; 1 Pet 1:18 A’disiku Yehova ’yo ’dini: ’Ba fe ndra emi je toko, azini yi vini nga emi onze silingi kokoru. 4A’disiku Opi Yehova ’yo ’dini: Suru mani is ndra okorisi Misiria, yi ma ’a’a ’dale ani, te ’ba Asuriani inza yi toko e’yo ikokoru. 5#Rum 2:24Te di, Yehova ’yo ra, ima ’ye ’doa a’duni, yini suru mani jile ’dale tokorurisi ya? ’Ba adripi yi drilia opiru ’diyi owu tu, Yehova ’yo ra, azini ’ba o’da ma ru ’dani o’du dria. 6E’yo ’disi suru mani yi nga ru mani ni ra; e’yo ’disi yi nga ni o’du ’dasi kini, ’ba e’yo ’yopiri eri ma’i; mi ndre, ma ’do’i.
7 #
Nah 1:15; Rum 10:15; Efe 6:15 ’Ba e’yo bari ejipi, asi anzuru olupi, e’yo bari e’yo onyiruni ejipi, e’yo patani ekupiri ma pa ndri tu ’doni ya! ’Yopi Zioni ma tia, Mungu miniri adri opiruni-ri.
8 #
Zef 3:9
’Ba angu emini ma agei tepi ’diyi ma o’duko! Yi enga yi ma o’duko uru, yi ongo ngo tualu; a’disiku yi nga yi ndre milesi milesi Yehova ka nga emvi Zionia ’boria.
9Emi e’do ayikoni, emi ngo tualu, emi pari andruru Yerusalemuni ’diyi; Yehovani suru ini ma asi omile ’borisi, erini Yerusalemuni onzele ’borisi indi.
10 #
Luk 3:6
Yehova fe dri ini alatararu ma e’da i ’ba jururu dria ma milia; azini angu ma kalati asizu ’diyi dria nga Mungu amani ma pata ndre ra.
11 #
Yer 50:8; Eceza 18:4; 2 Kor 6:17 Emi emu, emi emu, emi evu ’dole, emi elo afa ala kokoru ma rua ku; emi efu eri ma aliarisi, emi ma ovu di alaru, emi ’ba afazu Yehovani ’dupi ’diyi.
12 #
Efu 12:33; 14:19; Mik 2:13; Kal 10:25 Te emi ngani efu mbele mbele ku, emi ngani efu apazu apa apa ku, a’disiku Yehovani nga mu emi driliani, azini Mungu Israeliniri nga ovu emi vutiani.
Candi ati’bo Yehovanirini ngale isuleri
13 #
Isa 42:1; Fil 2:9 Mi ndre, ati’bo mani nga ’ye onduasi, yi nga eri inzi, yi nga eri ’ba uru, eri nga ovu uru tu.
14 #
Zab 22:6; Isa 53:3 Ekile ’ba kakau yini osule misi osurile- ’ba eza mile erini aga ’ba azinini ra, ’ba eza wura erini aga anzi ’bani ma wura ra-
15 #
Eze 36:25; ’Yeta 2:33; Ebra 9:13; Efe 3:5; Rum 15:21 ’dinile eri nga osuta fe suru kakau dri; opi yi nga yi ma tile bi ci e’yo erinisi;
a’disiku yi nga afa ’bani e’yoni olule yi dri nga kuri ndre ra, azini yi nga e’yo yini erile nga kuri va ra indio.
Bible in Lugbara © United Bible Societies, 1966.