Isaya 22
22
E’yo ondrile e’bu afa ndrezariniri ma e’yosiri
1E’yo eceza e’bu afa ndrezariruni. A’di ’ye mi curu’do mini rule dria jo dria ururisini ya,
2mi aku o’yo a be, gapi tre otrezasi, mi aku ayiko beri’i? ’Ba mini ’bani fule ’diyi, funi yi seisi ku, yi drani omba ma alia ku.
3’Ba mi dri cepi ’diyi apa tualu dria dria, ’ba osu be ’diyi o’i yini. ’Ba mini dria ’bani isule ’diyi, o’i yi tualu, yi apa engazu ziri.
4E’yo ’disi ma ’yo ra: Mi ni ma ’dini ku, ma ’do ma candi vu; mi ecandi mi ma asi omizu ku ’bani ma o’dipi ezo ma dri jalerisi.
5 #
Esi 3:15; Imv 1:5 A’disiku eri o’du candini, o’du ’bani ’ba tuzu va pasiri, o’du ’bani nizu yi ma ’ye ngoni ya kuri, te eri enga Opi, Yehova asikari ongulumuruniri vu, e’bu afa ndrezaniria; ’bani kali tole abiru ’diyi bizu va, awuni cazu kpere oni amboru ’diyi vu.
6 #
Isa 21:2; Yer 49:35 Te Elamu ’du endereni, ’ba tupi gari dria ’diyi pi ’ba tupi akanya dria ’diyi be, Kiri fe gombere e’dani.
7Te eri eca ’dini, e’bu mini onyiru tu ’diyi ga tre gari pisi, azini ’ba tupi akanya dria ’diyi nga yi otu ngonde kalitilea.
8 #
1 Opi 7:2
Eri nze afa a’buza Yuda ruaa ’bo.
O’du ’dasi mi lu afa ombani ovupi jo angu oceruriari vu, 9#2 Opi 20:20; 2 Sur 32:4; Ong 4:4emi ndre pari ’bani asule va aku Daudini ma alia ’diyi indi, kini yi ovu kakau, azini emi bi yi a’di andraleruri ma geri ci, ma oku i tualu ani, 10emi ola jo Yerusalemua ’diyi ma kalafe ra, emi anzu jo ’bani ra, muzu ani kali Yerusalemuni ’bazu okporu. 11#Neh 3:16Emi ede vini ’bile yi engapi pari yi a’di okuriari ma ta mbazu abi iri nde ma eselia. Te emi egani ’ba ndra afa ’diri ’yepiri ku, emi inzini ’ba ndra afa ’diri edepi ’dinile andra driori ku.
12O’du ’dasi Opi, Yehova asikari ongulumuruniri omve ’ba awu wuzu, ovuzu candisi, kani dri’bi fazu candisi, kani koliba suzu ’ba ruaa;
13 #
Isa 5:12; Amo 6:3; Luk 17:26-29; Isa 56:12; 1 Kor 15:32 te mi ndre, ayiko pi nyona be, ti soza pi kabilo liza be, za nyaza pi patiefi ma su mvuza be. Ama nya, ama mvu asizu, a’disiku ama odra dru.
14 #
1 Sam 3:14; Eze 24:13 Te Yehova asikari ongulumuruniri ece e’yo ini ma bilea: Ada, ada yi ngani e’yo onzi ’diri wu emi dri ku de nga emi drani ku, Opi Yehova asikari ongulumuruniri ’yoni.
Eliakimuni fizu Sebina ma pariari
15 #
2 Opi 18:37; Isa 36:3; 1 Opi 4:6 Opi, Yehova asikari ongulumuruniri ’yo ’dinile, Mi mu agu silingi ta mbapi ’diri vu, adani Sebina’i, ovupi jo ma driliari, kini, 16Mi ’doa a’di ’ye ya? ’Ba mini ovupi ’doa ’diyi a’dipi ya? Mini mi ’bile gale mi sazu ’ doarisi ya? Eri si i ma nyadri oni dria uru, eri ga i ma pari ovuzuri oni eselia ’doni ya! 17Mi ndre, Yehovani ekile ’ba okporule nga mi ’be amve okposi. Adani eri nga mi otra kirikiri, 18eri nga mi ali raka, eri nga mi ’be mupirale angu walarua ndo; mi nga di dra ’dasi ani, gari mini ovuzu ani afusi ’diyi nga awi geri ’dasi, mi drinza fepi opi mini ma ori’ba driri mi’i. 19Te ma nga mi dro okposi azi miniasi, yi nga mi ese va engazu pari mini amboniriasi. 20#2 Opi 18:18Eri nga di eca ’dini o’du ’dasi, ma nga ati’bo mani Eliakimu Hilikia mvini omve, 21#Yob 29:16ma nga bongo mini su eri ruaa, ma nga okpo fe eri dri enyi mi opilearisi, ma nga azi mini ’ba dri cezuri fe eri ma dria; te eri nga di ovu ’ba ovupi Yerusalemua ’diyi pi dri ataru, ori’ba Yudani ’diyi be. 22#Eceza 3:7Azini ma nga jo Daudini ma fungua ’ba eri ma ombetia; eri nga jotile zi ra, te ’ba azini ngani opi ku; eri nga opi ra, te ’ba ngapi zipini yo. 23#Ezr 9:8Ma nga eri di okporu, ekile alo, pari kongolokoru ma aliarile, eri nga ovu oguna dizani jo eri ma atini dri. 24Yi nga di jo eri ma atini ma diza dria o’i eri ma ruaa, anzipi, ori efupiri pie, afazu were ’diyi pie dria, engazu okelea yi mvuzu ’diyi vu cazu imvu amboru ’diyi vu. 25O’du ’dasi, Yehova asikari ongulumuruniri ’yo ra, ale dile okporu pari kongolokoru ma aliari nga i nye ra; yi nga eri li va, eri nga di e’de ra, te teri ’ile ala nde ruaari yi nga li va; Yehovani e’yo ’diri ’yolenirisi.
Bible in Lugbara © United Bible Societies, 1966.