Isaya 4
4
1 #
Luk 1:25
Azini oku aziri nga agupi alu ari okposi o’du ’darisi, ’yozu kini, Ama nga nyaka amaniri nya, ama nga bongo amaniri su ama ruaa, te mi fe ma omve ama ru minirisi; mi nze drinza amani fo!
Drileba Yerusalemuni ngapi ecapi ndori
2 #
Isa 11:1; 60:21; Yer 23:5; Rum 1:3, 4 O’du ’dasi arakala Yehovani nga ovu ndrizaru azini diza be, azini efi kaza anguni kaleri nga ovu onyiru tu, ndrizaru indi, ’ba Israelini apapi ’bo ’diyi dri. 3Eri nga eca ’dini, ’ba kule Zionia acepi Yerusalemuari, ’ba nga eri omve alatararu, adani ’ba dria ale alu runi sile ’ba ovupi idriru Yerusalemua ’diyi ma eselia ’diyi, 4Opi ka nga ondi ezoanzi Zionia I’diyini oji dria ’ba, eri ka nga ari Yerusalemuni oji dria alaru aleniasi, orindi e’yo liza kililirurisi, azini orindi afa vezanisi ’bo. 5#Efu 13:21, 22; 24:16; Azi 1:33Azini Yehovani nga iriti ’ba acika be etusi pari ’bani adrizu Zioniari ma dria dria, okuza erini ’diyi be, te inisi eri nga diza aci dipi dirini ’ba’i; te afa ’diyi nga diza dria ma dri a’bu ekile hemale, 6Azini hemani nga ovu indi endri fezu etusi etuni drilerisi, azini pari ’bani apazu yi zizu aleniariru ozoo ’dipi oli berisi, azini ozoosi indi.
Bible in Lugbara © United Bible Societies, 1966.