Isaya 32
32
Opi onyiruri
1 #
2 Sur 31:20; Zab 7:1, 2; Yer 23:5; Zek 9:9; Ebra 1:8, 9; Eceza 19:11 Emi ndre, opini nga angu nya opiru onyi ma alia, azini opianzini nga ’ba dri ce e’yo liza kililiruri ma alia.
2Azini ’ba alu nga ovu ekile pari ’bani yi zizu oli ma e’yosi, ekile pari ’bani yi dozu ci oliriko ma e’yosirile,
ekile yi raza pari a’wiru ma alia, ekile oni izuru ma endri angu ewaru ’bani andezu aniri ma aliarile.
3 #
Isa 29:18
Azini ’ba afa ndrepi ’diyi ma mile ngani asa ku, azini ’ba e’yo eripi ’diyi ma bileni nga eri ra.
4’Ba afa ’yepi mbele mbeleri ma asini nga nita ma e’yo va ra, azini ’ba e’yo ’yopi ti ombezasi ’diyi ma tileni nga ovu ngonde e’yo ’yozu kililiru.
5Yi ngani vini ’ba tokoni ma ru ’da ’ba onyiru turi’i dika ku, yi ngani vini ’ba asi onzi beri omve ’ba mile be uru afa fepi turi’i ku.
6A’disiku ’ba tokoni nga e’yo toko ’yo’i, azini asi erini nga e’yo onzi ega:
e’yo saaru ’yezu, azini imbata inzoru ’yozu Yehova ruaa, ’dini eri ma fe ’ba abiri beri ma orindi ma ovu ani, eri ma fe afa mvuza ’ba yi avijo berini ma de i ani.
7Afa ’ba azi onzi berini azi ngazu ’diyi yi onzi; eri ega egata onzikanyaru ’ba e’yereri ma dri jazu e’yo inzoru’diyisi, ada, ka tro eri o’du ’ba alio ndeni e’yo kilili ’yozurisi ti.
8Te ’ba onyiru mile be ururi, eri afa onyiru ega’i, eri nga adri afa onyiru ’diyi ma alia’dani.
Imbata fezu oku Yerusalemua ’diyi driri
9 #
Amo 6:1
Emi enga, emi oku ovuouru o’api toko ’diyi, emi eri o’duko mani; emi ezoanzi e’yo egapi ku ’diyi, emi co emi bile oluta mani vu fo.
10A’disiku eli alu drinia o’du azini be ka aga ’bo, ’ba nga candi fe emi dri, emi oku e’yo egapi ku ’diyi; zabibuni ngale kale kurisi, azini indi o’du efi kaza nde tizurini ngale ecale kurisi.
11Emi ma ma oya, emi oku ovuouru o’api toko ’diyi la, emi asi ma oti, emi e’yo egapi ku’diyi; emi otru bongo emini, emi ku emi pililiru, emi su koliba emi opilia’i.
12Yi nga yi ma agati di candisi amvu onyiru tu ’diyi ma e’yosi, zabibu efi kapi turisi indi.
13 #
Hos 9:6
Suru mani ma angua oci piyi nga enga afa si be ocile ’dini ’diyi be; adaru, jo ayikoru ovupi aku amboru gapi ayiko be treria ’diyi dria ma dria.
14A’disiku ’ba nga jo amboru opiniri ku andruru ra, aku amboru ’ba be treri nga ovu toko; oni izuru jo izuru ’bani angu luzu aniri be ’ba nga yi ku ovuzu guleru anyapa asea ’diyi dri ’dani, ayiko akanya asea ’diyi dri, pari kabilo pini iribi nyazuriru;
15 #
Zab 104:30
de nga osuni Orindi engapi ’buari ama dria ku, azini angu roko driari ojani i amvu efi ’yapi turiru ku, azini de nga ’ba lani amvu efi ’yapi turi ekile angu ocerurile ku.
16 #
Zek 8:3
O’du ’dasi e’yo liza kililiruri nga adri angu roko driaria, azini onyini nga te amvu efi ’yapi turi ma alia.
17 #
Zab 72:2, 3; Mik 4:4, 5; Luk 2:14 Azi onyiniri nga ovu asi anzururi’i, azini efi kaza onyini ’yale ’ba ma aliari nga ovu asi e’yere pi ’dani ’dani asi teza be.
18Azini suru manini nga adri jo asi anzuruni ma alia, jo la ’bani ojale ku ’diyi ma alia, pari ava lizani asi anzuru beria.
19 #
Zek 11:2
Te ozooni nga ’di si be, o’du angu oceruni yi bizu varisi, azini aku amboruni nga i asu va teketeke ra.
20 #
Isa 30:24
Emi’i, emi ori ripi yi dria ma kalaa ’diyi, emi drilebaru, emi’i ’ba ti pi ofupi amve akanya be ’diyi.
Bible in Lugbara © United Bible Societies, 1966.